Digriet tal-Qorti Ġenerali tad-19 ta' Frar 2013 - Beninca vs Il-Kummissjoni
(Kawża T-418/12)
["Aċċess għal dokumenti - Regolament (KE) Nru 1049/2001 - Rifjut impliċitu ta' aċċess - Interess ġuridiku - Deċiżjoni espliċita adottata wara l-preżentata tar-rikors - Ma hemmx lok li tingħata deċiżjoni"]
Lingwa tal-kawża: l-Ingliż
Partijiet
Rikorrenti: Jürgen Beninca (Frankfurt am Main, il-Ġermanja) (rappreżentant: C. Zschocke, avukat)
Konvenuta: Il-Kummissjoni Ewropea (rappreżentant: F. Clotuche-Duvieusart, aġent)
Suġġett
Talba għall-annullament tad-deċiżjoni impliċita tal-Kummissjoni, tas-27 ta' Lulju 2012, li tirrifjuta li tagħti aċċess għal dokument.
Dispożittiv
Ma hemmx iktar lok li tingħata deċiżjoni dwar dan ir-rikors.
Il-Kummissjoni Ewropea għandha tbati l-ispejjeż tagħha kif ukoll dawk sostnuti minn Jürgen Beninca.
____________1 - ĠU C 366, 24.11.2012.