Rikors ippreżentat fit-8 ta' Diċembru 2009 - PhysioNova vs UASI - Flex Equipos de Descanso (FLEX)
(Kawża T-501/09)
Lingwa tal-kawża: Il-Ġermaniż
Partijiet
Rikorrenti: PhysioNova GmbH (Erlangen, Il-Ġermanja) (rappreżentant: J. Klink, avukat)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord tal-Appell: Flex Equipos de Descanso, SA (Madrid, Spanja)
Talbiet tar-rikorrenti
tannulla d-deċiżjoni tal-Ewwel Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni), tat-30 ta' Settembru 2009, fil-Każ R 1/2009-1;
temenda d-deċiżjoni kkontestata tal-Ewwel Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni), tat-30 ta' Settembru 2009, fil-Każ R 1/2009-1, sa fejn tiġi annullata d-deċiżjoni tad-Diviżjoni tal-Kanċellament, tas-27 ta' Ottubru 2008, fil-Każ 2237 C;
tikkundanna lill-Uffiċċju għall-Armonizzazzjoni fis-Suq Intern (Trade marks u Disinni) għall-ispejjeż tal-proċedimenti inklużi dawk inkorsi fil-proċedimenti tal-appell.
Motivi u argumenti prinċipali
Trade mark Komunitarja rreġistrata li hija s-suġġett tat-talba għal dikjarazzjoni ta' invalidità: it-trade mark figurattiva Komunitarja "FLEX" Nru 2 275 220 għal prodotti u servizzi fil-klassijiet 6, 10, 17 u 20
Proprjetarju tat-trade mark Komunitarja: Flex Equipos de Descanso, SA
Parti li qed titlob id-dikjarazzjoni ta' invalidità tat-trade mark Komunitarja: ir-rikorrenti
Trade mark tal-parti li qed titlob id-dikjarazzjoni ta' invalidità: it-trade mark Ġermaniża Nru 39 903 314 "PhysioFlex" u t-trade mark Ġermaniża Nru 39 644 431 "Rotoflex"
Deċiżjoni tad-Diviżjoni tal-Kanċellazzjoni: talba għal dikjarazzjoni ta' invalidità miċħuda
Deċiżjoni tal-Bord tal-Appell: appell miċħud
Motivi invokati: ksur kontra l-Artikolu 8(1)(b) Nru 207/2009
1, peress li hemm probabbiltà ta' konfużjoni bejn it-trade marks kunfliġġenti
____________1 - Regolament tal-Kunsill (KE) Nru 207/2009, tas-26 ta' Frar 2009, dwar it-trade mark Komunitarja (ĠU L 2009, L 78, p. 1)