Ordú na Cúirte Ginearálta an 27 Deireadh Fómhair 2023 – Eutelsat Madeira agus páirtithe eile v an Coimisiún (Saorlimistéar Mhaidéara)
(Cásanna T-718/22 agus T 723/22)1
(Státchabhair – Saorlimistéar Mhaidéara – Scéim cabhrach arna cur chun feidhme ag an bPortaingéil – Cinneadh lena n-aithnítear nach gcomhlíontar an scéim Cinntí C(2007) 3037 final agus C(2013) 4043 final lena ndearbhaítear go bhfuil an scéim sin ar neamhréir leis an margadh inmheánach agus lena n-ordaítear an chabhair a deonaíodh agus í á cur i bhfeidhm a aisghabháil – Oibleagáid cúiseanna a lua – An coincheap “cabhair atá ann cheana” de réir bhrí Airteagal 1(b)(ii) de Rialachán (AE) 2015/1589 – Aisghabháil – Ionchas dlisteanach – Deimhneacht dhlíthiúil – Prionsabail an neamh-idirdhealaithe agus na córa comhionainne – Caingean gan bhunús sa dlí go follasach)
Teanga an cháis: an Phortaingéilis
Páirtithe
Iarratasóir sa chás T-718/22: Eutelsat Madeira, Unipessoal, Lda (Zona Franca da Madeira) (Caniçal, an Phortaingéil) (ionadaithe: R. Bordalo Junqueiro, J. Lampreia, R. Costa agus P. Marques, Dlíodóirí)
Iarratasóirí sa chás T-723/22: Sonasurf Internacional – Shipping, Lda (Zona Franca da Madeira) (Funchal, an Phortaingéil), Mastshipping – Shipping, Sociedade Unipessoal, Lda (Zona Franca da Madeira) (Funchal), Latin Quarter – Serviços Marítimos Internacionais, Lda (Zona Franca da Madeira) (Funchal) (ionadaithe: R. Bordalo Junqueiro, R. Costa, P. Marques agus S. Fernandes de Almeida, Dlíodóirí)
Cosantóir: an Coimisiún Eorpach (ionadaithe: I. Barcew agus P. Caro de Sousa, Gníomhairí)
Ábhar
Lena gcaingne faoi Airteagal 263 CFAE, iarrann na hiarratasóirí go gcuirfí Cinneadh (AE) 2022/1414 ón gCoimisiún an 4 Nollaig 2020 maidir le scéim cabhrach SA.21259 (2018/C) (ex 2018/NN), arna cur chun feidhme ag an bPortaingéil do shaorlimistéar Mhaidéara (Zona Franca da Madeira – ZFM) – Scéim III (IO 2022 L 217, lch. 49), ar neamhní.
An chuid oibríochtúil
1. Déantar Cásanna T-718/22 agus T-723/22 a uamadh chun críocha an bhreithiúnais.
2. Diúltaítear do na caingne toisc iad a bheith gan bhunús sa dlí go follasach.
3. Ordaítear do Eutelsat Madeira, Unipessoal, Lda (Zona Franca da Madeira), Sonasurf Internacional – Shipping, Lda (Zona Franca da Madeira), Mastshipping – Shipping, Sociedade Unipessoal, Lda (Zona Franca da Madeira) agus Latin Quarter – Serviços Marítimos Internacionais, Lda (Zona Franca da Madeira) na costais a íoc.
____________
1 IO C 24, 23.1.2023.