Sentenza tal-Qorti Ġenerali tas-17 ta’ Marzu 2016 – Mudhook Marketing vs UASI (IPVanish)

(Kawża T-78/15) ¹

[“Trade mark Komunitarja – Applikazzjoni għat-trade mark Komunitarja verbali IPVanish – Raġuni assoluta għal rifjut – Assenza ta’ karattru distintiv – Artikolu 7(1)(b) tar-Regolament (KE) Nru 207/2009”]

Lingwa tal-kawża: l-Ingliż

Partijiet

Rikorrenti: Mudhook Marketing, Inc. (Winter Park, Florida, l-Istati Uniti) (rappreżentanti: H. Eckermann u A. Dellmeier, avukati)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni) (rappreżentant: L. Rampini, aġent)

Suġġett

Rikors ippreżentat kontra d-deċiżjoni tat-Tieni Bord tal-Appell tal-UASI, tal-4 ta’ Diċembru 2014 (Każ R 1417/2014-2), dwar applikazzjoni għar-reġistrazzjoni tas-sinjal verbali IPVanish bħala trade mark Komunitarja.

Dispożittiv

Ir-rikors huwa miċħud.

Mudhook Marketing, Inc. hija kkundannata għall-ispejjeż.

____________

¹     ĠU C 127, 20.4.2015.