Talba għal deċiżjoni preliminari mressqa mill-High Court of Justice (Queen’s Bench Division) (ir-Renju Unit) fis-6 ta’ Jannar 2020 – Daimler AG vs Walleniusrederierna Aktiebolag, Wallenius Wilhelmsen ASA, Wallenius Logistics AB, Wilhelmsen Ships Holding Malta Limited, Wallenius Wilhelmsen Ocean AS, „K“ Line Holding (Europe) Limited, „K“ Line Europe Limited, Nyk Group Europe Limited, Compañia Sudamericana de Vapores SA
(Kawża C-2/20)
Lingwa tal-kawża: l-Ingliż
Qorti tar-rinviju
High Court of Justice (Queen’s Bench Division)
Partijiet fil-kawża prinċipali
Rikorrenti: Daimler AG
Konvenuti: Walleniusrederierna Aktiebolag, Wallenius Wilhelmsen ASA, Wallenius Logistics AB, Wilhelmsen Ships Holding Malta Limited, Wallenius Wilhelmsen Ocean AS, „K“ Line Holding (Europe) Limited, „K“ Line Europe Limited, Nyk Group Europe Limited, Compañia Sudamericana de Vapores SA
Domandi preliminari
Qorti nazzjonali għandha ġurisdizzjoni sabiex tiddetermina talba għad-danni taħt l-Artikolu 85 KEE/l-Artikolu 81 KE fejn l-aġir ikkritikat kien jinvolvi l-provvista ta’ servizzi marittimi internazzjonali esklużivament bejn portijiet li ma humiex tal-KEE jew tal-KE fil-perijodu qabel l-1 ta’ Mejju 2004 u l-qorti nazzjonali ma kinitx awtorità rilevanti fi Stat Membru għall-finijiet tal-Artikolu 88 KEE jew l-Artikolu 84 KE?
Jekk tingħata risposta fin-negattiv għall-ewwel domanda, qorti nazzjonali għandha ġurisdizzjoni sabiex tiddetermina tali talba fir-rigward tal-provvista ta’ servizzi marittimi internazzjonali esklużivament bejn portijiet li ma humiex tal-KEE jew tal-KE fil-perijodu bejn l-1 ta’ Mejju 2004 u t-18 ta’ Ottubru 2006?
____________