SENTENZA TAL-QORTI ĠENERALI (It-Tieni Awla)
22 ta’ Settembru 2021 (*)
“Trade mark tal-Unjoni Ewropea – Proċedimenti ta’ oppożizzjoni – Applikazzjoni għat-trade mark figurattiva tal-Unjoni Ewropea chic água ALCALINA 9,5 PH – Trade mark verbali preċedenti tal-Unjoni Ewropea CHIC BARCELONA – Raġunijiet relattivi għal rifjut – Assenza ta’ probabbiltà ta’ konfużjoni – Artikolu 8(1)(b) tar-Regolament (UE) 2017/1001”
Fil-Kawża T‑195/20,
Sociedade da Água de Monchique, SA, stabbilita f’Caldas de Monchique (il-Portugall), irrappreżentata minn M. Osório de Castro, avukat,
rikorrenti
vs
L-Uffiċċju tal-Proprjetà Intellettwali tal-Unjoni Ewropea (EUIPO), irrappreżentat minn A. Folliard-Monguiral, I. Ribeiro da Cunha u J. Crespo Carrillo, bħala aġenti,
konvenut,
il-parti l-oħra fil-proċedimenti quddiem il-Bord tal-Appell tal-EUIPO kienet
Pere Ventura Vendrell, residenti f’Sant Sadurni d’Anoia (Spanja),
li għandha bħala suġġett rikors ippreżentat kontra d-deċiżjoni tat-Tieni Bord tal-Appell tal-EUIPO tal‑20 ta’ Jannar 2020 (Każ R 2524/2018-4), dwar proċedimenti ta’ oppożizzjoni bejn P. Ventura Vendrell u Sociedade da Água de Monchique,
Il-QORTI ĠENERALI (It-Tieni Awla),
komposta minn V. Tomljenović (Relatur), President, F. Schalin u P. Škvařilová-Pelzl, Imħallfin,
Reġistratur: A. Juhász-Tóth, Amministratriċi,
wara li rat ir-rikors ippreżentat fir-Reġistru tal-Qorti Ġenerali fis‑6 ta’ April 2020,
wara li rat ir-risposta ppreżentata fir-Reġistru tal-Qorti Ġenerali fil‑25 ta’ Settembru 2020,
wara s-seduta tal‑15 ta’ Marzu 2021,
tagħti l-preżenti
Sentenza
Il-fatti li wasslu għall-kawża
1 Fil‑25 ta’ Lulju 2017, ir-rikorrenti, Sociedade Água de Monchique, SA, ippreżentat applikazzjoni għal reġistrazzjoni ta’ trade mark tal-Unjoni Ewropea quddiem l-Uffiċċju tal-Proprjetà Intellettwali tal-Unjoni Ewropea (EUIPO), abbażi tar-Regolament (KE) Nru 207/2009 tas‑26 ta’ Frar 2009 dwar it-trademark tal-Unjoni Ewropea (ĠU 2009, L 78, p. 1), kif emendat (issostitwit bir-Regolament (UE) 2017/1001 tal-Parlament Ewropew u tal-Kunsill tal‑14 ta’ Ġunju 2017 dwar it-trademark tal-Unjoni Ewropea (ĠU 2017, L 154, p. 1)).
2 It-trade mark li għaliha saret l-applikazzjoni għar-reġistrazzjoni huwa s-sinjal figurattiv li ġej:
![Image not found](data:image/png;base64,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)
3 Il-prodotti li għalihom intalbet ir-reġistrazzjoni jaqgħu fil-klassi 32 skont il-Ftehim ta’ Nice dwar il-klassifikazzjoni internazzjonali ta’ prodotti u servizzi għall-finijiet tar-reġistrazzjoni ta’ trade marks, tal‑15 ta’ Ġunju 1957, kif rivedut u emendat, u jikkorrispondu għad-deskrizzjoni li ġejja: “xarbiet mhux alkoħoliċi; ilma tal-flixkun; ilma minerali (mhux immedikat); ilma minerali (xarbiet)”.
4 L-applikazzjoni għal trade mark ġiet ippubblikata fil-Bulettin tat-Trade Marks tal-Unjoni Ewropea Nru 2017/199 tad‑19 ta’ Ottubru 2017.
5 Fis‑17 ta’ Jannar 2018, Pere Ventura Vendrell, ippreżenta oppożizzjoni, abbażi tal-Artikolu 46 tar-Regolament 2017/1001, għar-reġistrazzjoni tat-trade mark li għaliha saret l-applikazzjoni għall-prodotti kollha msemmija fil-punt 3 iktar ’il fuq.
6 L-oppożizzjoni kienet ibbażata b’mod partikolari fuq it-trademark verbali preċedenti tal-Unjoni CHIC BARCELONA, irreġistrata fl‑1 ta’ Novembru 2017 taħt in-numru 16980195 għall-prodotti li jaqgħu fil-klassi 33 u li jikkorrispondu għad-deskrizzjoni li ġejja: “xarbiet alkoħoliċi (minbarra birra), inbid, inbid frizzanti; likur; spirti (xorb); brandi”.
7 Il-motiv invokat insostenn tal-oppożizzjoni kien dak indikat fl-Artikolu 8(1)(b) tar-Regolament Nru 207/2009 (li sar l-Artikolu 8(1)(b) tar-Regolament 2017/1001).
8 Permezz ta’ deċiżjoni tad‑29 ta’ Ottubru 2018, id-Diviżjoni tal-Oppożizzjoni laqgħet l-oppożizzjoni sa fejn din kienet diretta kontra x-“xarbiet mhux alkoħoliċi” fil-klassi 32, koperti mit-trade mark li għaliha saret l-applikazzjoni. F’dan ir-rigward, hija rrilevat b’mod partikolari li kien hemm xebh dgħajjef bejn ix-“xarbiet mhux alkoħoliċi” li jaqgħu fil-klassi 32, koperti mit-trade mark li għaliha saret l-applikazzjoni, u x-“xarbiet alkoħoliċi (minbarra birra)” li jaqgħu fil-klassi 33, koperti mit-trade mark preċedenti. Għaldaqstant, teżisti probabbiltà ta’ konfużjoni fir-rigward ta’ dawn il-prodotti.
9 Għall-kuntrarju, hija ċaħdet l-oppożizzjoni, minħabba nuqqas ta’ probabbiltà ta’ konfużjoni, sa fejn l-oppożizzjoni kienet diretta kontra l-prodotti “ilma tal-flixkun; ilma minerali (mhux immedikat); ilma minerali (xarbiet)” li jaqgħu fil-klassi 32, koperti mit-trade mark li għaliha saret l-applikazzjoni. F’dan ir-rigward, id-Diviżjoni tal-Oppożizzjoni, essenzjalment, qieset b’mod partikolari li dawn il-prodotti kienu differenti mill-prodotti li jaqgħu fil-klassi 33, koperti mit-trade mark preċedenti. Dawn huma prodotti li għandhom natura, skop u użu differenti. Barra minn hekk, dawn il-prodotti jiġu ikkonsmati f’okkażjonijiet differenti, jikkorrispondu għal segmenti ta’ prezzijiet differenti, u ma għandhomx l-istess oriġini kummerċjali.
10 Fid‑19 ta’ Diċembru 2018, P. Ventura Vendrell ippreżenta appell quddiem l-EUIPO, skont l-Artikoli 66 sa 71 tar-Regolament 2017/1001, kontra d-deċiżjoni tad-Diviżjoni tal-Oppożizzjoni, fejn talab li din id-deċiżjoni tiġi annullata sa fejn l-oppożizzjoni tiegħu kienet ġiet miċħuda. Insostenn tar-rikors tiegħu, P. Ventura Vendrell invoka b’mod partikolari l-eżistenza ta’ xebh bejn il-prodotti “ilma tal-flixkun; ilma minerali (mhux immedikat); ilma minerali (xarbiet)” li jaqgħu fil-klassi 32, koperti mit-trade mark li għaliha saret l-applikazzjoni, u l-prodotti li jaqgħu fil-klassi 33, koperti mit-trade mark preċedenti. Fil-fehma tiegħu, għandu għalhekk jiġi konkluż li teżisti wkoll probabbiltà ta’ konfużjoni għall-prodotti li għalihom id-Diviżjoni tal-Oppożizzjoni ċaħdet l-oppożizzjoni.
11 B’deċiżjoni tal‑20 ta’ Jannar 2020 (iktar ’il quddiem, id-“deċiżjoni kkontestata”), ir-Raba’ Bord tal-Appell tal-EUIPO laqa’ l-appell u ċaħad l-oppożizzjoni kollha kemm hi. Essenzjalment, l-ewwel, huwa qies li kien hemm xebh dgħajjef bejn il-prodotti “ilma tal-flixkun; ilma minerali (mhux immedikat); ilma minerali (xarbiet)” li jaqgħu fil-klassi 32, koperti mit-trade mark li għaliha saret l-applikazzjoni, u x-“xarbiet alkoħoliċi” li jaqgħu fil-klassi 33 indikati mit-trade mark preċedenti. It-tieni nett, il-Bord tal-Appell qies li t-trade marks kunfliġġenti kellhom livell għoli ta’ xebh viżiv, fonetiku u kunċettwali. Abbażi ta’ dawn iż-żewġ konstatazzjonijiet, il-Bord tal-Appell ikkonkluda li kienet teżisti probabbiltà ta’ konfużjoni fis-sens tal-Artikolu 8(1) tar-Regolament 2017/1001, li, fil-fehma tiegħu, huwa applikabbli f’dan il-każ.
Talbiet tal-partijiet
12 Wara rinunzja parzjali matul is-seduta, ir-rikorrenti titlob li l-Qorti Ġenerali jogħġobha:
– tannulla d-deċiżjoni kkontestata;
– tikkundanna lill-EUIPO għall-ispejjeż.
13 L-EUIPO jitlob li l-Qorti Ġenerali jogħġobha:
– tilqa’ r-rikors bħala ammissibbli;
– tikkundanna lill-partijiet għall-ispejjeż fil-proporzjonijiet dovuti lilhom rispettivament.
Fid-dritt
Fuq l-ewwel kap tat-talbiet tal-EUIPO
14 L-ewwel kap tat-talbiet tal-EUIPO (“tilqa’ l-appell bħala ammissibbli”) jitlob l-osservazzjonijiet li ġejjin.
15 Skont ġurisprudenza stabbilita, l-EUIPO ma jistax ikun obbligat jiddefendi sistematikament kull deċiżjoni kkontestata ta’ Bord tal-Appell jew li jitlob neċessarjament iċ-ċaħda ta’ kull appell ippreżentat kontra tali deċiżjoni (ara s-sentenza tas‑7 ta’ Mejju 2019, mobile.de vs EUIPO (Rappreżentazzjoni ta’ karozza f’bużżieqa tal-komiks), T‑629/18, EU:T:2019:292, punt 18 u l-ġurisprudenza ċċitata). Hija wkoll ġurisprudenza stabbilita li xejn ma jipprekludi lill-EUIPO milli jaqbel ma’ talba tar-rikorrenti jew inkella milli sempliċement iħalli f’idejn il-ġudizzju tal-Qorti Ġenerali, filwaqt li jressaq l-argumenti kollha li jidhrulu xierqa sabiex jiggwidaw lill-Qorti Ġenerali. Għall-kuntrarju, l-EUIPO ma jistax iressaq talbiet favur l-annullament jew favur il-bdil tad-deċiżjoni tal-Bord tal-Appell fuq kap li ma jkunx tqajjem fir-rikors jew jippreżenta motivi li ma jkunux tqajmu fir-rikors (ara s-sentenza tad‑29 ta’ April 2020, Lidl Stiftung vs EUIPO – Plásticos Hidrosolubles (green cycles), T‑78/19, mhux ippubblikata, EU:T:2020:166, punt 47 u l-ġurisprudenza ċċitata).
16 F’dan il-każ, l-ewwel kap tat-talbiet tal-EUIPO huwa ammissibbli sa fejn dan u l-argumenti mressqa insostenn tiegħu ma joħorġux mill-ambitu tat-talbiet u tal-motivi mressqa mir-rikorrenti.
17 Barra minn hekk, huwa minnu li, kif jirriżulta minn qari flimkien tal-argumenti invokati mir-rikorrenti fir-rikors tagħha u r-risposti tal-EUIPO f’dan ir-rigward, il-partijiet jaqblu fuq ċerti punti relatati mal-mertu tal-kawża (ara l-punti 37 u 38 iktar ’il quddiem). Barra minn hekk, l-imsemmija punti komuni tal-partijiet jistgħu jwasslu għall-annullament tad-deċiżjoni kkontestata (ara l-punt 79 iktar ’il quddiem). Minkejja dawn l-elementi, ir-rikors madankollu ma tilifx l-iskop tiegħu. Fil-fatt, id-deċiżjoni kkontestata, fl-istat tal-proċess, la ġiet emendata u lanqas irtirata mill-Bord tal-Appell. L-EUIPO ma għandux is-setgħa li jagħmel dan u lanqas is-setgħa li jagħti struzzjonijiet f’dan is-sens lill-Bordijiet tal-Appell, li l-indipendenza tagħhom hija stabbilita fl-Artikolu 166(7) tar-Regolament 2017/1001. Għaldaqstant, il-Qorti Ġenerali ma hijiex eżentata milli teżamina l-legalità tad-deċiżjoni kkontestata fid-dawl tal-motivi fformulati fir-rikors promotur u għad hemm lok li tingħata deċiżjoni fuq il-mertu.
Fuq il-mertu
18 Preliminarjament, għandu jiġi rrilevat li, fid-dawl tad-data ta’ introduzzjoni tal-applikazzjoni għal reġistrazzjoni inkwistjoni, jiġifieri l‑25 ta’ Lulju 2017, li hija determinanti sabiex jiġi identifikat id-dritt sostantiv applikabbli, il-fatti f’din il-kawża huma rregolati bid-dispożizzjonijiet sostantivi tar-Regolament Nru 207/2009 (ara, f’dan is-sens, is-sentenzi tat‑8 ta’ Mejju 2014, Bimbo vs UASI, C‑591/12 P, EU:C:2014:305, punt 12 u tat‑18 ta’ Ġunju 2020, Primart vs EUIPO, C‑702/18 P, EU:C:2020:489, punt 2 u l-ġurisprudenza ċċitata).
19 Sa fejn id-dispożizzjonijiet sostantivi rilevanti applikabbli f’dan il-każ huma identiċi fil-verżjoni tagħhom li tirriżulta, rispettivament, mir-Regolament Nru 207/2009 u mir-Regolament 2017/1001, il-fatt li l-partijiet irreferew għad-dispożizzjonijiet ta’ dan l-aħħar regolament ma għandux effett għall-finijiet ta’ din il-proċedura u l-argumenti tagħhom għandhom jiġu interpretati bħala li huma bbażati fuq id-dispożizzjonijiet rilevanti tar-Regolament Nru 207/2009 (sentenza tal‑5 ta’ Ottubru 2020, nanoPET Pharma vs EUIPO – Miltenyi Biotec (viscover), T‑264/19, mhux ippubblikata, EU:T:2020:470, punt 23).
20 Insostenn tar-rikors tagħha, ir-rikorrenti tinvoka motiv uniku, ibbażat fuq il-ksur tal-Artikolu 8(1)(b) tar-Regolament Nru 207/2009.
21 Skont l-Artikolu 8(1)(b) tar-Regolament Nru 207/2009, fuq oppożizzjoni tal-proprjetarju ta’ trade mark preċedenti, ir-reġistrazzjoni tat-trade mark li għaliha saret l-applikazzjoni għandha tiġi rrifjutata meta, minħabba l-identiċità jew ix-xebh tagħha ma’ trade mark preċedenti u minħabba l-identiċità jew xebh tal-prodotti jew servizzi koperti miż-żewġ trade marks, teżisti probabbiltà ta’ konfużjoni min-naħa tal-pubbliku fit-territorju fejn it-trade mark preċedenti hija protetta. Il-probabbiltà ta’ konfużjoni tinkludi wkoll il-probabbiltà li ssir assoċjazzjoni mat-trade mark preċedenti.
22 Skont ġurisprudenza stabbilita, ikun hemm probabbiltà ta’ konfużjoni meta jkun probbabbli li l-pubbliku jista’ jaħseb li l-prodotti jew is-servizzi inkwistjoni joriġinaw mill-istess impriża jew minn impriżi marbuta ekonomikament. Skont din l-istess ġurisprudenza, il-probabbiltà ta’ konfużjoni għandha tiġi evalwata b’mod globali, skont il-perċezzjoni li l-pubbliku rilevanti għandu tas-sinjali u tal-prodotti jew servizzi inkwistjoni, u billi jittieħdu inkunsiderazzjoni l-fatturi rilevanti kollha tal-każ, b’mod partikolari l-interdipendenza bejn ix-xebh tas-sinjali u dak bejn il-prodotti jew servizzi koperti (ara s-sentenza tad‑9 ta’ Lulju 2003, Laboratorios RTB vs UASI – Giorgio Beverly Hills (GIORGIO BEVERLY HILLS), T‑162/01, EU:T:2003:199, punti 30 sa 33 u l-ġurisprudenza ċċitata).
23 Meta l-protezzjoni tat-trade mark preċedenti tkun mifruxa mal-Unjoni Ewropea kollha, għandha tittieħed inkunsiderazzjoni l-perċezzjoni tat-trade marks kunfliġġenti mill-konsumatur tal-prodotti jew tas-servizzi inkwistjoni f’dan it-territorju. Madankollu, għandu jitfakkar li, sabiex tiġi rrifjutata r-reġistrazzjoni ta’ trade mark tal-Unjoni Ewropea, huwa biżżejjed li raġuni relattiva għal rifjut fis-sens tal-Artikolu 8(1)(b) tar-Regolament Nru 207/2009 tkun teżisti f’parti mill-Unjoni (ara, f’dan is-sens, is-sentenza tal‑14 ta’ Diċembru 2006, Mast-Jägermeister vs UASI – Licorera Zacapaneca (VENADO b’bordura et), T‑81/03, T‑82/03 u T‑103/03, EU:T:2006:397, punt 76 u l-ġurisprudenza ċċitata).
24 Għall-finijiet tal-applikazzjoni tal-Artikolu 8(1)(b) tar-Regolament Nru 207/2009, probabbiltà ta’ konfużjoni tippreżupponi kemm identiċità jew xebh tat-trade marks kunfliġġenti kif ukoll identiċità jew xebh tal-prodotti jew tas-servizzi indikati minnhom. Dawn huma kundizzjonijiet kumulattivi (ara s-sentenza tat‑22 ta’ Jannar 2009, Commercy vs UASI – easyGroup IP Licensing (easyHotel), T‑316/07, EU:T:2009:14, punt 42 u l-ġurisprudenza ċċitata).
Fuq il-prodotti li huma s-suġġett tar-rikors
25 Fl-ewwel lok, għandu jiġi enfasizzat li x-“xarbiet mhux alkoħoliċi” li jaqgħu fil-klassi 32 koperti mit-trade mark li għaliha saret l-applikazzjoni (ara l-punt 3 iktar ’il fuq), ma humiex is-suġġett tar-rikors. Dawn il-prodotti lanqas ma kienu s-suġġett tar-rikors fil-kuntest tal-proċedimenti quddiem il-Bord tal-Appell. Dan huwa l-każ peress li, l-ewwel, fir-rigward ta’ dawn il-prodotti, id-Diviżjoni tal-Oppożizzjoni kienet laqgħet l-oppożizzjoni ta’ Pere Ventura Vendrell, b’tali mod li, skont l-Artikolu 67 tar-Regolament 2017/1001, applikabbli fid-data tal-preżentata tal-appell tiegħu quddiem il-Bord tal-Appell, jiġifieri d‑19 ta’ Diċembru 2018 (ara l-punt 10 iktar ’il fuq), dan ir-rikors ma kienx isemmi dawn il-prodotti. Skont l-Artikolu 67 tar-Regolament 2017/1001, essenzjalment, jista’ jsir rikors quddiem il-Bord tal-Appell kontra deċiżjoni meħuda mill-istanza inferjuri biss sa fejn din id-deċiżjoni tkun ċaħdet pretensjoni jew talba. It-tieni, ir-rikorrenti, min-naħa tagħha, ma ppreżentatx appell — prinċipali jew inċidentali — quddiem il-Bord tal-Appell li seta’ jwessa’ l-portata tal-appell lil hinn mill-prodotti kollha li kienu diġà s-suġġett tal-proċedimenti quddiem il-Bord tal-Appell minħabba l-preżentata tal-appell ta’ P. Ventura Vendrell. Barra minn hekk, għandu jiġi kkonstatat li d-deċiżjoni tad-Diviżjoni tal-Oppożizzjoni saret definittiva sa fejn din id-deċiżjoni kienet tkopri x-“xarbiet mhux alkoħoliċi” li jaqgħu fil-klassi 32, koperti mit-trade mark li għaliha saret l-applikazzjoni għal reġistrazzjoni (ara l-punt 3 iktar ’il fuq).
26 Fit-tieni lok, għandu jiġi kkunsidrat li, meta l-Bord tal-Appell irrefera għall-prodotti li jaqgħu fil-klassi 33 li kellhom jiġu pparagunati mal-prodotti li jaqgħu fil-klassi 32, huwa qies ix-xorb kollu msemmi fil-punt 6 iktar ’il fuq u mhux biss ix-“xarbiet alkoħoliċi (minbarra birra)”.
27 Fil-fatt, kif jirriżulta mill-fajl tal-EUIPO, fir-rikors tiegħu tad‑19 ta’ Diċembru 2018, il-parti l-oħra fil-proċedimenti quddiem il-Bord tal-Appell tal-EUIPO kienet mhux biss semmiet “xarbiet alkoħoliċi (minbarra birra)”, iżda kienet insistiet fuq l-eżitu tal-paragun tal-prodotti koperti mit-trade mark li għaliha saret l-applikazzjoni, b’mod partikolari mal-inbejjed. Dan il-fatt ġie rrapportat mill-Bord tal-Appell fil-punt 7 tad-deċiżjoni kkontestata. Barra minn hekk, fil-punt 23 tad-deċiżjoni kkontestata, il-Bord tal-Appell indika li, fil-fehma tiegħu, “[b]l-espressjoni ‘xarbiet alkoħoliċi (minbarra birra)’ it-trade mark preċedenti [kienet] tipproteġi mhux biss prodotti b’kontenut għoli ta’ alkoħol, iżda wkoll prodotti b’livell baxx ta’ alkoħol, bħas-sangria, is-sidru jew it-taħlitiet tax-xarbiet alkoħoliċi u mhux alkoħoliċi, bħall-vermouth mas-soda, il-whisky coka jew il-pastis mal-ilma”.
28 Issa, il-prodotti msejħa “spirti (xorb); brandi”, koperti mit-trade mark preċedenti, huma prodotti b’kontenut alkoħoliku għoli, filwaqt li l-prodotti msejħa “inbid, inbid frizzanti; likur” huma prodotti b’rata baxxa ta’ alkoħol. Il-loġika sottostanti tad-deċiżjoni kkontestata kienet għalhekk li jiġi kkunsidrat li x-“xarbiet alkoħoliċi (minbarra birra)” jappartjenu għall-kategorija usa’ ta’ numru ta’ prodotti li fosthom għandhom jingħaddu, ukoll u neċessarjament, il-prodotti msejħa “inbid, inbid frizzanti; likur; spirti (xorb); brandi”.
29 Huwa għalhekk, barra minn hekk, li r-rikorrenti tifhimha, kif jirriżulta mill-punti 23 u 25 tar-rikors.
30 Għandu jingħad ukoll li ġie deċiż li mit-test ċar u mhux ambigwu tal-klassi 33 jirriżulta li din il-klassi tinkludi x-xarbiet alkoħoliċi kollha bl-unika eċċezzjoni tal-birer (sentenza tat‑18 ta’ Ġunju 2008, Coca-Cola vs UASI – San Polo (MEZZOPANE), T‑175/06, EU:T:2008:212, punt 74).
31 Konsegwentement, għall-finijiet ta’ ċarezza, il-prodotti li huma s-suġġett tar-rikors f’din il-kawża huma x-xarbiet “ilma tal-flixkun; ilma minerali (mhux immedikat); ilma minerali (xarbiet)” li jaqgħu fil-klassi 32, koperti mit-trade mark li għaliha saret l-applikazzjoni, minn naħa, u l-prodotti kollha l-oħra li jaqgħu fil-klassi 33 koperti mit-trade mark preċedenti, kif imsemmija fil-punt 6 iktar ’il fuq, min-naħa l-oħra (iktar ’il quddiem, imsejħa flimkien, il-“prodotti inkwistjoni”).
Fuq il-pubbliku rilevanti u l-livell ta’ attenzjoni tiegħu
32 Skont il-ġurisprudenza, fil-kuntest tal-evalwazzjoni globali tal-probabbiltà ta’ konfużjoni, għandu jittieħed inkunsiderazzjoni l-konsumatur medju tal-kategorija ta’ prodotti kkonċernati, ġeneralment informat u raġonevolment attent u avżat. Għandu jittieħed inkunsiderazzjoni wkoll il-fatt li l-livell ta’ attenzjoni tal-konsumatur medju jista’ jvarja skont il-kategorija ta’ prodotti jew ta’ servizzi inkwistjoni (ara s-sentenza tat‑13 ta’ Frar 2007, Mundipharma vs UASI – Altana Pharma (RESPICUR), T‑256/04, EU:T:2007:46, punt 42 u l-ġurisprudenza ċċitata).
33 Fil-punt 17 tad-deċiżjoni kkontestata, il-Bord tal-Appell indika li l-prodotti li jaqgħu fil-klassi 33, koperti mit-trade mark preċedenti kienu indirizzati lill-pubbliku ġenerali. Dan il-pubbliku huwa normalment informat u raġonevolment attent u avżat. Mill-punt 18 tad-deċiżjoni kkontestata jirriżulta li, skont il-Bord tal-Appell, il-prodotti li jaqgħu fil-klassi 32, koperti mit-trade mark li għaliha saret l-applikazzjoni, huma indirizzati wkoll għall-pubbliku ġenerali. Fir-rigward ta’ dawn il-prodotti, il-pubbliku ġenerali jkollu livell ta’ attenzjoni medju u normalment baxx waqt il-konsum u l-akkwist tagħhom. Fl-aħħar nett, mill-punti 31 u 43 tad-deċiżjoni kkontestata jirriżulta impliċitament li l-pubbliku rilevanti huwa l-pubbliku li jitkellem bl-Ispanjol u li t-territorju rilevanti huwa t-territorju tal-Unjoni.
34 Dawn l-evalwazzjonijiet tal-Bord tal-Appell, li, barra minn hekk, ma humiex ikkontestati mir-rikorrenti, għandhom jiġu kkonfermati.
Fuq il-paragun tal-prodotti
35 Fil-punt 29 tad-deċiżjoni kkontestata, il-Bord tal-Appell qies li kien hemm xebh dgħajjef bejn il-“prodotti kkontestati li [kienu] is-suġġett tar-rikors” quddiemha, jiġifieri, l-“ilma tal-flixkun; ilma minerali (mhux immedikat); ilma minerali (xarbiet)” li jaqgħu fil-klassi 32, koperti mit-trade mark li għaliha saret l-applikazzjoni, u x-“xarbiet alkoħoliċi (minbarra birra)” li jaqgħu fil-klassi 33, filwaqt li jitfakkar li din il-kategorija ta’ prodotti tinkludi b’mod partikolari l-prodotti msejħa “inbid, inbid frizzanti; likur; spirti (xorb); brandi”, kif koperti minn din l-istess trade mark (ara l-punti 26 sa 31 iktar ’il fuq).
36 Sabiex jasal għall-konklużjoni indikata fil-punt 29 tad-deċiżjoni kkontestata, qabel kollox, il-Bord tal-Appell iddikjara li x-xarbiet imsejħa “ilma tal-flixkun; ilma minerali (mhux immedikat); ilma minerali (xarbiet)” u wħud mill-prodotti li fuqhom kienet ibbażata l-oppożizzjoni, jiġifieri x-“xarbiet alkoħoliċi (minbarra birra)”, kienu prodotti likwidi intiżi għall-konsum mill-bniedem. Minħabba f’dan il-fatt, huma kollha għandhom l-istess natura (ara l-punt 22 tad-deċiżjoni kkontestata). Sussegwentement, skont il-Bord tal-Appell, uħud mill-prodotti koperti mill-espressjoni “xarbiet alkoħoliċi (minbarra birra)” huma għalhekk parzjalment prodotti li jservu b’mod partikolari sabiex jaqtgħu l-għatx u li għalhekk, sa ċertu punt, huma kompetituri (ara l-punt 23 tad-deċiżjoni kkontestata). Barra minn hekk, skont il-Bord tal-Appell, il-fatt li l-prodotti inkwistjoni huma alkoħoliċi jew huma mingħajr alkoħol, minkejja li huwa rilevanti, ma jistax jitqies bħala deċiżiv sabiex jiġi ddeterminat jekk, f’moħħ il-pubbliku rilevanti, il-prodotti inkwistjoni jistgħux ikollhom oriġini kummerċjali identika jew konnessa (ara l-punt 25 tad-deċiżjoni kkontestata). Ċertament, ix-xorb alkoħoliku kopert mit-trade mark preċedenti huwa ġeneralment ikkonsmat f’okkażjonijiet speċjali u f’laqgħat soċjali jew familjari, filwaqt li l-ilma minerali u tal-flixkun huwa, għal numru kbir ta’ persuni, prodott ta’ konsum ta’ kuljum. Madankollu, dan il-fatt ma jfissirx li ma hemm l-ebda “tip ta’ xebh” bejn il-prodotti inkwistjoni (ara l-punt 26 tad-deċiżjoni kkontestata). Fl-aħħar nett, skont il-Bord tal-Appell, anki jekk il-konsumatur medju huwa sensittiv għad-distinzjoni bejn l-ilma u x-xorb alkoħoliku (inkluż dak b’grad alkoħoliku baxx), il-Qorti Ġenerali diġà ddeċidiet li dawn id-differenzi kienu insuffiċjenti sabiex jeskludu l-eżistenza ta’ xebh dgħajjef bejn ix-xorb alkoħoliku u l-ilmijiet minerali u tal-flixkun. F’dan ir-rigward, il-Bord tal-Appell irrefera għall-punt 46 tas-sentenza tad‑9 ta’ Marzu 2005, Osotspa vs UASI – Distribuzzjoni Marketing (Hai) (T‑33/03, EU:T:2005:89), u għall-punti 31 u 32 tas-sentenza tal‑5 ta’ Ottubru 2011, Cooperativa Vitivinícola Arousana vs UASI – Sotelo Ares (ROSALIA DE CASTRO) (T‑421/10, mhux ippubblikata, EU:T:2011:565) (ara l-punt 27 tad-deċiżjoni kkontestata).
37 Ir-rikorrenti tqis li dawn l-evalwazzjonijiet tal-Bord tal-Appell huma vvizzjati bi żball. Hija tosserva li n-natura tal-prodotti koperti mit-trade mark li għaliha saret l-applikazzjoni, minn naħa, u tax-xarbiet alkoħoliċi koperti mit-trade mark preċedenti, min-naħa l-oħra, hija differenti minħabba l-preżenza jew l-assenza ta’ alkoħol fil-kompożizzjoni tagħhom, kif ukoll fir-rigward tal-ingredjenti bażiċi tagħhom, il-mod ta’ produzzjoni tagħhom, il-kulur tagħhom, ir-riħa tagħhom u t-togħma tagħhom. Kuntrarjament għall-pożizzjoni tal-Bord tal-Appell, dawn id-domandi jegħlbu, skont ir-rikorrenti, għall-konsumatur rilevanti, l-eventwali għan u metodu ta’ użu komuni. Fir-rigward tal-iskop u tal-użu tal-ilmijiet u tax-xorb mhux alkoħoliku, dejjem skont ir-rikorrenti, il-konsum ta’ xorb alkoħoliku — anki b’kontenut baxx ta’ alkoħol — ma jeskludix il-konsum ta’ xorb mhux alkoħoliku (ilma) u viċe versa, iżda l-konsum ta’ wieħed minn dawn ix-xarbiet ma jimplikax neċessarjament il-konsum tal-oħra. Barra minn hekk, ix-xorb alkoħoliku — anki dak b’kontenut baxx ta’ alkoħol — huwa ġeneralment intiż sabiex titgawda t-togħma u mhux biss biex jaqta’ l-għatx, u wisq inqas sabiex jippreżerva s-saħħa tal-bniedem, filwaqt li x-xarbiet mhux alkoħoliċi koperti mit-trade mark li għaliha saret l-applikazzjoni huma ġeneralment, jew anki esklużivament, fil-każ ta’ ilma minerali u tal-ilma effervexxenti, intiżi sabiex jaqtgħu l-għatx u sabiex jippreżervaw is-saħħa tal-bniedem. Fil-fatt, il-konsumatur jikkonsma iktar u iktar ilma, mhux biss għaliex ikollu l-għatx, iżda wkoll taħt l-influwenza tal-motto “spirtu b’saħħtu f’ġisem b’saħħtu”. Fl-aħħar nett, fil-fehma tar-rikorrenti, il-prodotti inkwistjoni la għandhom natura komplementari u lanqas natura kompetittiva.
38 L-EUIPO jaqbel, min-naħa tiegħu, mal-perspettiva tar-rikorrenti u jqis li l-prodotti inkwistjoni ma jixxiebhux. F’dan ir-rigward, l-EUIPO jaċċetta li, fil-punti 31 u 32 tas-sentenza tiegħu tal‑5 ta’ Ottubru 2011, ROSALIA DE CASTRO (T‑421/10, mhux ippubblikata, EU:T:2011:565), il-Qorti Ġenerali qieset li kien jeżisti xebh dgħajjef bejn ix-xarbiet alkoħoliċi u l-ilmijiet minerali u tal-flixkun. Madankollu, fil-punti 77 sa 85 tas-sentenza tal‑4 ta’ Ottubru 2018, Asolo vs EUIPO – Red Bull (FLÜGEL) (T‑150/17, EU:T:2018:641), il-Qorti Ġenerali ddevjat minn din l-evalwazzjoni. Bl-istess mod, fid-Deċiżjoni tiegħu R 1720/2017 G tal‑21 ta’ Jannar 2019, il-Bord tal-Appell Estiż tal-EUIPO ddeċieda li l-prodotti “ilma minerali u bil-gass; xarbiet mhux alkoħoliċi; xorb ibbażat fuq il-frott u meraq”, li jaqgħu taħt il-klassi 32, ma humiex simili għall-“vodka” li taqa’ taħt il-klassi 33.
39 Preliminarjament, għandu jitfakkar li, skont ġurisprudenza stabbilita, sabiex jiġi evalwat ix-xebh bejn il-prodotti jew is-servizzi inkwistjoni, għandhom jittieħdu inkunsiderazzjoni l-fatturi rilevanti kollha li jikkaratterizzaw ir-rabta bejniethom. Dawn il-fatturi jinkludu, fost l-oħrajn, in-natura tagħhom, l-iskop tagħhom, l-użu tagħhom kif ukoll in-natura kompetittiva jew komplementari tagħhom. Fatturi oħra jistgħu jiġu kkunsidrati, bħalma huma l-kanali ta’ distribuzzjoni tal-prodotti kkonċernati (ara, f’dan is-sens, is-sentenza tal‑11 ta’ Lulju 2007, El Corte Inglés vs UASI – Bolaños Sabri (PiraÑAM diseño original Juan Bolaños), T‑443/05, EU:T:2007:219, punt 37 u l-ġurisprudenza ċċitata).
40 Fl-ewwel lok, kif issostni r-rikorrenti, għandu jiġi kkonstatat li, minħabba l-assenza ta’ alkoħol fil-kompożizzjoni tagħhom, in-natura tal-prodotti msejħa “ilma tal-flixkun; ilma minerali (mhux immedikat); ilma minerali (xarbiet)”, koperti mit-trade mark li għaliha saret l-applikazzjoni, hija differenti min-natura tal-prodotti kollha koperti mit-trade mark preċedenti.
41 Diġà ġie deċiż li l-preżenza jew le ta’ alkoħol f’xarba hija pperċepita bħala differenza importanti, f’dak li jirrigwarda n-natura tax-xarbiet inkwistjoni, mill-pubbliku ġenerali tal-Unjoni kollu. Il-pubbliku ġenerali tal-Unjoni huwa attent u jagħmel id-differenza bejn xarbiet li fihom l-alkoħol u xarbiet mingħajr alkoħol anki meta jagħżel xarba skont ix-xewqa tal-mument (sentenza tat‑12 ta’ Diċembru 2019, Super bock group vs EUIPO – Agus (Crystal), T‑648/18, mhux ippubblikata, EU:T:2019:857, punti 32).
42 Ġie deċiż ukoll li d-distinzjoni bejn ix-xarbiet alkoħoliċi u dawk mhux alkoħoliċi kienet neċessarja, peress li ċerti konsumaturi ma xtaqux, jew saħansitra ma setgħux, jikkonsmaw alkoħol (ara, f’dan is-sens, is-sentenzi tal‑15 ta’ Frar 2005, Lidl Stiftung vs UASI – REWE-Zentral (LINDENHOF), T‑296/02, EU:T:2005:49, punt 54; tat‑18 ta’ Ġunju 2008, MEZZOPANE, T‑175/06, EU:T:2008:212, punti 79 sa 81, u tal‑4 ta’ Ottubru 2018, FLÜGEL, T‑150/17, EU:T:2018:641, punt 82). Ċertament, dawn l-aħħar evalwazzjonijiet saru b’rabta mal-konsumaturi Ġermaniżi u Awstrijaċi (sentenzi tal‑15 ta’ Frar 2005, LINDENHOF, T‑296/02, EU:T:2005:49, punt 45; tat‑18 ta’ Ġunju 2008, MEZZOPANE, T‑175/06, EU:T:2008:212, punt 21, u tal‑4 ta’ Ottubru 2018, FLÜGEL, T‑150/17, EU:T:2018:641, punt 69). Madankollu, għandu jiġi kkonstatat li l-ebda element ma jippermetti li jiġi konkluż li din l-evalwazzjoni ma tapplikax ukoll għall-konsumatur medju li jitkellem bl-Ispanjol ukoll imdorri u attent għad-distinzjoni bejn ix-xarbiet alkoħoliċi koperti mit-trade mark preċedenti u l-“ilma tal-flixkun; ilma minerali (mhux immedikat); ilma minerali (xarbiet)”, koperti mit-trade mark li għaliha saret l-applikazzjoni. Għalhekk, minn naħa, għall-parti kbira tal-konsumaturi – dawk li jitkellmu bl-Ispanjol jew tal-Unjoni b’mod ġenerali –, il-konsum tal-alkoħol jista’, skont il-kwantità kkonsmata, iwassal għal stat ta’ intossikazzjoni li jista’ jimmanifesta ruħu bit-tnaqqis ta’ ċerti riflessi jew b’livell ta’ attenzjoni mnaqqas. Dan jista’ jwassal għal bidla fil-ħiliet motriċi (problemi tal-ekwilibriju, tad-diskors) kif ukoll għal tnaqqis tal-kamp ta’ viżjoni u għal diffikultà fl-evalwazzjoni tad-distanzi, li jista’ jkun importanti fil-ħajja komuni b’mod partikolari meta l-konsumaturi jkollhom l-intenzjoni li jeżerċitaw attività partikolari li teżiġi ċertu livell ta’ attenzjoni, bħas-sewqan ta’ vettura. Issa, dawn l-effetti tal-konsum tal-alkoħol ma japplikawx għall-konsum tal-ilma tal-flixkun jew tal-ilma minerali. Min-naħa l-oħra, għal parti mhux negliġibbli tal-pubbliku li jitkellem bl-Ispanjol – jew tal-Unjoni b’mod ġenerali – il-konsum tal-alkoħol jista’ joħloq problema ġenwina tas-saħħa.
43 Fit-tieni lok, kif ġustament issostni wkoll ir-rikorrenti, l-iskop u l-użu tal-prodotti inkwistjoni huma differenti. Qabelxejn, ix-xarbiet alkoħoliċi, inklużi dawk b’kontenut baxx ta’ alkoħol, huma ġeneralment intiżi sabiex titgawda t-togħma u mhux sabiex jaqtgħu l-għatx. Sussegwentement, il-konsum ta’ xarbiet alkoħoliċi bħal dawk koperti mit-trade mark preċedenti ma jikkorrispondix għal ħtieġa vitali u jista’ wkoll jagħmel ħsara lis-saħħa. Barra minn hekk, kif irrilevat ġustament ir-rikorrenti, ix-xarbiet alkoħoliċi koperti mit-trade mark preċedenti, anki dawk b’kontenut baxx ta’ alkoħol, huma ġeneralment inqas ħfief u kunsiderevolment iktar għaljin mix-xarbiet imsejħa “ilma tal-flixkun; ilma minerali (mhux immedikat); ilma minerali (xarbiet)”. Fl-aħħar nett, numru kbir ta’ xarbiet koperti mit-trade mark preċedenti jiġu kkonsmati f’okkażjonijiet speċjali u mhux ta’ kuljum.
44 Għall-kuntrarju, ix-xarbiet imsejħa “ilma tal-flixkun; ilma minerali (mhux immedikat); ilma minerali (xarbiet)”, koperti mit-trade mark li għaliha saret l-applikazzjoni, huma b’mod partikolari intiżi sabiex jaqtgħu l-għatx (ara, għall-inbejjed frizzanti, minn naħa, u għall-ilmijiet minerali u effervexxenti u għax-xarbiet mhux alkoħoliċi, min-naħa l-oħra, is-sentenza tal‑15 ta’ Frar 2005, LINDENHOF, T‑296/02, EU:T:2005:49, punt 55). Issa, il-konsum ta’ ilma li jikkorrispondi għal ħtieġa vitali u l-inġestjoni tiegħu diversi drabi kuljum jagħmel minnu bżonn bażiku (ara wkoll il-punt 27 tad-deċiżjoni kkontestata). L-ilmijiet minerali huma biss subkategorija tal-kategorija tal-ilma. Dawn huma oġġetti ta’ konsum ta’ kuljum.
45 Fit-tielet lok, il-prodotti inkwistjoni ma humiex komplementari.
46 F’dan ir-rigward, għandu jitfakkar li l-prodotti jew is-servizzi komplementari huma dawk li bejniethom teżisti rabta stretta, fis-sens li wieħed huwa indispensabbli jew importanti għall-użu tal-ieħor, b’tali mod li l-konsumaturi jistgħu jaħsbu li r-responsabbiltà għall-manifattura ta’ dawn il-prodotti jew għall-provvista ta’ dawn is-servizzi taqa’ fuq l-istess impriża (sentenzi tal‑1 ta’ Marzu 2005, Sergio Rossi vs UASI – Sissi Rossi (SISSI ROSSI), T‑169/03, EU:T:2005:72, punt 60, u tal‑11 ta’ Lulju 2007, PiraÑAM diseño original Juan Bolaños, T‑443/05, EU:T:2007:219, punt 48; ara wkoll is-sentenza tat‑22 ta’ Jannar 2009, easyHotel, T‑316/07, EU:T:2009:14, punt 57 u l-ġurisprudenza ċċitata).
47 Issa, il-prodotti inkwistjoni ma għandhomx rabta stretta fis-sens li x-xiri ta’ wieħed minnhom huwa indispensabbli jew importanti għall-użu tal-ieħor. Fil-fatt, ma jistax jiġi kkunsidrat li x-xerrej ta’ wieħed mill-prodotti li jaqa’ taħt il-klassi 32 u msejħa “ilma tal-flixkun; ilma minerali (mhux immedikat); ilma minerali (xarbiet)”, kif indikati mit-trade mark li għaliha saret l-applikazzjoni, ikun obbligat jixtri prodott li jaqa’ taħt il-klassi 33 kopert mit-trade mark preċedenti u viċe versa (ara, għall-inbejjed, minn naħa, u għall-ilmijiet minerali u effervexxenti u xarbiet oħra mhux alkoħoliċi, min-naħa l-oħra, is-sentenza tat‑18 ta’ Ġunju 2008, MEZZOPANE, T‑175/06, EU:T:2008:212, punt 84).
48 Ċertament, mill-punt 28 tad-deċiżjoni kkontestata jirriżulta li x-“xarbiet b’kontenut alkoħoliku għoli” jista’ “jitħallat mal-ilma, […], sabiex itaffi l-għatx jew għall-idratazzjoni”. Madankollu, skont il-Bord tal-Appell, “[i]l-fatt li l-ilma [huwa] prodott miksub direttament min-natura u li x-xarbiet alkoħoliċi [jkunu] għaddew minn trasformazzjoni għall-manifattura tagħhom, lanqas ma jfisser li l-pubbliku ġenerali ma jkunx jista’ jqis li l-oriġini kummerċjali tagħhom [hija] l-istess jew li teżisti rabta ekonomika bejniethom”. B’tali argument u fid-dawl tal-elementi rrilevati fil-punt 19 tad-deċiżjoni kkontestata, jiġifieri l-fatt li l-Bord tal-Appell kellu l-intenzjoni japplika b’mod partikolari l-kriterju ta’ “komplementarjetà”, kif żviluppat fil-ġurisprudenza, għandu jiġi kkunsidrat li, fil-punt 28 tad-deċiżjoni kkontestata, hija pprovat turi li, minħabba l-fatt li x-xarbiet alkoħoliċi jistgħu jitħalltu, bl-eċċezzjoni tal-birer koperti mit-trade mark preċedenti, minn naħa, mal-ilmijiet minerali koperti mit-trade mark li għaliha saret l-applikazzjoni, min-naħa l-oħra, kien jeżisti rapport ta’ komplementarjetà bejn dawn il-prodotti, b’tali mod li kien hemm bejniethom “xebh dgħajjef” (ara l-punt 29 tad-deċiżjoni kkontestata).
49 Madankollu, dan ir-raġunament ma jistax jiġi aċċettat f’dan il-każ.
50 Fil-fatt, l-ewwel, l-interpretazzjoni tal-kunċett ta’ komplementarjetà bħala li jirreferi għas-sempliċi possibbiltà li xarbiet alkoħoliċi jitħalltu ma’ ilmijiet minerali diffiċilment tista’ tiġi rrikonċiljata mal-kunċett ta’ komplementarjetà kif jirriżulta mill-ġurisprudenza ċċitata fil-punt 466 iktar ’il fuq.
51 Il-kunċett ta’ komplementarjetà ma jirreferix għas-sempliċi possibbiltà li l-prodotti jiġu mħallta, iżda jirrigwarda l-eżistenza ta’ “rabta stretta” iddefinita fil-punt 46 iktar ’il fuq. Din ir-“rabta stretta” għandha tinftiehem fis-sens li wieħed mill-prodotti huwa indispensabbli jew importanti għall-użu tal-ieħor (sentenza tal‑1 ta’ Marzu 2005, SISSI ROSSI, T‑169/03, EU:T:2005:72, punt 60).
52 Issa, ma jistax jiġi kkunsidrat li x-xiri jew il-konsum tal-prodotti li jaqgħu fil-klassi 32, koperti mit-trade mark li għaliha saret l-applikazzjoni, huwa indispensabbli għax-xiri jew għall-konsum tax-xarbiet alkoħoliċi li jaqgħu fil-klassi 33, koperti mit-trade mark preċedenti, u viċe versa. Bl-istess mod, ma jistax jiġi kkonstatat li l-konsum tal-imsemmija prodotti fil-klassi 32 huwa importanti għall-konsum tax-xarbiet alkoħoliċi li jaqgħu fil-klassi 33, koperti mit-trade mark preċedenti.
53 It-tieni u fi kwalunkwe każ, huwa, bla dubju, veru li x-xarbiet li jaqgħu fil-klassi 32 imsejħa “ilma tal-flixkun; ilma minerali (mhux immedikat); ilma minerali (xarbiet)”, kif koperti mit-trade mark li għaliha saret l-applikazzjoni, jistgħu ta’ spiss jitħalltu ma’ ħafna mix-xarbiet li jaqgħu fil-klassi 33, koperti mit-trade mark preċedenti. Fil-fatt, b’mod ġenerali, numru kbir ta’ xarbiet alkoħoliċi u mhux alkoħoliku jistgħu jitħalltu, jiġu kkonsmati jew, anki, jiġu kkummerċjalizzati flimkien, jew fl-istess stabbilimenti jew bħala xarbiet alkoħoliċi mħallta minn qabel.
54 Madankollu, tali possibbiltà ma tħassarx id-differenza dovuta għall-preżenza jew għall-assenza ta’ alkoħol li teżisti bejn il-prodotti inkwistjoni. Barra minn hekk, jekk jitqies li dawn il-kategoriji ta’ prodotti għandhom jiġu kklassifikati bħala simili, għas-sempliċi fatt li l-prodotti jistgħu jitħalltu u jiġu kkunsmati f’taħlitiet, meta ma humiex intiżi li jiġu kkonsmati la fl-istess ċirkustanzi, la fl-istess spirtu, u lanqas, jekk ikun il-każ, mill-istess kategoriji ta’ konsumaturi, iwassal sabiex numru kunsiderevoli ta’ prodotti li jistgħu jiġu kklassifikati bħala “xarbiet” jitqiesu li jiffurmaw parti minn kategorija waħda u unika għall-finijiet tal-applikazzjoni tal-Artikolu 8(1) tar-Regolament Nru 207/2009 (sentenzi tal‑15 ta’ Frar 2005, LINDENHOF, T‑296/02, EU:T:2005:49, punt 57, u tal‑4 ta’ Ottubru 2018, FLÜGEL, EU:T:2018:641, punt 80).
55 Fl-aħħar nett, sa fejn, fil-punt 23 tad-deċiżjoni kkontestata, il-Bord tal-Appell fakkar l-eżistenza ta’ pastis, mingħajr madankollu ma silet konklużjonijiet preċiżi f’dan ir-rigward, hemm lok li jiġu rrilevati l-elementi li ġejjin. Ċertament, il-pastis jiġi kkonsmat biss wara li jkun neċessarjament tħallat mal-ilma. Madankollu, din ix-xarba ma titħallatx, normalment, mal-ilma minerali (effervexxenti), iżda mal-ilma tal-vit. Issa, ir-rikorrenti ma indikatx li trid tirreġistra t-trade mark li għaliha saret l-applikazzjoni għall-ilma tal-vit. Dan huwa l-każ, barra minn hekk, f’dak li jirrigwarda r-raki u l-absinthe, sa fejn dawn ix-xarbiet jiġu kkonsmati, normalment, wara li jitħalltu mal-ilma tal-vit. Għaldaqstant, ma jistax jitqies li l-pastis u l-ilmijiet koperti mit-trade mark li għaliha saret l-applikazzjoni huma komplementari.
56 Fir-raba’ lok, fir-rigward tan-natura kompetittiva tal-prodotti inkwistjoni, għandu jitfakkar li, skont il-ġurisprudenza, sabiex prodotti jkunu jistgħu jiġu kkunsidrati bħala kompetituri, jeħtieġ li dawn ikunu sostitwibbli għal xulxin (ara s-sentenza tas‑17 ta’ Frar 2017, Hernández Zamora vs EUIPO – Rosen Tantau (Paloma), T‑369/15, mhux ippubblikata, EU:T:2017:106, punt 26 u l-ġurisprudenza ċċitata).
57 Issa, l-ewwel, minħabba d-differenza dovuta għall-preżenza jew għall-assenza ta’ alkoħol, li huwa evitat minn numru kbir ta’ konsumaturi għal raġunijiet ta’ saħħa u li jwassal ukoll għal differenza fit-togħma, ma jistax jiġi konkluż li l-konsumatur medju li jitkellem bl-Ispanjol jikkunsidra l-prodotti inkwistjoni bħala interkambjabbli. Fil-fatt, id-differenza dovuta għall-preżenza jew għall-assenza ta’ alkoħol u d-differenza fit-togħma għandhom bħala konsegwenza li, b’mod ġenerali, il-konsumatur medju li jitkellem bl-Ispanjol li jipprova jikseb ilma minerali mhux ser iqabbel dan il-prodott max-xarbiet li jaqgħu fil-klassi 33 inkwistjoni. Dan ser jikseb jew l-ilma minerali jew waħda minn dawn ix-xarbiet alkoħoliċi (ara, b’analoġija, is-sentenza tat‑18 ta’ Ġunju 2008, MEZZOPANE, T‑175/06, EU:T:2008:212, punt 85).
58 Din l-aħħar evalwazzjoni hija kkonfermata mill-ġurisprudenza li ħarġet mis-sentenza tal‑15 ta’ Frar 2005, LINDENHOF (T‑296/02, EU:T:2005:49), li fiha ġie deċiż li l-inbejjed frizzanti ma setgħux jitqiesu li huma f’kompetizzjoni ma’ xarbiet mhux alkoħoliċi, peress li l-inbejjed frizzanti kienu jikkostitwixxu biss xarba atipika sostituttiva ta’ xarbiet li jaqgħu fil-klassi 32 imsejħa “birer, taħlita ta’ xarbiet li fihom il-birra, ilma minerali u bil-gass u xarbiet oħra mhux alkoħoliċi; xorb ibbażat fuq il-frott u magħmul mill-meraq tal-frott, xorb tal-meraq tal-ħxejjex; ġulepp u preparazzjonijiet oħra għat-tħejjija tax-xorb; xorb tax-xorrox […]” (sentenza tal‑15 ta’ Frar 2005, LINDENHOF, T‑296/02, EU:T:2005:49, punti 2 u 56).
59 Fl-aħħar lok, din l-istess ġurisprudenza kkunsidrat ukoll li l-konsumatur medju Ġermaniż jikkunsidra bħala normali, u għalhekk jistenna, li l-inbejjed frizzanti, minn naħa, u x-xarbiet imsejħa “ilma minerali u bil-gass u xarbiet oħra mhux alkoħoliċi; xorb ibbażat fuq il-frott u magħmul mill-meraq tal-frott”, min-naħa l-oħra, joriġinaw minn impriżi differenti (sentenza tal‑15 ta’ Frar 2005, LINDENHOF, T‑296/02, EU:T:2005:49, punt 51). Il-Qorti Ġenerali żiedet li l-inbejjed frizzanti u l-imsemmija xarbiet ma setgħux jiġu kkunsidrati bħala li jappartjenu lill-istess familja ta’ xarbiet, jew bħala elementi ta’ firxa ġenerali ta’ xarbiet li jista’ jkollhom oriġini kummerċjali komuni (sentenza tal‑15 ta’ Frar 2005, LINDENHOF, T‑296/02, EU:T:2005:49, punt 51).
60 Issa, din l-aħħar evalwazzjoni tista’ tiġi trasposta għal din il-kawża. Fil-fatt, il-konsumatur medju li jitkellem bl-Ispanjol — u, barra minn hekk, kull konsumatur medju tal-Unjoni –, fil-preżenza ta’ ilma minerali, bil-gass jew le, minn naħa, u ta’ xarbiet alkoħoliċi koperti mit-trade mark preċedenti, min-naħa l-oħra, ma huwiex ser jistenna li dawn ix-xarbiet ikollhom l-istess oriġini kummerċjali.
61 It-tieni, għandu jiġi kkonstatat li l-prezz jista’ jkollu effett determinanti fuq il-kwistjoni tas-sostitwibbiltà tal-prodotti.
62 Għalhekk, ġie deċiż li, fid-dawl tad-differenzi kbar fil-kwalità u, għaldaqstant, fil-prezz, li jeżistu bejn l-inbejjed, ir-relazzjoni ta’ kompetizzjoni determinanti bejn il-birra, xarba popolari kkonsmata f’ammonti kbar, u l-inbid kellha tiġi stabbilita mal-inbejjed l-iktar aċċessibbli għall-pubbliku ġenerali, li huma, ġeneralment, l-eħfef u l-orħos (sentenzi tat‑12 ta’ Lulju 1983, Il‑Kummissjoni vs Ir‑Renju Unit, 170/78, EU:C:1983:202, punt 8; tad‑9 ta’ Lulju 1987, Il‑Kummissjoni vs Il‑Belġju, 356/85, EU:C:1987:353, punt 10, u tas‑17 ta’ Ġunju 1999, Socridis, C‑166/98, EU:C:1999:316, punt 18).
63 Issa, dan jgħodd ukoll għall-prodotti inkwistjoni. Fil-fatt, ix-xarbiet li jaqgħu fil-klassi 32 u msejħa “ilma tal-flixkun; ilma minerali (mhux immedikat); ilma minerali (xarbiet)”, koperti mit-trade mark li għaliha saret l-applikazzjoni, huma, normalment, ħafna irħas mill-prodotti li jaqgħu fil-klassi 33 imsejħa “xarbiet alkoħoliċi (minbarra birra); inbid, inbid frizzanti; likur; spirti (xorb); brandi”, koperti mit-trade mark li għaliha saret l-applikazzjoni. Jekk ir-raġunament tal-Qorti tal-Ġustizzja espost fil-punt 62 iktar ’il fuq japplika, għandu jiġi konkluż li, mill-perspettiva tal-prezz, il-prodotti inkwistjoni ma humiex sostitwibbli.
64 Għandu jiġi konkluż li l-prodotti inkwistjoni ma humiex ta’ natura kompetittiva.
65 Fil-ħames lok, fir-rigward tal-kanali ta’ distribuzzjoni tal-prodotti inkwistjoni, għandu jiġi rrilevat li l-fatt, imsemmi mill-Bord tal-Appell fil-punt 24 tad-deċiżjoni kkontestata, li dawn il-prodotti jistgħu jinbiegħu “fl-istess stabbilimenti” ma jippermettix li tiġi ssostanzjata l-konklużjoni tiegħu li jeżisti xebh dgħajjef bejn l-imsemmija prodotti.
66 Il-Qorti Ġenerali diġà ntalbet tiddeċiedi fuq il-kanali ta’ distribuzzjoni tal-prodotti inklużi fil-klassijiet 32 u 33 bħala fattur li għandu jittieħed inkunsiderazzjoni fl-evalwazzjoni tal-livell ta’ xebh bejn dawn il-prodotti.
67 Għalhekk, ġie kkonstatat li l-prodotti li jaqgħu fil-klassijiet 32 u 33 huma normalment is-suġġett ta’ distribuzzjoni ġenerali, li tvarja mill-ixkafef tal-ikel ta’ stabbiliment kummerċjali għall-bars u għall-kafetteriji (sentenza tad‑9 ta’ Marzu 2005, Hai, T‑33/03, EU:T:2005:89, punt 44). Abbażi ta’ din il-konstatazzjoni, il-Qorti Ġenerali waslet għall-konklużjoni li l-prodotti inklużi fil-klassi 33 kienu tant marbuta mal-prodotti li jaqgħu fil-klassi 32, li kellhom jitqiesu li huma “simili” (sentenza tad‑9 ta’ Marzu 2005, Hai, T‑33/03, EU:T:2005:89, punt 46).
68 Barra minn hekk, fil-punt 82 tas-sentenza tat‑18 ta’ Ġunju 2008, MEZZOPANE (T‑175/06, EU:T:2008:212), il-Qorti Ġenerali kienet essenzjalment irrilevat li l-inbejjed bħala “xarbiet alkoħoliċi” kienu, bħala tali, separati sew mix-“xarbiet mhux alkoħoliċi”, kemm fil-ħwienet kif ukoll fil-listi tax-xorb u li l-konsumatur medju kien imdorri bis-separazzjoni bejn ix-xarbiet alkoħoliċi u dawk mhux alkoħoliċi. Bħala konklużjoni, il-Qorti Ġenerali ddeċidiet li l-inbid u x-xarbiet mhux alkoħoliċi kellhom jitqiesu li ma humiex “simili”.
69 Fl-aħħar nett, fis-sentenza tagħha tal‑5 ta’ Ottubru 2011, ROSALIA DE CASTRO (T‑421/10, mhux ippubblikata, EU:T:2011:565), filwaqt li fakkret il-konstatazzjoni magħmula fil-ġurisprudenza msemmija fil-punt 67 iktar ’il fuq, jiġifieri li x-xarbiet mhux alkoħoliċi kienu spiss ikkummerċjalizzati u kkonsmati max-xarbiet alkoħoliċi u li kienu s-suġġett ta’ distribuzzjoni ġġeneralizzata, li testendi mill-ixkafef tal-ikel tal-istabbilimenti kummerċjali għall-bars u l-kafetteriji, il-Qorti Ġenerali madankollu enfasizzat li l-imsemmija xarbiet kellhom ukoll karatteristiċi differenti. Il-Qorti Ġenerali indikat ukoll li, filwaqt li x-xarbiet alkoħoliċi kienu ġeneralment kkonsmati f’ċirkustanzi speċjali u soċjali, l-ilma u x-xarbiet mhux alkoħoliċi kienu kkonsmati ta’ kuljum. Barra minn hekk, hija enfasizzat li l-konsum tal-ilma kien jikkorrispondi għal ħtieġa vitali u li l-konsumatur medju, meqjus li huwa normalment informat, raġonevolment attent u avżat, kien sensittiv għad-distinzjoni bejn ix-xarbiet alkoħoliċi u dawk mhux alkoħoliċi, li hija neċessarja, peress li ċerti konsumaturi ma jixtiqux, jew saħansitra ma jistgħux, jikkonsmaw l-alkoħol. Fid-dawl ta’ dawn l-elementi, il-Qorti Ġenerali qieset li x-xebh eżistenti bejn dawn iż-żewġ tipi ta’ prodotti seta’ jiġi kkunsidrat biss bħala “dgħajjef” (sentenza tal‑5 ta’ Ottubru 2011, ROSALIA DE CASTRO, T‑421/10, mhux ippubblikata, EU:T:2011:565, punti 31 u 32).
70 Fid-dawl tar-risposti differenti mogħtija b’applikazzjoni tal-kriterju marbut mal-kanali ta’ distribuzzjoni fil-ġurisprudenza tal-Qorti Ġenerali, hemm lok li jiġi kkunsidrat għall-finijiet ta’ din is-sentenza li, kuntrarjament għal dak li jirriżulta mill-punt 44 tas-sentenza tad‑9 ta’ Marzu 2005, Hai (T‑33/03, EU:T:2005:89), u tal-punt 32 tas-sentenza tal‑5 ta’ Ottubru 2011, ROSALIA DE CASTRO (T‑421/10, mhux ippubblikata, EU:T:2011:565), is-sempliċi fatt li l-prodotti li jaqgħu fil-klassijiet 32 u 33 normalment ikunu s-suġġett ta’ distribuzzjoni ġġeneralizzata, li testendi mill-ixkafef tal-istabbilimenti kummerċjali għall-kafetteriji, ma huwiex biżżejjed bħala tali sabiex jitqies li l-prodotti inklużi fil-klassijiet 32 u 33 “għandhom” jitqiesu li jixxiebhu b’mod dgħajjef, jew li huma saħansitra simili.
71 Fil-fatt, fir-realtà u kif jirriżulta minn ġurisprudenza li ġiet żviluppata fir-rigward tal-kriterju marbut mal-kanali ta’ distribuzzjoni ferm qabel l-għoti tas-sentenzi tad‑9 ta’ Marzu 2005, Hai (T‑33/03, EU:T:2005:89), u tal‑5 ta’ Ottubru 2011, ROSALIA DE CASTRO (T‑421/10, mhux ippubblikata, EU:T:2011:565), il-fatt li prodotti jistgħu jinbiegħu fl-istess stabbilimenti kummerċjali, bħal stabbilimenti kummerċjali jew supermarkets, ma huwiex partikolarment sinjifikattiv, peress li huwa possibbli li jinsabu f’dawn il-punti ta’ bejgħ prodotti ta’ natura differenti ħafna, mingħajr ma l-konsumaturi jattribwixxu lilhom awtomatikament l-istess oriġini (sentenza tat‑13 ta’ Diċembru 2004, El Corte Inglés vs UASI – Pucci (EMILIO PUCCI), T‑8/03, EU:T:2004:358, punt 43).
72 Peress li din il-ġurisprudenza ġiet ikkonfermata (sentenzi tal‑24 ta’ Marzu 2010, 2nine vs UASI – Pacific Sunwear of California (nollie), T‑364/08, mhux ippubblikata, EU:T:2010:115, punt 40, u tat‑2 ta’ Lulju 2015, BH Stores vs UASI – Alex Toys (ALEX), T‑657/13, EU:T:2015:449, punt 83), hija tista’ titqies li hija stabbilita sew.
73 Il-ġurisprudenza ppreċiżat ukoll li hija biss it-tqegħid tal-prodotti fl-istess xkaffa ta’ dawn il-ħwienet li tista’ tkun indikazzjoni tax-xebh tagħhom (sentenza tas‑17 ta’ Frar 2017, Paloma, T‑369/15, mhux ippubblikata, EU:T:2017:106, punt 28).
74 Fl-aħħar nett, għandu jitfakkar li l-inbejjed frizzanti, minn naħa, u x-xarbiet imsejħa “ilma minerali u bil-gass u xarbiet oħra mhux alkoħoliċi; xorb ibbażat fuq il-frott u magħmul mill-meraq tal-frott”, min-naħa l-oħra, jinbiegħu maġenb xulxin, kemm fil-ħwienet kif ukoll fil-lista tax-xorb (ara, f’dan is-sens, is-sentenza tal‑15 ta’ Frar 2005, LINDENHOF, T‑296/02, EU:T:2005:49, punt 50). Dan japplika mhux biss għall-inbejjed frizzanti inkwistjoni fil-kawża li tat lok għal din is-sentenza, iżda wkoll għax-xarbiet alkoħoliċi kollha koperti mit-trade mark preċedenti inkwistjoni f’dan il-każ.
75 Issa, minbarra f’eċċezzjonijiet rari, ix-xarbiet li jaqgħu fil-klassi 32 u msejħa “ilma tal-flixkun; ilma minerali (mhux immedikat); ilma minerali (xarbiet)”, koperti mit-trade mark li għaliha saret l-applikazzjoni, u l-prodotti li jaqgħu fil-klassi 33 u msejħa “xarbiet alkoħoliċi (minbarra birra); inbid, inbid frizzanti; likur; spirti (xorb); brandi”, koperti mit-trade mark preċedenti, jinbiegħu, ċertament, fl-ixkafef kontigwi għal xulxin tas-supermarkets, iżda mhux fl-istess xkafef ta’ dawn tal-aħħar.
76 Fl-aħħar nett, sa fejn il-Qorti Ġenerali rreferiet għall-bars u għall-kafetteriji (sentenzi tad‑9 ta’ Marzu 2005, Hai, T‑33/03, EU:T:2005:89, punt 44, u tal‑5 ta’ Ottubru 2011, ROSALIA DE CASTRO, T‑421/10, mhux ippubblikata, EU:T:2011:565, punt 31), huwa minnu li dawn l-istabbilimenti ġeneralment iqiegħdu l-prodotti kollha inkwistjoni u ta’ spiss fl-istess xkaffa. Il-konsumatur li jitkellem bl-Ispanjol jibqa’ madankollu attent għad-differenzi li jeżistu bejn dawn il-kategoriji ta’ prodotti, b’mod partikolari għall-preżenza jew għall-assenza ta’ alkoħol, b’tali mod li s-sempliċi fatt li jkunu jinsabu fl-istess xkaffa ma jipprevalix fuq id-differenzi bejn dawn il-prodotti.
77 B’teħid inkunsiderazzjoni tal-evalwazzjonijiet preċedenti kollha, kuntrarjament għal dak li sostna l-Bord tal-Appell fil-punt 29 tad-deċiżjoni kkontestata, ma jeżistix xebh dgħajjef bejn ix-xarbiet li jaqgħu fil-klassi 32 u msejħa “ilma tal-flixkun; ilma minerali (mhux immedikat); ilma minerali (xarbiet)”, koperti mit-trade mark li għaliha saret l-applikazzjoni, u l-prodotti li jaqgħu fil-klassi 33 u msejħa “xarbiet alkoħoliċi (minbarra birra); inbid, inbid frizzanti; likur; spirti (xorb); brandi”, koperti mit-trade mark preċedenti. Għall-kuntrarju, dawn il-prodotti għandhom jitqiesu li huma differenti.
78 Fid-dawl ta’ dak li ġie rrilevat fil-punt 24 iktar ’il fuq, jiġifieri, b’teħid inkunsiderazzjoni tar-regola li abbażi tagħha, essenzjalment, il-prova tal-eżistenza ta’ identiċità jew ta’ xebh tal-prodotti jew tas-servizzi koperti mit-trade marks kunfliġġenti hija kundizzjoni sine qua non tal-eżistenza ta’ probabbiltà ta’ konfużjoni fis-sens tal-Artikolu 8(1)(b) tar-Regolament Nru 207/2009, l-iżball ta’ evalwazzjoni li jivvizzja d-deċiżjoni kkontestata għandu bħala konsegwenza li l-motiv tar-rikorrenti għandu jintlaqa’.
79 Għaldaqstant, għandu jintlaqa’ l-motiv invokat mir-rikorrenti u, konsegwentement, għandha tiġi annullata d-deċiżjoni kkontestata, mingħajr ma hemm bżonn li jiġi eżaminat jekk is-sinjali kunfliġġenti jixxiebhux jew le.
Fuq l-ispejjeż
80 Skont l-Artikolu 134(1) tar-Regoli tal-Proċedura tal-Qorti Ġenerali, il-parti li titlef il-kawża għandha tiġi kkundannata għall-ispejjeż, jekk dawn ikunu ntalbu. Peress li l-EUIPO tilef, hemm lok li jiġi kkundannat għall-ispejjeż, kif mitlub mir-rikorrenti u mill-EUIPO.
Għal dawn ir-raġunijiet,
IL-QORTI ĠENERALI (It-Tieni Awla)
taqta’ u tiddeċiedi:
1) Id-deċiżjoni tar-Raba’ Bord tal-Appell tal-Uffiċċju tal-Proprjetà Intellettwali tal-Unjoni Ewropea (EUIPO) tal‑20 ta’ Jannar 2020 (Każ R 2524/2018-4) hija annullata.
2) L-EUIPO huwa kkundannat għall-ispejjeż.
Tomljenović | Schalin | Škvařilová-Pelzl |
Mogħtija f’qorti bil-miftuħ fil-Lussemburgu, fit‑22 ta’ Settembru 2021.
Firem