Talba għal deċiżjoni preliminari mressqa mit-Tribunal de commerce de Bourges (Franza) fit-8 ta' Mejju 2009 - Lidl SNC vs Vierzon Distribution SA

(Kawża C-159/09)

Lingwa tal-kawża: Il-Franċiż

Qorti tar-rinviju

Tribunal de commerce de Bourges

Partijiet fil-kawża prinċipali

Rikorrenti: Lidl SNC

Konvenuta: Vierzon Distribution SA.

Domanda preliminari

L-Artikolu 3a tad-Direttiva 84/450¹, kif emendata bid-Direttiva 97/55², għandu jiġi interpretat fis-sens li mhuwiex permess li jsir reklamar komparattiv abbażi tal-prezzijiet ta' prodotti li jservu l-istess bżonn jew li għandhom l-istess għan, jiġifieri li jippreżentaw bejniethom livell suffiċjenti ta' interkambjalità, minħabba l-unika raġuni li, fir-rigward ta' prodotti alimentari, il-possibbilità li kull wieħed minn dawn il-prodotti jittiekel, jew fi kwalunkwe każ, il-gost li wieħed jesperjenza waqt li jiekolhom, ivarja minn wieħed għall-ieħor skont il-kundizzjonijiet u l-postijiet ta' produzzjoni, skont l-ingredjenti użati, u skont l-esperjenza tal-produttur?

____________

¹ - Direttiva tal-Kunsill 84/450/KEE tal-10 ta' Settembru 1984 dwar l-approssimazzjoni tal-liġijiet, regolamenti u dispożizzjonijiet amministrattivi tal-Istati Membri dwar reklamar qarrieqi (ĠU L 250, p.17).

² - Direttiva 97/55/KE tal-Parlament Ewropew u tal-Kunsill tas-6 ta' Ottubru 1997 li temenda d-Direttiva tal-KEE 84/450 dwar reklamar qarrieqi sabiex tinkludi reklamar komparattiv (ĠU L 290, p. 18).