Rikors ippreżentat fit-3 ta’ Diċembru 2013 – Gemeente Bergen op Zoom vs Il-Kummissjoni
(Kawża T-641/13)
Lingwa tal-kawża: l-Olandiż
Partijiet
Rikorrenti: Gemeente Bergen op Zoom (Bergen op Zoom, il-Pajjiżi l-Baxxi) (rappreżentanti: T. Hovius u R. Pasma, avukati)
Konvenuta: Il-Kummissjoni Ewropea
Talbiet tar-rikorrenti
tannulla d-deċiżjoni kkontestata;
tikkundanna lill-Kummissjoni għall-ispejjeż.
Motivi u argumenti prinċipali
Ir-rikorrenti tikkontesta d-Deċiżjoni tal-Kummissjoni tat-2 ta’ Ottubru 2013 1 , li permezz tagħha din tal-aħħar ikkonkludiet li x-xiri tal-art industrijali ta’ Koninklijke Nedalco BV u Nedalco International BV min-naħa tal-Komun ta’ Bergen op Zoom ma jikkostitwixxix għajnuna mill-Istat fis-sens tal-Artikolu 107(1) TFUE.
Insostenn tar-rikors tagħha, ir-rikorrenti tinvoka tliet motivi.
L-ewwel motiv ibbażat fuq ksur tal-Artikoli 107 u/jew 108 TFUE
Il-Kummissjoni naqset milli tapplika l-prinċipju ta’ investitur privat jew, minn tal-inqas, applikatu ħażin, ma bbażatx ruħha fuq il-fatti rilevanti f’dan ir-rigward u/jew ma mmotivatx suffiċjentement l-imsemmija applikazzjoni.It-tieni motiv ibbażat fuq ksur tal-Artikoli 107 u/jew 108 TFUEIl-Kummissjoni evalwat ħażin il-fatti u/jew il-liġi u wettqet żball manifest ta’ evalwazzjoni meta kkonkludiet li Nedalco ma kisbitx vantaġġ (selettiv) li hija ma kinitx tikseb permezz tal-mezzi kummerċjali normali.It-tielet motiv ibbażat fuq ksur tal-prinċipju ta’ diliġenza u tal-obbligu ta’ motivazzjoniIl-Kummissjoni żbaljatament naqset milli teżamina l-fatti invokati mill-Komun u/jew li tibbaża d-deċiżjoni kkontestata fuq motivazzjoni xierqa.