Iarraidh ar réamhrialú ón Conseil du contentieux des étrangers (an Bheilg) a taisceadh an 26 Eanáir 2024 – X v Commissaire général aux réfugiés et aux apatrides

(Cás C-55/24, Casablanca) ¹

Teanga an cháis: an Fhraincis

An chúirt a rinne an tarchur

Conseil du Contentieux des Étrangers

Páirtithe sna príomhimeachtaí

Iarratasóir: X

Cosantóir: Commissaire général aux réfugiés et aux apatrides

Na ceisteanna a tharchuirtear:

An gcumhdaítear le raon feidhme Airteagal 43 de Threoir 2013/32/AE ¹ nós imeachta chun iarratas ar chosaint idirnáisiúnta a scrúdú arna dhéanamh ag iarratasóir ag an teorainn nó i gcriosanna idirthurais, ar iarratasóir é atá, le linn an nóis imeachta sin, á choinneáil i suíomh atá suite go geografach ar an gcríoch sin, má tá an nós imeachta sin comhtháthaithe sa téacs i suíomh atá suite ag an teorainn?

An dtagann scrúdú ar iarratas ar chosaint idirnáisiúnta arna chur isteach ag iarratasóir ar ligeadh isteach ar a chríoch é go huathoibríoch agus atá, tar éis an tréimhse ceithre seachtaine dá dtagraítear in Airteagal 43(2) de Threoir 2013/32/AE, fós faoi choinneáil san áit choinnéala céanna, a measadh i dtosach a bheith suite ag an teorainn ach atá aicmithe anois ag na húdaráis mar shuíomh laistigh den chríoch náisiúnta, faoi raon feidhme Airteagal 43 de Threoir 2013/32/AE?

-    An féidir an áit choinneála céanna, faoin nós imeachta céanna maidir le cosaint idirnáisiúnta, a bheith, ar dtús, comhtháthaithe sa téacs i suíomh atá lonnaithe ag an teorainn agus, ansin tar éis don iarratasóir údarú a fháil chun dul isteach sa chríoch sin mar thoradh ar tréimhse ceithre seachtaine a bheith caite, nó de bhun cinneadh chun scrúdú a dhéanamh, a mheas mar shuíomh atá suite laistigh den chríoch náisiúnta?

-    Cén tionchar atá ag coinneáil an iarratasóra san áit chéanna, atá lonnaithe go geografach ar chríoch a measadh i dtosach a bheith lonnaithe ag an teorainn agus arna n-aicmiú ag údaráis na Beilge ina dhiaidh sin mar áit choinneála laistigh den chríoch mar thoradh ar an tréimhse ceithre seachtaine a bheith caite ar inniúlacht ama agus ábhartha an údaráis chinntithigh?

1. An féidir le húdarás cinntitheach, ar thionscain an t-údarás sin scrúdú ar iarratas ar chosaint idirnáisiúnta faoi nós imeachta teorann agus ar cheadaigh sí an tréimhse ceithre seachtaine a leagtar síos in Airteagal 43(2) de Threoir 2013/32/AE chun cinneadh a dhéanamh maidir leis an iarratas sin nó ar ghlac an t-údaras sin cinneadh roimh ré chun scrúdú a dhéanamh, leanúint ar aghaidh leis an scrúdú sin ar bhonn chóir tosaíochta de réir bhrí Airteagal 31(7) den Treoir sin, cé go ndearnadh na gníomhartha imscrúdaithe, agus an t-agallamh pearsanta san áireamh, roimh dhul in éag na tréimhse sin, i gcás ina bhfuil an t-iarratasóir fós, ar bhonn chinneadh údaráis eile, san áit choinneála chéanna, a comhtháthaíodh i dtosach mar áit choinneála a bhí suite ag an teorainn, ar an bhforas gur gá é a choinneáil ‘chun na heilimintí sin ar a bhfuil an t-iarratas ar chosaint idirnáisiúnta bunaithe a chinneadh, ar eilimintí iad nach bhféadfaí a fháil in éagmais coinneála, go háirithe i gcás ina bhfuil baol ann go n-éalóidh an t-iarratasóir?’

2. An féidir le húdarás cinntitheach, ar thionscain an t-údarás sin scrúdú ar iarratas ar chosaint idirnáisiúnta faoi nós imeachta teorann agus ar cheadaigh sí an tréimhse ceithre seachtaine a leagtar síos in Airteagal 43(2) de Threoir 2013/32/AE chun cinneadh a dhéanamh maidir leis an iarratas sin nó ar ghlac an t-údaras sin cinneadh roimh ré chun scrúdú a dhéanamh gan agallamh pearsanta a dhéanamh leis an iarratasóir laistigh den tréimhse sin, leanúint ar aghaidh leis an scrúdú sin, i gcás ina bhfuil an t-iarratasóir fós, ar bhonn chinneadh údaráis eile, san áit choinneála chéanna, a comhtháthaíodh i dtosach mar áit choinneála a bhí suite ag an teorainn, ar an bhforas gur gá é a choinneáil ‘chun na heilimintí sin ar a bhfuil an t-iarratas ar chosaint idirnáisiúnta bunaithe a chinneadh, ar eilimintí iad nach bhféadfaí a fháil in éagmais coinneála, go háirithe i gcás ina bhfuil baol ann go n-éalóidh an t-iarratasóir?’

An bhfuil cur i bhfeidhm rialachán náisiúnta den sórt sin comhoiriúnach le cineál eisceachtúil choinneáil an iarratasóra a eascraíonn as Airteagal 8 de Threoir 2013/33/AE ¹ agus as cuspóir ginearálta Threoir 2013/32?

An gcaithfear Airteagail 31(7) agus (8), agus Airteagaíl 43 agus 46 de Threoir 2013/32 arna léamh i gcomhar le hAirteagal 47 den Chairt ¹ , a léiriú sa chaoi go gcaithfidh an Chomhairle [um Imeachtaí Tearmainn agus Inimirce], agus caingean á héisteacht aici i gcoinne cinnidh arna dhéanamh i nós imeachta arna thionscnamh ag an teorainn, an cheist a ardú as a stuaim féin maidir leis an tréimhse ama ceithre seachtaine a bheith sáraithe?

____________

¹ Le nom de la présente affaire est un nom fictif. Il ne correspond au nom réel d’aucune partie à la procédure.

¹ Treoir 2013/32/AE ó Pharlaimint na hEorpa agus ón gComhairle an 26 Meitheamh 2013, maidir le nósanna imeachta coiteanna chun stádas cosanta idirnáisiúnta a dheonú agus a tharraingt siar (IO 2013 L 180, lch. 60).

¹ Treoir 2013/33/AE ó Pharlaimint na hEorpa agus ón gComhairle an 26 Meitheamh 2013, lena leagtar síos caighdeáin maidir le glacadh iarratasóirí ar chosaint idirnáisiúnta (IO 2013 L 180, lch. 96).

¹ Cairt um Chearta Bunúsacha an Aontais Eorpaigh.