Caingean arna tabhairt an 6 Deireadh Fómhair 2022 – RS v BEI
(Cás T-624/22)
Teanga an cháis: an Béarla
Páirtithe
Iarratasóir: RS (ionadaí: B. Maréchal, Dlíodóir)
Cosantóir: An Banc Eorpach Infheistíochta
An t-ordú atá á lorg
Iarrann an t-iarratasóir ar an gCúirt Ghinearálta:
Go gcuirfear ar neamhní an Cinneadh ón mBanc Eorpach Infheistíochta (“BEI”) le dáta sonraithe, leis an ábhar “Gan conradh ar théarma seasta a thiontú” lena ndiúltaítear argóintí a cuireadh isteach thar ceann an iarratasóra chun a chonradh fostaíochta a thiontú, (ii) Cinneadh BEI lena gcuirtear in iúl don iarratasóir go ndéanfaidh a fhostaíocht leis an mBanc Eorpach Infheistíochta a fhoirceannadh ar dháta sonraithe, agus (iii) Cinneadh BEI, arna eisiúint ar dháta sonraithe, lena ndiúltaítear d’iarraidh an iarratasóra athbhreithnithe riaracháin lena ndéantar díospóid faoin (1°) gcinneadh gan conradh fostaíochta an iarratasóra a thiontú ó théarma seasta go conradh fostaíochta ar théarma éiginnte le BEI, agus (2°) ag séanadh sáruithe gaolmhara ag BEI ar chearta bunúsacha an iarratasóra (na “Cinntí atá faoi dhíospóid”);
Mar mhalairt air sin, na cinntí atá faoi dhíospóid a leasú; chomh maith le
Cúiteamh a íoc as an damáiste ábhartha a d’fhulaing nó a bheidh le fulaingt ag an iarratasóir mar thoradh ar na Cinntí atá faoi dhíospóid gan conradh fostaíochta an iarratasóra a thiontú, arb ionann é agus EUR 193 882.98, lena n-áirítear caillteanas tuarastail, difríocht préimheanna árachais sláinte agus caillteanas aisíocaíochta teaghlaigh chomh maith le caillteanas pinsin;
Cúiteamh a íoc as an sárú ar phríobháideacht agus ar chearta cosanta sonraí an iarratasóra, ar a cheart chun dea-riaracháin agus ar a cheart chun leigheas éifeachtach agus chun triail chóir a fháil arb ionann é agus EUR 20 000;
Cúiteamh a íoc as an dochar morálta agus an crá a d'fhulaing an t-iarratasóir, arb ionann é agus EUR 20 000 é;
Cúiteamh a íoc as costais arna dtabhaíodh mar thoradh ar iompar neamhdhleathach, gníomhaíochtaí agus neamhghníomhaíochtaí BEI agus a d’fhulaing an t-iarratasóir ar bhonn sealadach ar mhéid EUR 20 000 (CBL san áireamh);
A ordú don chosantóir na costais dlí a bhaineann leis na himeachtaí reatha a íoc arb ionann é agus suim shealadach EUR 15 000.
Saincheisteanna dlí agus príomhargóintí
Mar thaca leis an gcaingean, maíonn an t-iarratasóir na saincheisteanna dlí seo a leanas.
An chéad saincheist dlí lena n-éilítear go bhfuil na cúiseanna a líomhnaítear maidir leis an gcinneadh gan tiontú a dhéanamh ar chonradh a d’fhéadfadh a bheith ann mar thoradh ar shárú a suíodh go hoibiachtúil ar an gceart chun rúndachta, ar cheart chun príobháideachta agus ar chearta cosanta sonraí an iarratasóra.
An dara saincheist dlí lena n-éilítear go bhfuil coinbhleachtaí leasa agus claontacht na nósanna imeachta a úsáidtear chun údar a thabhairt leis na cinntí a bhaineann le leis an gcinneadh gan tiontú a dhéanamh ar chonradh fostaíochta an iarratasóra agus leis an sárú ar chearta cosanta an iarratasóra dá bharr sin.
An tríú saincheist dlí lena n-éilítear go bhfuil easpa spreagtha tromchúiseach ann agus carachtar díréireach na gCinntí atá faoi dhíospóid ann gan conradh fostaíochta an iarratasóra a thiontú leis an gcosantóir agus sáruithe gaolmhara ábhartha ar chearta an iarratasóra.
An ceathrú saincheist dlí lena n-éilítear sárú a suíodh go hoibiachtúil ar cheart an iarratasóra chun dea-riaracháin, lena n-áirítear an ceart chun éisteacht a fháil (Airteagal 41(2)(a) de Chairt um Chearta Bunúsacha an Aontais Eorpaigh (“Cairt an Aontais”), an ceart chun rochtain a fháil ar a chomhad nó a comhad agus, mar thoradh air sin, a bheith ar an eolas go spontáineach agus go tráthúil maidir le dul chun cinn agus/nó toradh aon nós imeachta institiúideach a raibh baint aige nó aici (Airteagal 41(2)(b) de Chairt an Aontais Eorpaigh), agus an ceart a ghnóthaí nó a gnóthaí a láimhseáil go neamhchlaonta agus laistigh de thréimhse réasúnta (Airteagal 41(1) de Chairt an Aontais).
____________