Iarraidh ar réamhrialú ón Rechtbank Amsterdam (an Ísiltír) a taisceadh an 22 Iúil 2022 – barántas gabhála Eorpach a eisíodh i gcoinne CJ; páirtí eile: Openbaar Ministerie
(Cás T-492/22)
Teanga an cháis: an Ollainnis
An chúirt a rinne an tarchur
Rechtbank Amsterdam
Páirtithe sna príomhimeachtaí
Barántas gabhála Eorpach a eisíodh i gcoinne: CJ
Páirtí eile Openbaar Ministerie
Na ceisteanna a tharchuirtear
An gcuirtear cosc le Airteagail 12 agus 24(1) de Chinneadh Réime 2002/584/CGB, 1 arna léamh i gcomhar le hAirteagal 6 de Chairt um Chearta Bunúsacha an Aontais Eorpaigh, ar dhuine iarrtha ar tugadh suas é chun críche pianbhreith choimeádta a fhorghníomhú a raibh údaraithe go cinntitheach ach go bhfuil sé curtha ar athló “ionas go bhféadfar é nó í a ionchúiseamh sa Bhallstát forghníomhaitheach … as gníomh seachas an gníomh dá dtagraítear sa bharántas gabhála Eorpach” [aistriúchán neamhoifigiúil], a choinneáil ar feadh ré an ionchúisimh choiriúil sin d’fhonn an barántas gabhála Eorpach a fhorghníomhú?
(a) An cinneadh maidir le forghníomhú an [barántas gabhála Eorpach] é an cinneadh chun an chumhacht chun an tabhairt suas a chur siar, dá bhforáiltear in Airteagal 24(1) de Chinneadh Réime 2002/584/CGB, a fheidhmiú, nach mór a bheith glactha ag an údarás breithiúnach forghníomhaitheach, de bhun Airteagal 6(2) de Chinneadh Réime 2002/584/CGB arna léamh i gcomhar le haithris 8 den Chinneadh sin?
(b) Más amhlaidh atá, an bhfuil sé mar thoradh ar an bhfíric go ndearnadh an cinneadh sin gan idirghabháil ó údarás breithiúnach forghníomhaitheach de réir bhrí Airteagal 6(2) de Chinneadh Réime 2002/584/CGB nach féidir an duine iarrtha a choinneáil a thuilleadh chun críche an barántas gabhála Eorpach a eisíodh ina choinne a fhorghníomhú?
(a) An gcuirtear cosc le hAirteagal 24(1) de Chinneadh Réime 2002/584/CGB, arna léamh i gcomhar le hAirteagail 47 agus 48 de Chairt um Chearta Bunúsacha an Aontais Eorpaigh, ar thabhairt suas an duine iarrtha chun críche ionchúisimh choiriúil sa Bhallstát forghníomhaitheach ar an gcúis amháin nach mian leis an duine iarrtha, arna iarraidh sin dó, a cheart a bheith i láthair ag an ionchúiseamh coiriúil sin a tharscaoileadh?
(b) Más amhlaidh atá, cad iad na fachtóirí ar cheart don údarás breithiúnach forghníomhaitheach a chur san áireamh agus cinneadh á dhéanamh ar cheart an tabhairt suas iarbhír a chur siar?
____________
1 2002/584/JHA: Cinneadh Réime ón gComhairle an 13 Meitheamh 2002 maidir leis an mbarántas gabhála Eorpach agus na nósanna imeachta um thabhairt suas idir Ballstáit – Ráitis ó Bhallstáit áirithe maidir le glacadh an Chinnidh Réime (IO 2002 L 190, lch. 1).