Caingean arna tabhairt an 22 Eanáir 2024 – CB v an Coimisiún

(Cás T-37/24)

Teanga an cháis: an Fhraincis

Páirtithe

Iarratasóir: BC (ionadaithe: N. de Montigny, Dlíodóir)

Cosantóir: an Coimisiún Eorpach

An t-ordú atá á lorg

Iarrann an t-iarratasóir ar an gCúirt Ghinearálta:

cinneadh EPSO an 12 Bealtaine 2023 lena ndeimhnítear an cinneadh gan an t-iarratasóir a bheith ar an liosta ionadaithe de chomórtas EPSO/AST/150/21-3 a chur ar neamhní;

a dhearbhú agus a ordú gur mhainnigh an cosantóir a oibleagáidí a chomhlíonadh maidir le trédhearcacht agus comhlíonadh na rialacha cosanta sonraí;

a ordú don chosantóir na costais go léir a íoc.

Saincheisteanna dlí agus príomhargóintí

Mar thaca leis an gcaingean, maíonn an t-iarratasóir ceithre shaincheist dlí.

An chéad saincheist dlí lena n-éilítear neamhdhleathacht na tástála praiticiúla cáis mar gheall ar fhadhbanna teicniúla a bheith ann a théann i bhfeidhm ar scrúdú an iarratasóra.

An dara saincheist dlí lena n-éilítear easpa trédhearcachta maidir leis na modhanna measúnaithe, an measúnú neamhdhleathach ar an iarratasóir trí intleacht shaorga, éiginnteacht dhlíthiúil agus ráiteas neamhleor ar chúiseanna.

An tríú saincheist dlí lena n-éilítear sárú ar phrionsabal na córa comhionainne agus sárú ar phrionsabal chobhsaíocht an bhoird roghnúcháin.

An ceathrú saincheist dlí lena n-éilítear easpa trédhearcachta maidir le comhlíonadh na reachtaíochta Eorpaí lena gcosnaítear sonraí pearsanta.

____________