Rikors ippreżentat fl-4 ta’ Frar 2014 – Benediktinerabtei St. Bonifaz vs UASI - Andechser Molkerei Scheitz (Genuß für Leib & Seele KLOSTER Andechs SEIT 1455)

(Kawża T-78/14)

Lingwa tar-rikors: il-Ġermaniż

Partijiet

Rikorrenti: Benediktinerabtei St. Bonifaz Köperschaft des öffentlichen Rechts (München, il-Ġermanja) (rappreżentanti: G. Würtenberger u R. Kunze, avukati)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni)

Parti oħra quddiem il-Bord tal-Appell: Andechser Molkerei Scheitz GmbH (Andechs, il-Ġermanja)

Talbiet

tannulla d-deċiżjoni tal-Ewwel Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni), tal-14 ta’ Novembru 2013, fil-Każ R 1272/2012-1 dwar il-proċedimenti ta’ oppożizzjoni Nru B 1 754 228 (Applikazzjoni għal trade mark Komunitarja Nru 9 255 811);

tikkundanna lill-Uffiċċju għal-Armonizzazzjoni fis-Suq Intern (Trade marks u Disinni) għall-ispejjeż.

Motivi u argumenti prinċipali

Applikanti għat-trade mark Komunitarja: ir-rikorrenti

Trade mark Komunitarja kkonċernata: it-trade mark figurattiva li tinkludi l-elment verbali “Genuß für Leib & Seele KLOSTER Andechs SEIT 1455”, għal prodotti fil-klassi 28 (Applikazzjoni għal trade mark Komunitarja Nru 9 255 811)

Proprjetarju tat-trade mark jew tas-sinjal invokat insostenn tal-oppożizzjoni: Andechser Molkerei Scheitz GmbH

Trade mark jew sinjal invokat: it-trade mark figurattiva nazzjonali u t-trade mark figurattiva Komunitarja li jinkludu l-element verbali “ANDECHSER NATUR” u “ANDECHSER NATUR SEIT 1908”, għal prodotti u servizzi fil-klassijiet 29 u 35

Deċiżjoni tad-Diviżjoni tal-Oppożizzjoni: oppożizzjoni milqugħa

Deċiżjoni tal-Bord tal-Appell: appell miċħud

Motivi invokati:

Ksur tal-ewwel sentenza tal-Artikolu 75 tar-Regolament Nru 207/2009;

Ksur tat-tieni sentenza tal-Artikolu 76(1) tar-Regolament Nru 207/2009;

Ksur tat-tieni sentenza tal-Artikolu 75 tar-Regolament Nru 207/2009;

Ksur tal-Artikolu 8(1)(b) tar-Regolament Nru 207/2009.