Ordú na Cúirte Ginearálta an 10 Deireadh Fómhair 2023 – Sberbank v an Coimisiún agus BRA
(Cás T- 526/22) 1
(Caingean le haghaidh neamhniú – Aontas eacnamaíoch agus airgeadaíochta – Aontas baincéireachta – Sásra Réitigh Aonair le haghaidh institiúidí creidmheasa agus gnólachtaí infheistíochta áirithe (SRA) – Imeachtaí réitigh is infheidhme i gcás eintiteas a bhfuil ag cliseadh air nó gur dócha go gclisfidh air – Scéim réitigh arna ghlacadh ag BRA – Cinneadh formheasa ón gCoimisiún – Easpa cúraim dhírigh – Do-ghlacthacht)
Teanga an cháis: an Béarla
Páirtithe
Iarratasóir: Sberbank of Russia PAO (Moscó, an Rúis) (ionadaithe: D. Rovetta, M. Campa, M. Pirovano, M. Moretto agus V. Villante, Dlíodóirí)
Cosantóirí: an Coimisiún Eorpach (ionadaithe: D. Triantafyllou agus A. Nijenhuis, Gníomhairí), an Bord Réitigh Aonair (ionadaithe: K.-P. Wojcik, H. Ehlers, J. Rius Riu agus L. Forestier, Gníomhairí, le cúnamh ó B. Meyring, S. Schelo agus S. Ianc, Dlíodóirí)
Ábhar:
Lena chaingean de bhun Airteagal 263 CFAE, iarrann an t-iarratasóir go gcuirfí, ar an gcéad dul síos, cinneadh SRB/EES/2022/20 ón mBord Réitigh Aonair (BRA) an 1 Márta 2022 maidir le scéim réitigh a ghlacadh i ndáil le Sberbank banka d.d ar neamhní, agus ar an dara dul síos, go gcuirfí tuarascálacha luachála Uimh. 1 agus 2 ó Sberbank banka d.d arna d’ullmhaigh don BRA ar an 27 agus 28 Feabhra 2022 ar neamhní, agus ar an tríú dul síos, go gcuirfí cinneadh (AE) 2022/947 ón gComhairle an 1 Márta 2022 lena bhformhuinítear an scéim réitigh do Sberbank banka d.d. (IO 2022, L 164, lch. 63) ar neamhní.
An chuid oibríochtúil
1. Diúltaítear don chaingean toisc é a bheith do-ghlactha.
2. Ní gá a thuilleadh rialú a thabhairt ar an gcinneadh ar idiragairt ón mBanc Ceannais Eorpach (BCE).
3. Ordaítear do Sberbank of Russia PAO a chostais féin a íoc mar aon leo sin arna dtabhú ag an gCoimisiún Eorpach agus an Bord Réitigh Aonair (BRA), ach amháin na costais a bhaineann leis na hiarratais ar idiragairt.
4. Ordaítear do Sberbank of Russia, an Coimisiún, an BRA agus an BCE a gcostas féin a bhaineann leis na hiarratais ar idiragairt a íoc.
____________
1 IO C 441, 21.11.2022.