Iarraidh ar réamhrialú ó Landgericht Düsseldorf (an Ghearmáin) a taisceadh an 25 Bealtaine 2023 - Verbraucherzentrale Baden-Württemberg e.V. v Aldi Süd Dienstleistungs-SE & Co. OHG
(Cás C-330/23, Aldi Süd)
Teanga an cháis: an Ghearmáinis
An chúirt a rinne an tarchur
Landgericht Düsseldorf
Páirtithe sna himeachtaí
Iarratasóir: Verbraucherzentrale Baden-Württemberg e.V.
Cosantóir: Aldi Süd Dienstleistungs-SE & Co. OHG
Na ceisteanna a tharchuirtear:
An gcaithfear Airteagal 6a(1) agus (2) den Treoir maidir le praghsanna a chur in iúl 1 a léiriú sa chaoi nach mór céatadán a luaitear i bhfógra maidir le lascaine a bheith ag tagairt do phraghas a bhí ann roimhe sin de réir bhrí Airteagal 6a(2) den Treoir maidir le praghsanna a chur in iúl?
An gcaithfear Airteagal 6a(1) agus (2) den Treoir maidir le praghsanna táirgí a chur in iúl a léiriú amhail, i gcás go leagtar béim ar thairiscint maidir le praghas fabhrach (amhail cur síos ar phraghas mar “praghas suntasach”) i bhfógra maidir le laghdú ar an bpraghas, an gcaithfear tagairt don phraghas roimhe sin de réir bhrí Airteagal 6a(2) den Treoir maidir le praghsanna a chur in iúl?
____________
1 Treoir 98/6/CE ó Pharlaimint na hEorpa agus ón gComhairle an 16 Feabhra 1998 maidir le cosaint tomhaltóirí ó thaobh praghsanna táirgí a thairgtear do thomhaltóirí a chur in iúl (IO 1998 L 80, lch. 27), arna leasú go deireanach le Treoir (AE) 2019/2161 ó Pharlaimint na hEorpa agus ón gComhairle an 27 Samhain 2019 lena leasaítear Treoir 93/13/CEE ón gComhairle agus Treoracha 98/6/CE, 2005/29/CE agus 2011/83/AE ó Pharlaimint na hEorpa agus ón gComhairle i ndáil le forfheidhmiú níos fearr agus nuachóiriú rialacha an Aontais maidir le cosaint tomhaltóirí (IO 2019 L 328, lch. 7).