Iarraidh ar réamhrialú ón Tribunal Superior de Justicia del País Vasco (an Spáinn) a taisceadh an 11 Iúil 2023 – JW v Consorcio Gallego de Servicios de Igualdad agus Bienestar, Consejería de Política Social, Consejería de Hacienda
(Cás C-434/23, Consorcio Gallego de Servicios de Igualdad agus Bienestar agus páirtihe eile)
Teanga an cháis: an Spáinnis
An chúirt a rinne an tarchur
Tribunal Superior de Justicia de Galicia
Páirtithe sna príomhimeachtaí
Iarratasóir: JW
Cosantóirí: Consorcio Gallego de Servicios de Igualdad agus Bienestar, Consejería de Política Social, Consejería de Hacienda
Na ceisteanna a tharchuirtear:
An bhféadfaí a mheas go bhfuil bearta sa reachtaíocht náisiúnta atá athchomhairleach go leor do na húdaráis riaracháin phoiblí agus na comhlachtaí san earnáil phoiblí maidir le conarthaí i ndiaidh a chéile nó athnuachan conarthaí sealadacha a bheith in úsáid acu, atá i gcontrárthacht le Clásal 5 den Chomhaontú Réime a ghabhann le Treoir 1999/70/CE 1 ón gComhairle an 28 Meitheamh 1999, lena bhféachtar le cosc a chur agus pionós a ghearradh ar mhí-úsáid a bheith á baint as conarthaí tréimhse shocraithe?
Má mheastar nach bhfuil bearta i reachtaíocht na Spáinne atá athchomhairleach go leor, an gcaithfeadh gurbh é iarmhairt an tsáraithe ar Chlásal 5 den Chomhaontú Réime a ghabhann le Treoir 1999/70/CE don fhostóir poiblí ná an conradh a bheith measta mar bheith ina chonradh neamh-bhuan neamh-shocraithe nó an gcaithfear stádas buan an oibrí a aithint ina iomláine?
I gcás ina réiteofar na ceisteanna roimhe seo sa chiall nach bhfuil aon [bheart] athchomhairleach go leor ann agus gurb é an pionós atá le forchur i leith na calaoise a rinneadh ná an t-oibrí a aithint mar oibrí atá ar chonradh buan, an gcaithfear an conradh a thiontú ina chonradh buan de bhun an Chomhaontú Réime a ghabhann le Treoir 1999/70/CE agus cásdlí CBAE maidir lena léiriú a fhorchur fiú amháin má mheastar é a bheith i gcontrárthacht le hAirteagal 23.2 agus Airteagal 103.3 de Bhunreacht na Spáinne, má léirítear na rialacha bunreachtúla sin mar rialacha lena gceanglaítear nach féidir rochtain a fháil ar aon saghas fostaíochta phoiblí, lena n-áirítear an earcaíocht, ach amháin tar éis don iarrthóir pas a bhaint amach i nós imeachta roghnúcháin iomaíoch ina gcuirtear prionsabail an chomhionannais, an fhiúntais, an chumais agus na poiblíochta i bhfeidhm maidir le poist a líonadh le baill foirne bhuana, fiú amháin nuair nár baineadh pas amach sa nós imeachta sin nó nuair is d’obair sealadach ionadaíoch an glao ar iarratais?
____________
1 Treoir 1999/70/CE ón gComhairle an 28 Meitheamh 1999 i dtaca leis an gcomhaontú réime maidir le hobair théarma shocraithe a thug ETUC, UNICE agus CEEP i gcrích - IO L 175, 10.7.1999, lch. 43.