Rikors ippreżentat fit-18 ta' Awwissu 2009 - Connefroy et vs Il-Kummissjoni
(Kawża T-327/09)
Lingwa tal-kawża: Il-Franċiż
Partijiet
Rikorrenti: Philippe Connefroy (Le Rozel, Franza), Jean-Guy Gueguen (Carantec, Franza) u EARL de Cavagnan (Bouglon, Franza) (rappreżentant: C. Galvez, avukat)
Konvenuta: Il-Kummissjoni tal-Komunitajiet Ewropej
Talbiet tar-rikorrenti
tannulla d-deċiżjoni kkontestata fuq il-bażi tar-raba' paragrafu tal-Artikolu 230 tat-Trattat KE;
tikkundanna lill-Kummissjoni għall-ispejjeż kollha tal-kawża.
Motivi u argumenti prinċipali
Ir-rikorrenti jitolbu l-annullament tad-Deċiżjoni tal-Kummissjoni C (2009) 203 finali tat-28 ta' Jannar 2009
2, li permezz tagħha il-Kummissjoni ddikjarat bħala inkompatibbli mas-suq komuni l-għajnuna mogħtija mir-Repubblika Franċiża lill-produtturi tal-frott u tal-ħxejjex fil-kuntest tal-"pjanjiet ta' kontinġenza" sabiex jiġi ffaċilitat il-kummerċ tal-prodotti agrikoli maħsuda fi Franza u talbet u li ordnat lir-Repubblika Franċiża terġa tiġbor l-għajnuna inkwistjoni.
Il-motivi u l-argumenti prinċipali invokati mir-rikorrenti huma identiċi jew simili għal dawk invokati fil-kuntest tal-Kawża T-243/09, Fedecom vs Il-Kummissjoni .
____________1 - ĠU L 127, p. 11 - ippubblikat taħt in-Nru 2009/402/KE.2 - ĠU 2009, C 205, p. 43.