Sentenza tal-Qorti Ġenerali tat-13 ta' Lulju 2011 - Unipetrol vs Il-Kummissjoni
"Kompetizzjoni - Akkordji - Suq tal-gomma butadiene u tal-gomma styrene-butadiene magħmula bil-proċess ta' polimerizzazzjoni permezz ta' emulsjoni - Deċiżjoni li tikkonstata ksur tal-Artikolu 81 KE - Parteċipazzjoni fl-akkordju - Imputabbiltà tal-aġir li jikkostitwixxi ksur - Multi"
Lingwa tal-kawża: l-Ingliż
Partijiet
Rikorrenti: Unipetrol a.s. (Praga, ir-Repubblika Ċeka) (rappreżentanti: J. Matějček u I. Janda, avukati)
Konvenuta: Il-Kummissjoni Ewropea (rappreżentanti: iniżjalement M. Kellerbauer, V. Bottka u O. Weber, sussegwentement M. Kellerbauer, V. Bottka u V. Di Bucci, aġenti)
Suġġett
Talba għall-annullament, fir-rigward ta' Unipetrol a.s., tad-Deċiżjoni tal-Kummissjoni C(2006) 5700 finali, tad-29 ta' Novembru 2006, dwar proċedura skont l-Artikolu 81 [KE] u l-Artikolu 53 tal-Ftehim ŻEE (Każ COMP/F/38.638 - Gomma butadiene u gomma styrene-butadiene magħmula bil-proċess ta' polimerizzazzjoni permezz ta' emulsjoni), jew, sussidjarjament, għall-eżerċizzju tal-ġurisdizzjoni sħiħa tal-Qorti Ġenerali.
Dispożittiv
Id-Deċiżjoni tal-Kummissjoni C(2006) 5700 finali, tad-29 ta' Novembru 2006, dwar proċedura skont l-Artikolu 81 [KE] u l-Artikolu 53 tal-Ftehim ŻEE (Każ COMP/F/38.638 - Gomma butadiene u gomma styrene-butadiene magħmula bil-proċess ta' polimerizzazzjoni permezz ta' emulsjoni), hija annullata sa fejn din tikkonċerna lil Unipetrol a.s.
Il-Kummissjoni Ewropea hija kkundannata għall-ispejjeż.
____________1 - ĠU C 82, 14.04.2007.