Rikors ippreżentat fid-9 ta’ Settembru 2021 – Worldwide Brands vs EUIPO - Guangdong Camel Apparel (CAMEL CROWN)
(Kawża T-562/21)
Lingwa tar-rikors: l-Ingliż
Partijiet
Rikorrent: Worldwide Brands, Inc. Zweigniederlassung Deutschland (Köln, il-Ġermanja) (rappreżentanti: J. Gracia Albero u R. Ahijón Lana, avukati)
Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)
Parti oħra quddiem il-Bord tal-Appell: Guangdong Camel Apparel Co. Ltd (Foshan City, iċ-Ċina)
Informazzjoni dwar il-proċedimenti quddiem l-EUIPO
Applikant għat-trade mark kontenzjuża: il-parti l-oħra quddiem il-Bord tal-Appell
Trade mark kontenzjuża kkonċernata: applikazzjoni għat-trade mark tal-Unjoni “CAMEL CROWN” – Applikazzjoni għal reġistrazzjoni Nru 17 882 201
Proċedimenti quddiem l-EUIPO: proċedimenti ta’ oppożizzjoni
Deċiżjoni kkontestata: id-deċiżjoni tal-Ħames Bord tal-Appell tal-EUIPO tat-23 ta’ Ġunju 2021 fil-Każ R 159/2021-5
Talbiet
Ir-rikorrenti titlob li l-Qorti tal-Ġustizzja jogħġobha:
tannulla parzjalment id-deċiżjoni kkontestata sa fejn laqgħet parzjalment l-appell ippreżentat mill-intervenjent u ċaħdet parzjalment l-appell ippreżentat minn din il-parti, u tippermetti r-reġistrazzjoni tat-trade mark ikkontestata għall-oġġetti indikati fil-klassijiet 24 u 28;
tordna lill-konvenut ibati l-ispejjeż tal-proċeduri preżenti, inklużi l-ispejjeż li jirriżultaw mill-proċeduri quddiem id-Diviżjoni tal-Oppożizzjoni u l-Ħames Bord tal-Appell.
Motiv invokat
Ksur tal-Artikolu 8(1)(b) tar-Regolament (UE) 2017/1001 tal-Parlament Ewropew u tal-Kunsill.
____________