Sentenza tal-Qorti Ġenerali tal-14 ta' Diċembru 2011 - Häfele vs UASI (Mixfront)
(Kawża T-425/10)
["Trade mark Komunitarja - Applikazzjoni għat-trade mark Komunitarja verbali Mixfront - Raġuni assoluta għal rifjut - Karattru desrittiv - Artikolu 7(1)(c) tar-Regolament (KE) Nru 207/2009"]
Lingwa tal-kawża: il-Ġermaniż
Partijiet
Rikorrenti: Häfele GmbH & Co. KG (Nagold, il-Ġermanja) (rappreżentanti: M. Eck u J. Dönch, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni) (rappreżentanti: inizjalment S. Schäffner, sussegwentement R. Manea, u fl-aħħar nett A. Pohlmann, aġenti)
Suġġett
Rikors ippreżentat kontra d-deċiżjoni tal-Ewwel Bord tal-Appell tal-UASI, tat-30 ta' Ġunju 2010 (Każ R 338/2010-1), li jikkonċerna applikazzjoni għar-reġistrazzjoni tas-sinjal verbali Mixfront bħala trade mark Komunitarja.
Dispożittiv
Ir-rikors huwa miċħud.
Häfele GmbH & Co. KG hija kkundannata għall-ispejjeż.
____________1 - ĠU C 317, 20.11.2010.