Achomharc arna thabhairt an 14 Nollaig 2023 ag an gCoimisiún Eorpach i gcoinne bhreithiúnas na Cúirte Ginearálta (an tOchtú Dlísheomra) a tugadh an 27 Meán Fómhair 2023 i gCás T-253/15, Sociedad General de Aguas de Barcelona v an Coimisiún

(Cás C-778/23 P)

Teanga an cháis: an Spáinnis

Páirtithe

Achomharcóir: an Coimisiún Eorpach (ionadaithe: B. Stromsky, C. Urraca Caviedes agus P. Němečková, Gníomhairí)

Páirtí eile sna himeachtaí: Sociedad General de Aguas de Barcelona, SA

An t-ordú atá á lorg

Iarrann an t-achomharcóir ar an gCúirt:

an breithiúnas faoi achomharc a tugadh an 27 Meán Fómhair 2023 i gCás T-826/14, Sociedad General de Aguas de Barcelona v an Coimisiún Eorpach (T-253/15, EU:T:2023:585) a chur ar neamhní;

na caingne le haghaidh neamhniú i gCás T-253/15 (Aguas de Barcelona v an Coimisiún) a dhíbhe;

a ordú do na cosantóirí ag an gcéad chéim a gcostais féin agus costais an Choimisiúin Eorpaigh ag an gcéad chéim agus san achomharc seo araon a íoc.

Saincheisteanna dlí agus príomhargóintí

Ardaíonn an t-achomharcóir trí fhoras achomhairc agus maíonn sé go ndearna an Chúirt Ghinearálta na hearráidí dlí seo a leanas:

Earráid dlí maidir le raon feidhme na gcinntí tosaigh, gan an fhaisnéis arna soláthar ag an mBallstát a chur san áireamh (an chéad fhoras achomhairc),

Earráid dlí maidir le fiúntas cleachtais riaracháin cheangailtigh, le rialú nach bhféadfaí cur le raon feidhme scéim cúnaimh (an dara foras achomhairc), agus,

Earráid dlí maidir leis an léiriú ar phrionsabal an ionchais dhlisteanaigh i ndáil leis an scéim cúnaimh agus lena chur i bhfeidhm (an tríú foras achomhairc).

____________