Breithiúnas na Cúirte (an Deichiú Dlísheomra) an 1 Lúnasa 2022 (iarraidh ar réamhrialú ón Consiglio di Stato - an Iodáil) – Ministero dell'Interno v TO
(Cás C-422/21)1
(Tarchur chun réamhrialú – Daoine a dhéanann iarratas ar chosaint idirnáisiúnta – Treoir 2013/33/AE – Airteagal 20 (4) agus (5) – Iompar fíorfhoréigneach – Ceart na mBallstát na smachtbhannaí is infheidhme a chinneadh – Raon feidhme – Leas na dálaí ábharacha glactha a tharraingt siar)
Teanga an cháis: an Iodáilis
An chúirt a rinne an tarchur
Consiglio di Stato
Páirtithe sna príomhimeachtaí
Iarratasóir: Ministero dell'Interno
Cosantóir: TO
An chuid oibríochtúil
Ní mór Airteagal 20(4) de Threoir 2013/33/AE ó Pharlaimint na hEorpa agus ón gComhairle an 26 Meitheamh 2013 lena leagtar síos caighdeáin íosta maidir le glacadh le hiarratasóirí ar chosaint idirnáisiúnta a léirmhíniú sa chaoi go mbaineann sé le hiompar fíorfhoréigneach a ghlactar lasmuigh d’ionad chóiríochta.
Ní mór Airteagal 20(4) agus (5) de Threoir 2013/33 a léirmhíniú sa chaoi go gcuirtear cosc leo ar pionós ar iarratasóir ar chosaint idirnáisiúnta a ghlac le hiompar fíorfhoréigneach i leith státseirbhísigh, arb é atá ann leas na dálaí ábharacha glactha a tharraingt siar, de réir bhrí Airteagal 2(f) agus (g) den Treoir sin, a bhaineann le tithíocht, bia nó éadaí, ós rud é go mbeadh sé d'éifeacht aige an bhféidearthacht freastal ar a chuid riachtanas is bunúsaí a bhaint den iarratasóir. Maidir le smachtbhannaí eile a fhorchur faoi Airteagal 20(4), ní foláir, i ngach cás, na coinníollacha atá leagtha amach i mír 5 den Airteagal sin a urramú, go háirithe na coinníollacha a bhaineann le prionsabal na comhréireachta agus dínit an duine a urramú.
____________
1 IO C 368, 13.09.2021.