Rikors ippreżentat fl-10 ta' Awwissu 2009 - E vs Il-Parlament
(Kawża T-326/09)
Lingwa tal-kawża: Il-Franċiż
Partijiet
Rikorrenti: E (Londra, ir-Renju Unit) (rappreżentanti: S. Orlandi, A. Coolen, J.-N. Louis u E. Marchal, avukati)
Konvenut: Il-Parlament Ewropew
Talbiet tar-rikorrenti
id-deċiżjonijiet meħuda mill-Bureau tal-Parlament fid-9 ta' Marzu u t-3 ta' April 2009 li jemendaw is-sistema ta' pensjoni addizzjonali volontarja tal-membri tal-Parlament Ewropew, huma annullati;
il-Parlament huwa kkundannat għall-ispejjeż.
Motivi u argumenti prinċipali
Permezz ta' dan ir-rikors, ir-rikorrenti titlob l-annullament tad-deċiżjonijiet tal-Bureau tal-Parlament Ewropew tad-9 ta' Marzu u tat-3 ta' April 2009 li jemendaw is-sistema ta' pensjoni addizzjonali (volontarja) li tinsab fl-Anness VIII tar-regoli dwar l-ispejjeż u l-allowances tal-membri tal-Parlament Ewropew. L-emendi essenzjalment jirrigwardaw it-tneħħija tal-possibbiltà ta' irtirar kmieni mix-xogħol, mill-età ta' 50 sena, u l-possibbiltà li wieħed ikun jista' jgawdi l-pensjoni taħt forma ta' kapital, kif ukoll iż-żieda tal-età tal-pensjoni minn 60 għal 63 sena.
Il-motivi u l-argumenti prinċipali invokati mir-rikorrent huma essenzjalment identiċi jew simili għal dawk invokati fil-kuntest tal-Kawża T-219/09, Balfe
et vs Il-Parlament
1.