Talba għal deċiżjoni preliminari mressqa mill-Varhoven administrativen sad (il-Bulgarija) fid-29 ta’ Mejju 2017 – Geocycle Bulgaria EOOD vs Direktor na direktsia “Obzhalvane i danachno-osiguritelna praktik” – Veliko Tarnovo, pri Tsentralno upravlenie na Natsionalnata agentsia za prihodite
(Kawża C-314/17)
Lingwa tal-kawża: il-Bulgaru
Qorti tar-rinviju
Varhoven administrativen sad
Partijiet fil-kawża prinċipali
Rikorrenti: Geocycle Bulgaria EOOD
Konvenut: Direktor na direktsia “Obzhalvane i danachno-osiguritelna praktik” – Veliko Tarnovo, pri Tsentralno upravlenie na Natsionalnata agentsia za prihodite
Domanda preliminari
Ikun hemm ksur tal-prinċipji ta’ newtralità fiskali u ta’ effettività tas-sistema komuni tal-VAT, prevista fid-dispożizzjonijiet tad-Direttiva tal-Kunsill 2006/112/KE, tat-28 ta’ Novembru 2006, dwar is-sistema komuni ta’ taxxa fuq il-valur miżjud 1 , meta, fid-dawl tal-fatti fil-kawża prinċipali, l-istess kunsinna waħda hija suġġetta għall-VAT, l-ewwel darba taħt is-sistema ġenerali – fejn il-VAT kienet ikkalkolata mill-fornitur fuq il-bażi tal-fattura tal-bejgħ – u t-tieni darba permezz tal-mekkaniżmu ta’ awtolikwidazzjoni mid-destinatarju, konformement mal-avviż ta’ aġġustament fiskali – mekkaniżmu li fil-kuntest tiegħu l-eżerċizzju tad-dritt għat-tnaqqis tat-taxxa ma huwiex possibbli fil-prattika – u meta l-leġiżlazzjoni nazzjonali ma tippermettix li l-VAT ikkalkolata fuq il-fattura mill-fornitur tiġi kkoreġuta wara l-għeluq tal-proċedura ta’ aġġustament fiskali?
____________
1 ĠU 2006, L 347, p. 1.