Rikors ippreżentat fit-30 ta' Marzu 2009 - Lebedef u Jones vs Il-Kummissjoni
(Kawża F-29/09)
Lingwa tal-kawża: Il-Franċiż
Partijiet
Rikorrenti: Giorgio Lebedef (Senningerberg, il-Lussemburgu) u Trevor Jones (Ernzen, il-Lussemburgu) (rappreżentant: F. Frabetti, avukat)
Konvenuta: Il-Kummissjoni tal-Komunitajiet Ewropej
Suġġett u deskrizzjoni tal-kawża
It-talba għall-annullament tad-deċiżjoni li tirrifjuta li l-kapaċità tal-akkwist tas-salarji fil-Lussemburgu tinġieb f'livell ekwivalenti għal dak tal-kapaċità tal-akkwist tas-salarji fi Brussell u, sussidjarjament, it-talba għall-annullament tad-dikjarazzjonijiet tas-salarju tar-rikorrenti maħruġa mill-15 ta' Ġunju 2008.
Talbiet tar-rikorrenti
jannulla d-deċiżjoni impliċita li tirrifjuta li l-kapaċità tal-akkwist tas-salarji fil-Lussemburgu tinġieb f'livell ekwivalenti għal dak tal-kapaċità tal-akkwist tas-salarji fi Brussell;
sussidjarjament, jannulla d-dikjarazzjonijiet tas-salarju tar-rikorrenti maħruġa għall-perijodu mill-15 ta' Ġunju 2008 'l hawn;
jikkundanna lill-Kummissjoni tal-Kumunitajiet Ewropej għall-ispejjeż.
____________