Rikors ippreżentat fit-18 ta' Frar 2011 - Mariën vs EEAS
(Kawża F-15/11)
Lingwa tal-kawża: l-Ingliż
Partijiet
Rikorrent: Peter Mariën (Elsene, il-Belġju) (rappreżentanti: B. Theeuwes u F. Pons, avukati)
Konvenut: Servizz Ewropew għall-Azzjoni Esterna
Suġġett
L-annullament tad-deċiżjoni tal-Kap tad-Delegazzjoni tal-UE għall-Afganistan li tordna lill-membri ta' din d-delegazzjoni jitilqu mil-lukandi tagħhom u jitrasferixxu ruħhom f'kumpless residenzjali tal-UE.
Talbiet tar-rikorrent
tannulla d-deċiżjoni li tinsab fil-messaġġ tal-posta elettronika tal-11 ta' Jannar 2011, tar-Rappreżentant Speċjali u Kap tad-Delegazzjoni tal-UE fl-Afganistan li jordna lir-rikorrent biex fl-14 ta' Jannar 2011, jitrasferixxi għall-kumpless residenzjali f'Kabul, l-Afganistan;
tikkundanna lil SEAE għall-ispejjeż kollha relatati mal-miżuri ta' residenza temporanja;
tikkundanna lil SEAE tindenizza fl-ammont ta' EUR 10,000 lir-rikorrent għall-istress psikoloġiku u għad-danni kkawżati lilu;
tikkundanna lil SEAE għall-ispejjeż.
____________