Talba għal deċiżjoni preliminari mressqa mill-Oberlandesgericht Bamberg (il-Ġermanja) fid-9 ta’ Settembru 2013 – proċeduri kriminali kontra Mohammad Ferooz Qurbani

(Kawża C-481/13)

Lingwa tal-kawża: il-Ġermaniż

Qorti tar-rinviju

Oberlandesgericht Bamberg

Parti fil-kawża prinċipali

Mohammad Ferooz Qurbani

Domandi preliminari

L-eżenzjoni personali tal-pieni stabbilita fl-Artikolu 31 tal-Konvenzjoni dwar l-istatus tar-refuġjati (il-Konvenzjoni ta’ Genève, iktar ’il quddiem il-“KG”), tinkludi wkoll, lil hinn mill-kliem tagħha, il-falsifikazzjoni tad-dokumenti li tkun seħħet permezz tal-preżentazzjoni ta’ passaport falz lil uffiċjal tal-pulizija, fid-dħul bl-ajru fir-Repubblika Federali tal-Ġermanja, meta l-passaport falz ma huwiex fil-fatt neċessarju għall-applikazzjoni tal-ażil f’dan l-Istat?Ir-rikors għas-servizzi ta’ kuntrabandisti jeskludi l-invokazzjoni tal-Artikolu 31 tal-KG?Il-kundizzjoni ta’ applikazzjoni tal-Artikolu 31 tal-KG, li tikkonsisti fl-oriġini “diretta” tal-persuna kkonċernata minn territorju fejn il-ħajja jew il-libertà tagħha kienu mhedda, għandha tiġi interpretata fis-sens li din il-kundizzjoni hija wkoll sodisfatta meta l-persuna kkonċernata tkun l-ewwel nett daħlet fi Stat Membru ieħor tal-Unjoni Ewropea (f’dan il-każ, il-Ġreċja) minn fejn tali persuna ssoktat bil-vjaġġ tagħha lejn

Stat Membru ieħor (f’dan il-każ, ir-Repubblika Federali tal-Ġermanja) li fih hija titlob l

-ażil?