Caingean arna tabhairt an 26 Feabhra 2024 – CN v an Coimisiún

(Cás T-155/24)

Teanga an cháis: an Fhraincis

Páirtithe

Iarratasóir: CN (ionadaí : N. de Montigny, Dlíodóir)

Cosantóir: An Coimisiún Eorpach

An t-ordú atá á lorg

Iarrann an t-iarratasóir ar an gCúirt Ghinearálta:

cinneadh an údaráis ceapacháin an 8 Bealtaine 2023 (Ares(2023)3230522) lena ndiúltaítear an liúntas dúbailte a dheonú don iarratasóir le haghaidh leanbh cleithiúnach a chur ar neamhní;

an freagra sainráite lena ndiúltaítear don ghearán ar thug an t-údarás ceapacháin fógra ina leith an 29 Samhain 2023 a chur ar neamhní, a mhéid is gá;

a ordú don chosantóir na costais a íoc.

Saincheisteanna dlí agus príomhargóintí

Mar thaca leis an gcaingean, maíonn an t-iarratasóir dhá shaincheist dlí.

An chéad saincheist dlí lena n-éilítear earráid dlí agus sárú ar Airteagal 67(3) de Rialacháin Foirne Oifigigh an Aontais Eorpaigh sa mhéid is gur chuir an t-údarás ceapacháin Airteagal 9-1 den scála Eorpach chun lagú ar shláine fhisiciúil agus shíceolaíoch a mheasúnú i bhfeidhm, in ionad Airteagal 11 den scála sin.

An dara saincheist dlí lena n-éilítear easpa scrúdú nithiúil agus mionsonraithe agus earráid fhollasach mheasúnaithe sa mhéid is go leagann an comhad béim ar ualaí troma a bhaineann le míchumas iníon an iarratasóra.

____________