Caingean arna tabhairt an 7 Lúnasa 2023 – Lidl Digital International v EUIPO –Ningbo Hanyuan Lighting (Lampaí)
(Cás T-471/23)
Teanga inar taisceadh an t-iarratas: an Ghearmáinis
Páirtithe
Iarratasóir: Lidl Digital International GmbH & Co. KG (Neckarsulm, an Ghearmáin) (ionadaithe: T. Dolde agus C. Zimmer, Dlíodóirí)
Cosantóir: Oifig Maoine Intleachtúla an Aontais Eorpaigh (EUIPO)
Páirtí eile sna himeachtaí os comhair an Bhoird Achomhairc: Ningbo Hanyuan Lighting Co. Ltd (Ningbo, an tSín)
Sonraí na n-imeachtaí os comhair EUIPO
Dílseánach an dearaidh atá faoi cheist: Páirtí eile sna himeachtaí os comhair an Bhoird Achomhairc
Dearadh atá faoi cheist: Dearadh Comhphobail (Lampaí) — Dearadh Comhphobail Uimh. 5647708-0010
Nós imeachta os comhair EUIPO: Imeachtaí cealaithe
An cinneadh atá faoi chonspóid: Cinneadh ón Tríú Bord Achomhairc de EUIPO an 26 Meitheamh 2023 i gCás R 599/2022-3
An t-ordú atá á lorg
Iarrann an t-iarratasóir ar an gCúirt Ghinearálta:
an cinneadh atá faoi chonspóid a chur ar neamhní;
a ordú do EUIPO costais na n-imeachtaí seo agus costais na n-imeachtaí os comhair an Bhoird Achomhairc a íoc.
Saincheisteanna dlí
Sárú ar Airteagal 7(1), in éineacht le hAirteagal 65(1)(c), de Rialachán (CE) Uimh. 6/2002 ón gComhairle.
____________