Rikors ippreżentat fit-22 ta' Awwissu 2012 - Spa Monopole vs UASI - Olivar Del Desierto (OLEOSPA)

(Kawża T-377/12)

Lingwa tar-rikors: il-Franċiż

Partijiet

Rikorrenti: Spa Monopole, compagnie fermière de Spa SA/NV (Spa, il-Belġju) (rappreżentanti: L. De Brouwer, E. Cornu u É. De Gryse, avukati)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni)

Parti oħra quddiem il-Bord tal-Appell: Olivar Del Desierto, SL (Almería, Spanja)

Talbiet tar-rikorrenti

tannulla d-deċiżjoni tar-Raba' Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni), tat-22 ta' Ġunju 2012, fil-Każ R 135/2011-4;

tikkundanna lill-konvenut għall-ispejjeż.

Motivi u argumenti prinċipali

Applikant għat-trade mark Komunitarja: Olivar Del Desierto, SL.

Trade mark Komunitarja kkonċernata: it-trade mark figurattiva li tinkludi l-element verbali "OLEOSPA" għal prodotti u servizzi fil-klassijiet 3, 35 u 39 - Applikazzjoni għar-reġistrazzjoni Nru 7 268 832.

Proprjetarju tat-trade mark jew tas-sinjal invokat insostenn tal-oppożizzjoni: ir-rikorrenti.

Trade mark jew sinjal invokat: it-trade marks verbali tal-Benelux "SPA" għal prodotti fil-klassijiet 3 u 32.

Deċiżjoni tad-Diviżjoni tal-Oppożizzjoni: oppożizzjoni milqugħa.

Deċiżjoni tal-Bord tal-Appell: appell milqugħ u oppożizzjoni miċħuda.

Motivi invokati:

- Ksur tal-Artikolu 8(1)(b) tar-Regolament Nru 207/2009;

- Ksur tal-Artikolu 8(5) tar-Regolament Nru 207/2009.

____________