Rikors ippreżentat fit-12 ta' Frar 2013 - FTI Touristik vs UASI (BigXtra)
(Kawża T-81/13)
Lingwa tal-kawża: il-Ġermaniż
Partijiet
Rikorrenti: FTI Touristik GmbH (München, il-Ġermanja) (rappreżentant: A. Parr, avukat)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Talbiet
tannulla d-deċiżjoni tal-Ewwel Bord tal-Appell tal-Uffiċċju għall-Armonizzazzjoni fis-Suq Intern (Uffiċċju għall-Armonizzazzjoni fis-Suq Intern), tad-29 ta' Novembru 2012, fil-Każ R 2521/2011-1;
tikkundanna lill-konvenut għall-ispejjeż.
Motivi u argumenti prinċipali
Trade mark Komunitarja kkonċernata: it-trade mark verbali "BigXtra" għal prodotti u servizzi fil-klassijiet 16, 35, 39, 41, 42 u 43 - Applikazzjoni għal trade mark Komunitarja Nru 9 925 868
Deċiżjoni tal-eżaminatur: applikazzjoni miċħuda
Deċiżjoni tal-Bord tal-Appell: appell miċħud
Motivi invokati: ksur tal-Artikolu 7(1)(b) tar-Regolament Nru 207/2009.
____________