Digriet tal-President tal-Qorti Ġenerali tal-15 ta’ Diċembru 2023 – Shopper Union France u Azalbert vs Il-Kummissjoni
(Kawża T-1071/23 R)
(“Proċeduri għal miżuri provviżorji – Aċċess għal dokumenti – Regolament (KE) Nru 1049/2001 – Kuntratti għall-akkwist ta’ vaċċin kontra l-COVID-19 – Rifjut ta’ aċċess – Talba għal miżuri provviżorji – Nuqqas ta’ urġenza”)
Lingwa tal-kawża: il-Franċiż
Partijiet
Rikorrenti: Shopper Union France (Pariġi, Franza), Xavier Azalbert (Garches, Franza) (rappreżentant: D. Protat, avukata)
Konvenut: Il-Kummissjoni Ewropea (rappreżentanti: M. Burón Pérez, S. Ciubotaru u F. van Schaik, aġenti)
Suġġett
Permezz tat-talba tagħhom ibbażata fuq l-Artikoli 278 u 279 TFUE, ir-rikorrenti jitolbu li l-Kummissjoni Ewropea tiġi ordnata, bħala miżuri provviżorji, tippubblika fuq is-sit tal-internet tagħha l-verżjonijiet mhux redatti tal-kuntratti kollha għall-akkwist ta’ vaċċin kontra l-COVID-19 konklużi bejnha u tliet kumpanniji farmaċewtiċi, jiġifieri fil-verżjoni sħiħa tagħhom mingħajr ebda tiswid tal-kontenut, taħt piena ta’ EUR 100 000 għal kull jum ta’ dewmien min-notifika lill-partijiet tad-deċiżjoni li għandha tingħata.
Dispożittiv
It-talba għal miżuri provviżorji hija miċħuda.
L-ispejjeż huma rriżervati.
____________