Sentenza tal-Qorti Ġenerali tal-20 ta’ Marzu 2024 – Grupo Morera & Vallejo u DSA vs Il-Kummissjoni
(Kawża T-519/14) 1
(“Għajnuna mill-Istat – Għajnuna mogħtija mill-awtoritajiet Spanjoli favur ċerti gruppi ta’ interess ekonomiku (GIE) u l-investituri tagħhom – Skema fiskali applikabbli għal ċerti ftehim ta’ lokazzjoni-finanzjament għax-xiri ta’ vapuri (skema Spanjola ta’ leasing fiskali) – Deċiżjoni li tiddikjara l-għajnuna għal parti inkompatibbli mas-suq intern u li tordna parzjalment l-irkupru tagħha – Tmiem parzjali tas-suġġett tat-tilwima – Ma hemmx lok li tingħata deċiżjoni parzjali – Għajnuna ġdida – Irkupru – Klawżoli kuntrattwali li jipproteġu l-benefiċjarji kontra l-irkupru ta’ għajnuna mill-Istat illegali u inkompatibbli mas-suq intern – Tqassim tal-kompetenzi bejn il-Kummissjoni u l-awtoritajiet nazzjonali”)
Lingwa tal-kawża: l-Ispanjol
Partijiet
Rikorrenti: Grupo Morera & Vallejo , SL (Sevilla, Spanja), DSA, Defensa y Servicios del Asegurado, SA (Sevilla) (rappreżentanti: E. Navarro Varona, P. Vidal Martínez, G. Canalejo Lasarte, J. López-Quiroga Teijero u A. Pérez Hernández, avukati)
Konvenut: Il-Kummissjoni Ewropea (rappreżentanti: J. Carpi Badía u P. Němečková, aġenti, assistiti minn M. Segura Catalán, avukata)
Intervenjenti insostenn tar-rikorrenti: Inmobiliaria Osuna, SL (Granada, Spanja), Tinar Olympic, SL (Madrid, Spanja) (rappreżentanti: E. Navarro Varona, P. Vidal Martínez, G. Canalejo Lasarte, J. López-Quiroga Teijero u A. Pérez Hernández, avukati)
Suġġett
Permezz tar-rikorsi tagħhom ibbażati fuq l-Artikolu 263 TFUE, ir-rikorrenti jitolbu l-annullament tad-Deċiżjoni tal-Kummissjoni tas-17 ta’ Lulju 2013 dwar l-għajnuna mill-Istat SA.21233 C/11 (ex NN/11, ex CP 137/06) mogħtija minn Spanja Reġim tat-taxxa applikabbli għal ċerti ftehimiet ta’ lokazzjoni finanzjarja magħruf ukoll bħala s-Sistema Spanjola tat-Taxxa tal-Lokazzjoni (ĠU 2014, L 114, p. 1).
Dispożittiv
Ma hemmx lok li tingħata deċiżjoni dwar ir-rikors sa fejn huwa intiż kontra l-Artikolu 1 tad-Deċiżjoni tal-Kummissjoni tas-17 ta’ Lulju 2013 dwar l-għajnuna mill-Istat SA.21233 C/11 (ex NN/11, ex CP 137/06) mogħtija minn Spanja Reġim tat-taxxa applikabbli għal ċerti ftehimiet ta’ lokazzjoni finanzjarja magħruf ukoll bħala s-Sistema Spanjola tat-Taxxa tal-Lokazzjoni, sa fejn jindika l-gruppi ta’ interess ekonomiku u l-investituri tagħhom bħala l-unika benefiċjarji tal-għajnuna msemmija f’din id-deċiżjoni, u l-Artikolu 4(1) tal-imsemmija deċiżjoni, sa fejn jordna lir-Renju ta’ Spanja tirkupra l-ammont kollu tal-għajnuna msemmija f’din id-deċiżjoni mingħand l-investituri tal-gruppi ta’ interess ekonomiku li bbenefikaw minnha.
Il-kumplament tar-rikors huwa miċħud.
Kull parti għandha tbati l-ispejjeż tagħha.
____________
1 ĠU C 303, 8.9.2014.