Rikors ippreżentat fid-19 ta' Mejju 2009 - Matkompaniet vs UASI - DF World of Spices (KATOZ)
(Kawża T-195/09)
Lingwa tar-rikors: L-Ingliż
Partijiet
Rikorrenti: Matkompaniet AB (Borås, l-Isveżja) (rappreżentanti: J. Gulliksson u J. Olsson, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord tal-Appell: DF World of Spices GmbH (Dissen, il-Ġermanja)
Talbiet tar-rikorrenti
tannulla d-deċiżjoni tat-Tieni Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tal-11 ta' Marzu 2009 fil-Każ R 577/2007-2; u
tordna lill-konvenut ibati l-ispejjeż sostnuti kemm fil-kuntest tal-proċeduri quddiem il-Qorti tal-Prim'Istanza kif ukoll quddiem l-UASI.
Motivi u argumenti prinċipali
Applikant għat-trade mark Komunitarja: Ir-rikorrenti
Trade mark Komunitarja kkonċernata: It-trade mark figurattiva "KATOZ" għal prodotti fil-klassijiet 29, 30 u 31
Proprjetarju tat-trade mark jew tas-sinjal invokat insostenn tal-oppożizzjoni: Il-parti l-oħra quddiem il-Bord tal-Appell
Trade mark jew sinjal invokat insostenn tal-oppożizzjoni: Ir-reġistrazzjoni Ġermaniża tat-trade mark figurattiva "KATTUS" għal prodotti fil-klassijiet 29, 30, 31 u 33
Deċiżjoni tad-Diviżjoni tal-Oppożizzjoni: Oppożizzjoni miċħuda
Deċiżjoni tal-Bord tal-Appell: Appell milqugħ u applikazzjoni għal trade mark Komunitarja parzjalment miċħuda
Motivi invokati: Ksur tal-Artikolu 8(1)(b) tar-Regolament tal-Kunsill 207/2009 peress li l-Bord tal-Appell ikkonkluda b'mod zbaljat li kien hemm probabbiltà ta' konfużjoni bejn it-trade marks ikkonċernati.
____________