SENTENZA TAL-QORTI ĠENERALI (Ir-Raba’ Awla)
18 ta’ Lulju 2017 (*)
“Disinn Komunitarju – Proċedimenti għal dikjarazzjoni ta’ invalidità – Disinn Komunitarju rreġistrat li jirrappreżenta ornament – Disinn preċedenti – Raġuni għal invalidità – Assenza ta’ karattru individwali – Prodott inkwistjoni – Grad ta’ libertà tal-kreatur – Assenza ta’ impressjoni globali differenti – Artikolu 6 u Artikolu 25(1)(b) tar-Regolament (KE) Nru 6/2002”
Fil-Kawża T‑57/16,
Chanel SAS, stabbilita fi Neuilly-sur-Seine (Franza), irrappreżentata minn C. Sueiras Villalobos, avukat,
rikorrenti,
vs
L-Uffiċċju tal-Proprjetà Intellettwali tal-Unjoni Ewropea (EUIPO), irrappreżentat minn E. Zaera Cuadrado, bħala aġent,
konvenut,
il-partijiet l-oħra fil-proċedimenti quddiem il-Bord tal-Appell tal-UASI kienu
Li Jing Zhou, residenti fi Fuenlabrada (Spanja),
u
Golden Rose 999 Srl, stabbilita f’Ruma (l-Italja),
li għandha bħala suġġett rikors ippreżentat kontra d-deċiżjoni tat-Tielet Bord tal-Appell tal-EUIPO, tat-18 ta’ Novembru 2015 (Każ R 2346/2014‑3), dwar proċedimenti għal dikjarazzjoni ta’ invalidità bejn, minn naħa, Chanel u, min-naħa l-oħra, Li Jing Zhou uGolden Rose 999,
IL-QORTI ĠENERALI (Ir-Raba’ Awla)
komposta minn H. Kanninen, President, L. Calvo-Sotelo Ibáñez-Martín u I. Reine (Relatur), Imħallfin,
Reġistratur: J. Palacio González, Amministratur Prinċipali,
wara li rat ir-rikors ippreżentat fir-Reġistru tal-Qorti Ġenerali fit-8 ta’ Frar 2016,
wara li rat ir-risposta tal-EUIPO ppreżentata fir-Reġistru tal-Qorti Ġenerali fis‑27 ta’ April 2016,
wara s-seduta tas-7 ta’ Marzu 2017,
tagħti l-preżenti
Sentenza
Il-fatti li wasslu għall-kawża
1 Fit-30 ta’ Marzu 2010, Li Jing Zhou ppreżenta applikazzjoni għar-reġistrazzjoni ta’ disinn Komunitarju quddiem l-Uffiċċju tal-Proprjetà Intellettwali tal-Unjoni Ewropea (EUIPO), skont ir-Regolament tal-Kunsill (KE) Nru 6/2002, dwar id-disinji Komunitarji (ĠU Edizzjoni Speċjali bil-Malti, Kapitolu 13, Vol. 27, p. 142).
2 Id-disinn li fir-rigward tiegħu ġiet ippreżentata l-applikazzjoni għal reġistrazzjoni huwa rrappreżentat kif ġej:
![Image not found](data:image/png;base64,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)
3 Id-disinn irrappreżentat fil-punt 2 hawn fuq, irreġistrat bin-Numru 1689027‑0001 huwa intiż sabiex jiġi applikat għal “ornamentazzjoni”, li taqa’ fil-klassi 32 fis-sens tal-Ftehim ta’ Locarno li jistabbilixxi klassifikazzjoni internazzjonali għad-disinni industrijali, tat-8 ta’ Ottubru 1968, kif emendat, ġie ppubblikat fil-Bulettin tad-disinni komunitarji Nru 97/2010, tal-5 ta’ Mejju 2010.
4 Fl-24 ta’ Jannar 2014, l-EUIPO ġie informat li Golden Rose 999 Srl kienet saret koproprjetarja tad-disinn irrappreżentat fil-punt 2 hawn fuq.
5 Fl-4 ta’ Diċembru 2013, ir-rikorrenti, Chanel SAS, skont l-Artikolu 52 tar-Regolament Nru 6/2002 ressqet quddiem id-Diviżjoni tal-Kanċellazzjoni tal-EUIPO talba għal dikjarazzjoni ta’ invalidità tad-disinn ikkontestat. Ir-raġuni mogħtija insostenn għat-talba kienet dik imsemmija fl-Artikolu 25(1)(b) tar-Regolament Nru 6/2002, moqri flimkien mal-Artikoli 4 sa 9 tal-istess regolament.
6 Fin-nota li tesponi r-raġunijiet għat-talba għal dikjarazzjoni ta’ invalidità, ir-rikorrenti ssostni li d-disinn ikkontestat ma kellux karattru ġdid fis-sens tal-Artikolu 5 tar-Regolament Nru 6/2002. Fil-fehma tagħha, id-disinn ikkontestat kien jixxiebah ħafna mal-monogramm tagħha u kien kważi identiku għalih, irreġistrat bħala trade mark kummerċjali fi Franza sa mill-1989 u rrappreżentat kif ġej:
![Image not found](data:image/png;base64,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)
7 Minbarra hekk, hija invokat l-assenza ta’ karattru individwali tad-disinn ikkontestat, skont l-Artikolu 6 tar-Regolament Nru 6/2002.
8 Permezz ta’ deċiżjoni tal-15 ta’ Lulju 2014, id-Diviżjoni tal-Kanċellazzjoni tal-EUIPO ċaħdet it-talba għal dikjarazzjoni ta’ invalidità, għar-raġuni li d-disinn preċedenti ma kienx iċaħħad lid-disinn ikkontestat min-novità tiegħu, u lanqas mill-karattru individwali.
9 Fir-rigward tal-karattru ġdid tad-disinn ikkontestat, id-Diviżjoni tal-Kanċellazzjoni essenzjalment qieset li d-differenzi bejn id-disinni kunfliġġenti ma kinux insinjifikanti. F’dak li jikkonċerna l-karattru individwali, id-Diviżjoni tal-Kanċellazzjoni kkonkludiet li d-disinn ikkontestat kien joħloq fuq l-utent avżat impressjoni globali differenti mid-disinn preċedenti.
10 Fl-10 ta’ Settembru 2014, ir-rikorrenti ppreżentat appell, quddiem il-Bord tal-Appell tal-EUIPO, mid-deċiżjoni tad-Diviżjoni tal-Kanċellazzjoni.
11 Permezz ta’ deċiżjoni tat-18 ta’ Novembru 2015 (iktar ’il quddiem id-“deċiżjoni kkontestata”), it-Tielet Bord tal-Appell tal-EUIPO ċaħad l-appell. Essenzjalment huwa qies li d-disinn ikkontestat manifestament ma kienx identiku għall-monogramm ta’ Chanel, li d-differenzi bejn iż-żewġ disinni ma jistgħux jiġu assimilati għal dettalji insinjifikanti u li, konsegwentement, id-disinn ikkontestat kien ġdid.
12 Hija qieset ukoll li d-disinn preċedenti ma kienx iċaħħad lid-disinn ikkontestat mill-karattru individwali tiegħu. Il-Bord tal-Appell qabel xejn eżamina l-kunċett ta’ “utent avżat” applikat f’dan il-każ. Minn dan huwa kkonkluda li l-prodott li għalih ġie applikat id-disinn ikkontestat kien jikkostitwixxi ornament u li dan il-prodott kien użat kemm mill-professjonisti kif ukoll mill-utenti finali bħala ornament ta’ prodotti oħra.
13 Il-Bord tal-Appell sussegwentement osserva li l-kreatur tad-disinn ikkontestat kien igawdi minn libertà kbira għall-kreazzjoni tiegħu. Madankollu, id-differenza eżistenti fil-partijiet ċentrali taż-żewġ monogrammi tikkostitwixxi karatteristika fundamentali, li l-utent avżat iżomm fil-memorja tiegħu, kif korrettement iddefinit mid-Diviżjoni tal-Kanċellazzjoni. Konsegwentement, l-impressjoni globali prodott minn kull wieħed minn dawn id-disinni kunfliġġenti fuq l-utent avżat tvarja.
It-talbiet tal-partijiet
14 Ir-rikorrenti titlob li l-Qorti Ġenerali jogħġobha:
– tannulla d-deċiżjoni kkontestata;
– tiddikjara l-invalidità tad-disinn ikkontestat;
– tikkundanna lill-EUIPO għall-ispejjeż, kif ukoll lil kull parti prinċipali jew intervenjenti fil-proċedura insostenn tad-deċiżjoni kkontestata.
15 L-EUIPO jitlob li l-Qorti Ġenerali jogħġobha:
– tiċħad ir-rikors;
– tikkundanna lir-rikorrenti għall-ispejjeż.
Id-dritt
Fuq l-ammissibbiltà tat-tieni kap tat-talbiet tar-rikorrenti
16 Permezz tat-tieni kap tat-talbiet tagħha, ir-rikorrenti titlob lill-Qorti Ġenerali tiddikjara l-invalidità tad-disinn ikkontestat.
17 Għandu jitfakkar li, skont l-Artikolu 61(3) tar-Regolament Nru 6/2002, il-Qorti Ġenerali għandha l-kompetenza sew sabiex tannulla kif ukoll sabiex tibdel id-deċiżjoni kkontestata. Barra minn hekk, skont l-Artikolu 61(6) tal-istess regolament, l-EUIPO huwa meħtieġ li jieħu l-miżuri meħtieġa għall-eżekuzzjoni tas-sentenza tal-Qorti Ġenerali. Minn din l-aħħar dispożizzjoni jirriżulta li ma hijiex il-Qorti Ġenerali li għandha tagħti ordnijiet lill-EUIPO, li, fil-fatt, għandu jiddeduċi l-konsegwenzi mid-dispożittiv u mill-motivazzjoni tas-sentenza tal-Qorti Ġenerali [sentenza tat-12 ta’ Mejju 2010, Beifa Group vs UASI – Schwan‑Stabilo Schwanhäußer (Strument tal-kitba), T‑148/08, EU:T:2010:190, punt 40].
18 Għaldaqstant, it-tieni kap ta’ talbiet tar-rikorrenti għandu jiġi miċħud bħala inammissibbli [ara, b’analoġija, is-sentenza tal-11 ta’ Frar 2009, Bayern Innovativ vs UASI – Life Sciences Partners Perstock (LifeScience), T‑413/07, mhux ippubblikata, EU:T:2009:34, punt 17].
Fuq il-mertu
19 Insostenn tar-rikors tagħha r-rikorrenti tinvoka motiv uniku, ibbażat fuq il-ksur tal-Artikolu 25(1)(b) tar-Regolament Nru 6/2002, li jinqasam f’żewġ partijiet, ibbażati, l-ewwel waħda, fuq ksur tal-Artikolu 6 tal-imsemmi regolament u, it-tieni waħda, fuq ksur tal-Artikolu 5 ta’ dan l-istess regolament. Għandha tiġi eżaminata l-ewwel parti ta’ dan il-motiv uniku.
20 Fil-kuntest tal-ewwel parti tal-motiv uniku, ir-rikorrenti essenzjalment issostni li l-analiżi tal-Bord tal-Appell hija manifestament inkompleta u li l-konklużjonijiet tiegħu huma vvizzjati minn diversi żbalji.
21 Skont ir-rikorrenti, fil-kuntest tal-analiżi tal-karattru individwali tad-disinn ikkontestat, il-Bord tal-Appell bl-ebda mod ma semma l-prodott li għalih dan id-disinn huwa intiż li jiġi applikat. Lanqas ma ġie ppreċiżat min huwa l-utent avżat f’din il-kawża. Ir-rikorrenti ssostni li l-Bord tal-Appell messu ħa inkunsiderazzjoni l-provi ppreżentati, li juru li d-disinni kunfliġġenti ġew riprodotti fuq oġġetti reali, kif ukoll il-fatt li kien hemm biss differenzi minimi bejn dawn id-disinni. Ir-rikorrenti barra minn hekk issostni li d-disinn ikkontestat jista’ jintuża jekk l-orjentazzjoni tiegħu iddur b’90 grad meta mqabbel mar-rappreżentazzjoni tiegħu fl-applikazzjoni għal reġistrazzjoni.
22 B’hekk, minkejja l-konklużjoni li l-kreatur tad-disinn ikkontestat kien igawdi minn libertà kbira għall-kreazzjoni tiegħu, il-Bord tal-Appell madankollu ddeċieda li d-disinni kunfliġġenti ma kinux jipproduċu l-istess impressjoni globali, u dan jikkostitwixxi ksur tal-Artikolu 25(1)(b) tar-Regolament Nru 6/2002.
23 L-EUIPO jitlob li l-ewwel parti tiġi miċħuda. F’dan ir-rigward, qabel kollox, huwa josserva li r-rikorrenti la tikkontesta d-definizzjoni tal-utent avżat, u lanqas il-grad ta’ libertà tal-kreatur tad-disinn u tiddefinixxi l-prodott li għalih huwa intiż li jiġi applikat id-disinn ikkontestat bħala ornament.
24 Sussegwentement, l-EUIPO jitlob li ċerti provi ppreżentati għall-ewwel darba quddiem il-Qorti Ġenerali jiġu ddikjarati inammissibbli kif ukoll li tiġi ddikjarata l-inammissibbiltà tal-argument li l-Bord tal-Appell kien obbligat jieħu inkunsiderazzjoni d-disinni kunfliġġenti kif huma rrappreżentati fuq prodotti kkummerċjalizzati. Fi kwalunkwe każ, tali teħid inkunsiderazzjoni ma huwiex possibbli, u dan għaliex il-kundizzjonijiet ta’ użu tad-disinni f’kunflitt jiddependu totalment fuq ir-rieda tal-partijiet.
25 Fl-aħħar nett, skont l-EUIPO, il-Bord tal-Appell ħa inkunsiderazzjoni l-libertà kbira li minnha jibbenefika l-kreatur tad-disinn ikkontestat. Minkejja din il-konstatazzjoni, huwa kkunsidra d-differenzi bejn il-partijiet ċentrali tad-disinni f’kunflitt, mingħajr ma dawn id-differenzi ġew ikkontestati mir-rikorrenti. Konsegwentement, il-Bord tal-Appell ġustament ikkonkluda li d-disinni kunfliġġenti ma kinux jipproduċu l-istess impressjoni globali fl-utent avżat.
26 L-Artikolu 6 tar-Regolament Nru 6/2002 jipprevedi:
“1. Disinn għandu jiġi meqjus li jkollu karattru individwali jekk l-impressjoni ġenerali li jħalli fuq utent informat tkun differenti mill-impressjoni ġenerali mħollija fuq dan l-utent minn kull disinn li jkun ġie magħmul disponibbli għall-pubbliku:
(a) fil-każ ta’ disinn Komunitarju mhux irreġistrat, qabel id-data li fiha d-disinn li għalih ikun hmm talba għall-protezzjoni jkun ġie magħmul disponibbli għall-pubbliku għall-ewwel darba;
(b) fil-każ ta’ disinn Komunitarju rreġistrat, qabel id-data ta’ l-infilzar ta’ l-applikazzjoni għar-reġistrazzjoni jew, jekk ikun hemm talba dwar il-prijorità, id-data tal-prijorità.
2. Fl-istima tal-karattru individwali, għandu jittieħed f’kunsiderazzjoni l-grad tal-libertà tad-disinjatur fl-iżvilupp taddisinn.”
27 Minn din id-dispożizzjoni jirriżulta li l-evalwazzjoni tal-karattru individwali ta’ disinn Komunitarju essenzjalment tippreżupponi eżami f’erba’ stadji, li jikkonsistu fid-determinazzjoni, l-ewwel nett, tas-settur tal-prodotti li magħhom id-disinn huwa intiż li jiġi inkorporat jew li għalihom huwa intiż li jiġi applikat, it-tieni nett, l-utent avżat tal-imsemmija prodotti skont l-għan tagħhom u, b’riferiment għal dan l-utent avżat, il-grad ta’ konoxxenza tal-arti preċedenti kif ukoll il-livell ta’ attenzjoni fit-tqabbil, dirett jekk possibbli, tad-disinni, it-tielet nett, il-grad ta’ libertà tal-kreatur fl-iżvilupp tad-disinn u, ir-raba’ nett, ir-riżultat tat-tqabbil tad-disinni inkwistjoni, b’teħid inkunsiderazzjoni tas-settur ikkonċernat, tal-grad ta’ libertà tal-kreatur u tal-impressjonijiet globali prodotti fuq l-utent avżat mid-disinn ikkontestat u minn kull disinn preċedenti żvelat lill-pubbliku. Prerekwiżit fl-eżami tal-karattru individwali ta’ disinn kif ukoll fl-eżami tan-novità tiegħu skont l-Artikolu 5 tar-Regolament Nru 6/2002 jikkonsisti fl-istabbiliment tal-eżistenza u tal-preċedenza tal-iżvelar lill-pubbliku ta’ kwalunkwe disinn invokat insostenn tal-invalidità tad-disinn ikkontestat [sentenza tas-7 ta’ Novembru 2013, Budziewska vs UASI – Puma (Felin jaqbeż), T‑666/11, mhux ippubblikata, EU:T:2013:584, punt 21].
28 Konsegwentement, mill-Artikolu 6(1)(b) tar-Regolament Nru 6/2002 kif ukoll minn ġurisprudenza stabbilita jirriżulta li l-eżami tal-karattru individwali ta’ disinn jiddependi fuq l-impressjoni globali li dan jipproduċi fl-utent avżat [ara, f’dan is-sens, is-sentenzi tat-22 ta’ Ġunju 2010, Shenzhen Taiden vs UASI – Bosch Security Systems (Apparat għall-komunikazzjoni), T‑153/08, EU:T:2010:248, punt 17, u tal-25 ta’ Ottubru 2013, Merlin et vs UASI – Dusyma (Logħob), T‑231/10, mhux ippubblikata, EU:T:2013:560, punt 28 u l-ġurisprudenza ċċitata].
29 Fil-kuntest tal-evalwazzjoni konkreta tal-impressjoni globali tad-disinni inkwistjoni fuq l-utent avżat, li għandu ċerta konoxxenza tal-istat tal-arti preċedenti, għandu jittieħed inkunsiderazzjoni l-grad ta’ libertà tal-kreatur fl-iżvilupp tad-disinn ikkontestat [ara, f’dan is-sens, is-sentenza tat-18 ta’ Marzu 2010, Grupo Promer Mon Graphic vs UASI – PepsiCo (Rappreżentazzjoni ta’ oġġetti promozzjonali ċirkulari), T‑9/07, EU:T:2010:96, punt 72].
30 Konformement mal-ġurisprudenza, iktar ma tkun kbira l-libertà tal-kreatur fl-iżvilupp ta’ disinn, inqas id-differenzi żgħar bejn id-disinni kunfliġġenti jkunu biżżejjed sabiex jipproduċu impressjoni globali differenti fuq l-utent avżat. Bil-maqlub, iktar ma tkun ristretta l-libertà tal-kreatur fl-iżvilupp ta’ disinn, iktar id-differenzi żgħar bejn id-disinni kunfliġġenti jkunu biżżejjed sabiex jipproduċu impressjoni globali differenti fuq l-utent avżat. Għalhekk, grad għoli ta’ libertà tal-kreatur fl-iżvilupp ta’ disinn isaħħaħ il-konklużjoni li d-disinni li ma fihomx differenzi sinjifikattivi jipproduċu l-istess impressjoni globali fuq l-utent avżat [sentenza tad-9 ta’ Settembru 2011, Kwang Yang Motor vs UASI – Honda Giken Kogyo (Magna b’kombustjoni interna), T‑11/08, mhux ippubblikata, EU:T:2011:447, punt 33].
31 Madankollu, għandu jitfakkar li l-fattur dwar il-libertà tal-kreatur waħdu ma jistax jikkundizzjona l-evalwazzjoni tal-karattru individwali ta’ disinn, iżda li, għall-kuntrarju, dan huwa element li għandu jittieħed inkunsiderazzjoni f’din l-evalwazzjoni. Dan huwa fattur li jippermetti li tiġi attenwata l-evalwazzjoni tal-karattru individwali tad-disinn ikkontestat, iktar milli fattur awtonomu li jiddetermina d-differenza meħtieġa bejn żewġ disinni sabiex kull wieħed minnhom jattesta karattru individwali. Għalhekk, il-fattur relatat mal-grad ta’ libertà tal-kreatur jista’ jsaħħaħ jew, għall-kuntrarju, idgħajjef il-konklużjoni fuq l-impressjoni globali ta’ kull disinn inkwistjoni [ara, f’dan is-sens, is-sentenza tal-10 ta’ Settembru 2015, H&M Hennes & Mauritz vs UASI – Yves Saint Laurent (Basktijiet tal-idejn), T‑526/13, mhux ippubblikata, EU:T:2015:614, punti 33 u 35].
32 Għaldaqstant id-disinn ma jistax jitqies li huwa riproduzzjoni tad-disinn preċedenti jew tal-idea oriġinali li kienet ġiet żviluppata għall-ewwel darba f’dan tal-aħħar [ara, f’dan is-sens, is-sentenzi tas-6 ta’ Ġunju 2013, Kastenholz vs UASI – Qwatchme (Uċuħ tal-arloġġi), T‑68/11, EU:T:2013:298, punt 71, u tal-4 ta’ Frar 2014, Gandia Blasco vs UASI – Sachi Premium-Outdoor Furniture (Pultruna kubika), T‑339/12, mhux ippubblikata, EU:T:2014:54, punt 40].
33 Fl-aħħar nett għandu jitfakkar li mill-ġurisprudenza jirriżulta li t-tqabbil tal-impressjonijiet globali prodotti mid-disinni għandu jkun sintetiku u ma jistax ikun limitat għat-tqabbil analitiku ta’ elenku ta’ xebh u ta’ differenzi [sentenza tad-29 ta’ Ottubru 2015, Roca Sanitario vs UASI – Villeroy & Boch (Vit b’liver wieħed), T‑334/14, mhux ippubblikata, EU:T:2015:817, punt 58].
34 Huwa fid-dawl ta’ dawn il-prinċipji li l-ewwel parti tal-motiv uniku mqajjem fil-kuntest ta’ din l-azzjoni għandha tiġi eżaminata.
35 Għandu jiġi kkonstatat li, f’din il-kawża, il-preċedenza tal-monogramm Chanel ma hijiex ikkontestata mill-partijiet.
36 Minbarra dan, ir-rikorrenti ma tikkontestax li d-disinn ikkontestat huwa ornament li jaqa’ fil-klassi 32, iżda ssostni li l-Bord tal-Appell ma identifikax il-prodotti li fuqhom dan l-ornament huwa intiż li jiġi applikat.
37 Barra minn hekk huwa paċifiku bejn il-partijiet u dan ġie sostnut mill-ġdid waqt is-seduta li l-utent avżat f’din il-kawża huwa ddefinit kemm mill-professjonisti kif ukoll mill-utenti finali.
38 Il-partijiet jaqblu wkoll fuq il-fatt li l-kreatur tad-disinn ikkontestat kien igawdi minn libertà kbira għall-kreazzjoni tiegħu.
39 Konsegwentement, fil-kuntest tal-analiżi tal-karattru individwali tad-disinn ikkontestat imwettqa mill-Bord tal-Appell għandu jiġi eżaminat jekk dan wettaqx żball, minn naħa, fir-rigward tad-determinazzjoni tan-natura tal-prodott li għalih id-disinn ikkontestat huwa intiż li jiġi applikat u, min-naħa l-oħra, dwar it-tqabbil tal-impressjonijiet globali prodotti fuq l-utent avżat mid-disinni kunfliġġenti.
Dwar in-natura tal-prodott li għalih id-disinn ikkontestat huwa intiż li jiġi applikat
40 F’din il-kawża, ir-rikorrenti ssostni li d-deċiżjoni kkontestata ma identifikatx, kif kellha tagħmel, il-prodott li għalih id-disinn ikkontestat huwa intiż li jiġi applikat.
41 Sabiex jiġi ddeterminat il-prodott li fih disinn ikkontestat ikun intiż li jiġi inkorporat jew li għalih disinn ikkontestat ikun intiż li jiġi applikat, għandha tittieħed inkunsiderazzjoni l-indikazzjoni li tirrigwardah fl-applikazzjoni għar-reġistrazzjoni tal‑imsemmi disinn, iżda wkoll, jekk ikun il-każ, id-disinn stess, sa fejn dan jippreċiża n-natura tal-prodott, l-użu intiż jew il-funzjoni tiegħu (sentenza tat-18 ta’ Marzu 2010, Rappreżentazzjoni ta’ oġġetti promozzjonali ċirkulari, T‑9/07, EU:T:2010:96, punt 56).
42 Preliminarjament, għandu jitfakkar li disinn jista’ jiġi rreġistrat bħala ornament kif seħħ fil-kawża li wasslet għas-sentenza tas-7 ta’ Novembru 2013, Felin jaqbeż (T‑666/11, mhux ippubblikata, EU:T:2013:584), li kienet tirrigwarda disinn irreġistrat bħala logo skont il-klassi 32.
43 F’din il-kawża, id-disinn ikkontestat ma jagħtix informazzjoni dwar l-użu intiż tiegħu jew dwar il-funzjoni tiegħu. Barra minn hekk, b’differenza mill-kawża li wasslet għas-sentenza tas-7 ta’ Novembru 2013 (Felin jaqbeż, T‑666/11, mhux ippubblikata, EU:T:2013:584), iċċitata fil-punt 42 iktar ’il fuq, li fiha d-disinni inkwistjoni kienu ġeneralment jirrigwardaw is-settur tal-ħwejjeġ u tal-materjal sportiv, f’din il-kawża, il-monogramm Chanel huwa rreġistrat għal numru kbir ta’ prodotti u d-disinn ikkontestat huwa reġistrat bħala ornament, mingħajr ebda preċiżazzjoni dwar il-prodotti li fuqhom dan huwa intiż li jiġi applikat. Minn dan isegwi li, f’din il-kawża, ma kienx possibbli li wieħed jiddetermina s-settur tal-prodotti li fihom id-disinn ikkontestat huwa intiż li jiġi inkorporat jew li għalihom jiġi applikat, u lanqas li wieħed iqabblu mal-monogramm Chanel.
44 Konsegwentement, il-Bord tal-Appell ġustament iddeċieda li l-prodott li għalih kien intiż li jiġi applikat id-disinn ikkontestat kien ornament, u dan ma ġiex ikkontestat mill-partijiet. Kuntrarjament għal dak li ssostni r-rikorrenti, il-Bord tal-Appell ma kienx obbligat jidentifika l-prodott li għalih dan l-ornament kien intiż li jiġi applikat.
45 Għaldaqstant din il-konklużjoni għandha tittieħed inkunsiderazzjoni fil-kuntest tat-tqabbil tal-impressjonijiet globali prodotti mid-disinni kunfliġġenti fuq l-utent avżat.
Fuq it-tqabbil tal-impressjonijiet globali prodotti mid-disinni kunfliġġenti
46 Ir-rikorrenti ssostni b’mod partikolari li l-Bord tal-Appell, bi żball u mingħajr motivazzjoni suffiċjenti, ikkonkluda li teżisti impressjoni globali differenti prodotta mid-disinni kunfliġġenti, minkejja l-libertà kbira tal-kreatur, u injora l-provi ppreżentati li juru li d-disinni kunfliġġenti ġew riprodotti fuq oġġetti reali kif ukoll il-fatt li kien hemm biss differenzi minimi bejn dawn id-disinni.
47 L-EUIPO jqis li l-Bord tal-Appell ġustament qies li d-disinni kunfliġġenti kienu jagħtu impressjoni globali differenti, mingħajr ma injora l-libertà kbira tal-kreatur. Barra minn hekk, huwa jitlob l-inammissibbiltà ta’ ċerti provi u tal-argument dwar il-ħtieġa ta’ teħid inkunsiderazzjoni ta’ prodotti kkummerċjalizzati, ippreżentati għall-ewwel darba quddiem il-Qorti Ġenerali.
48 Huwa korrett li r-rikorrenti ppreżentat quddiem il-Qorti Ġenerali ritratti ta’ nuċċalijiet tax-xemx għal tqabbil ta’ oġġetti li fuqhom hemm iwaħħal id-disinn ikkontestat, minn naħa, u l-monogramm Chanel, min-naħa l-oħra, sabiex jintwerew prodotti bid-disinni kunfliġġenti effettivament ikkummerċjalizzati, ippreżentati matul il-fażi amministrattiva insostenn tal-parti dwar l-assenza ta’ karattru ġdid tad-disinn ikkontestat u mhux insostenn ta’ din il-parti tal-motiv. Huwa daqstant ieħor minnu li r-rikorrenti ppreżentat, għall-ewwel darba quddiem il-Qorti Ġenerali, ritratti oħrajn fir-rikors u matul is-seduta sabiex turi l-użu tad-disinn ikkontestat fuq prodotti kkummerċjalizzati, kif ukoll l-argument dwar il-ħtieġa tat-teħid inkunsiderazzjoni ta’ prodotti kkummerċjalizzati.
49 Qabel xejn għandu jiġi rrilevat li d-dokumenti u l-argument, imsemmija fil-punt 48 iktar ’il fuq, ippreżentati għall-ewwel darba quddiem il-Qorti Ġenerali, ma jistgħux jittieħdu inkunsiderazzjoni. Fil-fatt, l-azzjoni quddiem il-Qorti Ġenerali hija intiża sabiex tiġi mistħarrġa l-legalità tad-deċiżjonijiet tal-Bordijiet tal-Appell tal-EUIPO fis-sens tal-Artikolu 61 tar-Regolament Nru 6/2002, b’tali mod li l-funzjoni tal-Qorti Ġenerali ma hijiex li teżamina mill-ġdid iċ-ċirkustanzi ta’ fatt fid-dawl tad-dokumenti ppreżentati għall-ewwel darba quddiemha. Għaldaqstant, id-dokumenti msemmija iktar ’il fuq għandhom jitwarrbu mingħajr ma jkun meħtieġ li tiġi eżaminata s-saħħa probatorja tagħhom [ara, f’dan is-sens u b’analoġija, is-sentenzi tat-18 ta’ Marzu 2010, Rappreżentazzjoni ta’ oġġetti promozzjonali ċirkulari, T‑9/07, EU:T:2010:96, punt 24, u tat-13 ta’ Novembru 2012, Antrax It vs UASI – THC (Radjaturi ta’ tisħin), T‑83/11 u T‑84/11, EU:T:2012:592, punt 28].
50 Barra minn hekk, f’dak li jikkonċerna r-ritratti li juru nuċċalijiet tax-xemx diġà ppreżentati quddiem l-EUIPO, għandu jiġi kkonstatat li, fi kwalunkwe każ, dawn ir-ritratti jistgħu jittieħdu inkunsiderazzjoni biss bħala eżempju ta’ użu possibbli tad-disinn ikkontestat, anki fid-dawl tal-orjentazzjoni jew tad-daqs tad-disinni kunfliġġenti waqt l-użu tagħhom, u, għaldaqstant, ma jistgħu jiġu pperċepiti bħala l-uniku punt ta’ referenza (ara, f’dan is-sens, is-sentenzi tas-7 ta’ Novembru 2013, Felin jaqbeż, T‑666/11, mhux ippubblikata, EU:T:2013:584, punt 30, u tad-29 ta’ Ottubru 2015, Vit b’liver wieħed, T‑334/14, mhux ippubblikata, EU:T:2015:817, punt 78). Din il-konstatazzjoni hija msaħħa mill-fatt li, f’din il-kawża, id-disinn ikkontestat jirrappreżenta ornament li jaqa’ fil-klassi 32, li jista’ jiġi applikat għal għadd kbir ta’ prodotti.
51 Barra minn hekk, il-varjazzjonijiet fl-orjentazzjoni tad-disinn ikkontestat intwerew fil-proċedimenti quddiem il-Bord tal-Appell permezz ta’ rappreżentazzjoni ta’ sovrappożizzjoni tad-disinni kunfliġġenti. L-EUIPO kkonferma fir-risposta, kif ukoll waqt is-seduta, li din il-possibbiltà ta’ użu kienet ittieħdet inkunsiderazzjoni mill-Bord tal-Appell.
52 F’dan ir-rigward għandu jiġi osservat li, skont il-ġurisprudenza, l-impressjoni globali bilfors għandha tiġi ddeterminata anki fir-rigward tal-mod kif il-prodott inkwistjoni jintuża, b’mod partikolari fir‑rigward tal-manipulazzjonijiet li huwa suġġett għalihom normalment f’din l-okkażjoni (ara, f’dan is-sens, is-sentenza tat-22 ta’ Ġunju 2010, Apparat għall-komunikazzjoni, T‑153/08, EU:T:2010:248, punt 66).
53 F’din il-kawża, fil-kuntest tal-analiżi konkreta tiegħu dwar it-tqabbil tal-impressjonijiet globali, il-Bord tal-Appell, filwaqt li aċċetta l-libertà kbira tal-kreatur, iddeċieda li d-disinni kunfliġġenti kienu jipproduċu impressjoni globali differenti fl-utent avżat. F’dan ir-rigward, huwa bbaża ruħu essenzjalment fuq id-differenzi bejn il-partijiet ċentrali tad-disinni kunfliġġenti. B’mod partikolari, l-ewwel nett, fil-fehma tiegħu d-disinn ikkontestat huma magħmul minn “żewġ ‘3’ maqluba”, filwaqt li l-monogramm Chanel huma magħmul minn “żewġ ‘C’ maqluba”. It-tieni nett, id-disinn ikkontestat jirrappreżenta ħolqa orizzontali li t-truf tagħha huma bil-ponta u b’linja ħarira usa’, filwaqt li l-monogramm Chanel fih vojt ċentrali ovali bi truf bil-ponta. It-tielet nett, ġiet osservata analoġija mas-simbolu tal-infinità għad-disinn ikkontestat u analoġija ma’ elissi għall-monogramm Chanel.
54 Għalhekk, mid-deċiżjoni kkontestata jirriżulta li kulma għamel il-Bord tal-Appell kien li rrileva li, minkejja l-libertà kbira ta’ kreazzjoni, id-differenzi fil-parti ċentrali tad-disinni kunfliġġenti, kif deskritti fil-punt 53 iktar ’il fuq, kienu jikkostitwixxu karatteristika fundamentali li l-utent avżat kien iżomm fil-memorja.
55 Issa, għandu jiġi kkonstatat li, f’din il-kawża, id-disinn preċedenti għandu xebh notevoli mad-disinn ikkontestat. Sa ċertu punt dan jista’ jiġi perċepit bħala kreazzjoni ispirata mill-idea tal-monogramm Chanel, iktar u iktar peress li l-għażla tad-disinn ikkontestat bl-ebda mod ma kien ikkundizzjonat minn xi kunsiderazzjonijiet u peress li l-kreatur tiegħu ma ħoloqx distinzjoni suffiċjenti bejn l-imsemmi disinn u l-monogramm Chanel. Għaldaqstant, għandu jitqies li l-utent avżat se jipperċepixxi d-disinni kunfliġġenti b’mod globali sabiex jiddetermina jekk dawn jipproduċux impressjoni globali differenti. Issa, minkejja li ż-żewġ disinni fihom differenzi fil-partijiet ċentrali tagħhom, għandu jiġi kkonstatat li l-impressjoni globali ma tvarjax, sa fejn il-partijiet esterni, li jiddeterminaw b’mod kunsiderevoli l-profil u l-impressjoni globali prodotti mid-disinni kunfliġġenti, huma simili ħafna u kważi identiċi. Barra minn hekk, minkejja li l-partijiet ċentrali fihom ċerti differenzi, it-tnejn huma magħmula minn forom ovali simili li jiġu fix-xejn fl-immaġni globali tad-disinni. B’mod partikolari, il-parti ċentrali tad-disinn ikkontestat hija magħmula minn żewġ elissi li jixbħu lill-elissi unika osservata għall-monogramm Chanel. Dawn id-differenzi inqas jistgħu jiġu rrilevati mill-utenti avżat, tant li huwa possibbli li d-disinn ikkontestat jintuża f’orjentazzjoni li tvarja b’90 grad u f’daqsijiet diversi.
56 Fid-dawl tax-xebh tad-disinni kunfliġġenti, il-libertà kbira ta’ kreazzjoni tista’ biss issaħħaħ, b’applikazzjoni tal-ġurisprudenza, l-assenza ta’ impressjoni globali differenti prodotta mill-imsemmija disinni, speċjalment peress li d-differenzi jistgħu jiġu rrilevati biss bi tqabbil dirett li ma huwiex dejjem immedjatament possibbli (ara, f’dan is-sens, is-sentenza tal-20 ta’ Ottubru 2011, PepsiCo vs Grupo Promer Mon Graphic, C‑281/10 P, EU:C:2011:679, punt 55).
57 Għandu wkoll jiġi rrilevat li, f’din il-kawża, ebda limitazzjoni marbuta ma’ karatteristiċi imposti mill-funzjoni teknika tal-ornament jew ta’ element tal-ornament, jew saħansitra ma’ rekwiżiti legali applikabbli, ma ġiet ikkonstatata (ara, f’dan is-sens, is-sentenza tad-9 ta’ Settembru 2011, Magna b’kombustjoni interna, T‑11/08, mhux ippubblikata, EU:T:2011:447, punt 32).
58 Fl-aħħar nett għandu jitfakkar li d-disinn ikkontestat huwa ornament li jaqa’ fil-klassi 32 u li tali ornament jista’ jiġi applikat fuq firxa kbira ta’ prodotti, li tirrendi d-determinazzjoni minn qabel tal-użu tiegħu kważi impossibbli. Konsegwentement, din iċ-ċirkustanza ssaħħaħ in-neċessità ta’ analiżi bir-reqqa tal-impressjonijiet globali prodotti mid-disinni kunfliġġenti.
59 Għaldaqstant, filwaqt li tittieħed inkunsiderazzjoni l-libertà kbira ta’ kreazzjoni tal-kreatur tad-disinn ikkontestat u l-eżistenza ta’ libertà kbira ta’ użu tal-imsemmi disinn għal prodotti li jvarjaw, id-differenzi bejn id-disinni kunfliġġenti ma jistgħux jipproduċu impressjoni globali differenti fl-utent avżat.
60 Minn dan isegwi li l-Bord tal-Appell wettaq żball meta qies li d-disinn ikkontestat kellu karattru individwali meta mqabbel mal-monogramm Chanel.
61 Konsegwentement, l-ewwel parti tal-motiv uniku, ibbażata fuq il-ksur tal-Artikolu 6 tar-Regolament Nru 6/2002, għandha tintlaqa’.
62 Ma huwiex neċessarju li t-tieni parti tal-motiv uniku tiġi eżaminata, sa fejn l-Artikolu 4(1) tar-Regolament Nru 6/2002 jipprevedi li l-protezzjoni ta’ disinn tiġi żgurata biss jekk dan huwa kemm ġdid kif ukoll għandu karattru individwali.
63 Mill-kunsiderazzjonijiet ta’ hawn fuq kollha jirriżulta li d-deċiżjoni kkontestata għandha tiġi annullata.
Fuq l-ispejjeż
64 Skont l-Artikolu 134(1) tar-Regoli tal-Proċedura tal-Qorti Ġenerali, il-parti li titlef il-kawża għandha tiġi kkundannata għall-ispejjeż, jekk dawn ikunu ntalbu. Peress li l-EUIPO tilef il-parti l-kbira tat-talbiet tiegħu, hemm lok li jiġi ordnat ibati l-ispejjeż f’konformità mat-talbiet tar-rikorrenti.
Għal dawn il-motivi,
IL-QORTI ĠENERALI (Ir-Raba’ Awla)
taqta’ u tiddeċiedi:
1) Id-deċiżjoni tat-Tielet Bord tal-Appell tal-Uffiċċju tal-Proprjetà Intellettwali tal-Unjoni Ewropea (EUIPO), tat-18 ta’ Novembru 2015 (Każ R 2346/2014‑3), hija annullata.
2) Il-kumplament tar-rikors huwa miċħud.
3) L-EUIPO huwa kkundannat għall-ispejjeż.
Kanninen | Calvo-Sotelo Ibáñez-Martín | Reine |
Mogħtija f’qorti bil-miftuħ fil-Lussemburgu, fit-18 ta’ Lulju 2017.
Firem