Iarraidh ar réamhrialú ó Oberlandesgerichts Düsseldorf (an Ghearmáin) a taisceadh an 6 Deireadh Fómhair 2023 – Verbraucherzentrale Berlin eV v Vodafone GmbH
(Cás C-612/23, Verbraucherzentrale Berlin)
Teanga an cháis: an Ghearmáinis
An chúirt a rinne an tarchur
Oberlandesgericht Düsseldorf
Páirtithe sna príomhimeachtaí
Iarratasóir, achomharcóir agus freagróir: Verbraucherzentrale Berlin eV
Cosantóir, achomharcóir agus freagróir: Vodafone GmbH
An cheist a tharchuirtear:
An í an t-aon tuiscint atá le baint amach as ‘tréimhse gealltanais tosaigh’ 1 ná téarma an chonartha thosaigh nó téarma conartha athnuachana atá bunaithe ar dhearbhuithe intinne reatha chomh maith, ar tugadh i gcrích agus ar cuireadh i bhfeidhm i bhfad roimh dhul in éag an chonartha tosaigh, i gcás ina bhfuil a malairt de chomaoin idir an t-oibreoir agus an custaiméir sa chonradh athnuachana agus sa chonradh tosaigh?
____________
1 De réir bhrí Airteagal 30(5) de Threoir 2002/22/CE ó Pharlaimint na hEorpa agus ón gComhairle an 7 Márta 2002 maidir le seirbhís uilíoch agus cearta úsáideoirí i dtaca le líonraí agus seirbhísí leictreonacha cumarsáide (an Treoir um Sheirbhís Uilíoch) (IO l. 2022, L 108, lch. 51) sa leagan arna leasú le hAirteagal 1(21) de Threoir 2009/136/CE ó Pharlaimint na hEorpa agus ón gComhairle an 25 Samhain 2009 lena leasaítear Treoir 2002/22/CE maidir le seirbhís uilíoch agus cearta úsáideoirí a bhaineann le líonraí agus seirbhísí cumarsáide leictreonaí, Treoir 2002/58/CE ó Pharlaimint na hEorpa agus ón gComhairle maidir le sonraí pearsanta a phróiseáil agus maidir le príobháideachas a chosaint san earnáil cumarsáide leictreonaí agus Rialachán (CE) Uimh. 2006/2004 maidir le comhar idir na húdaráis náisiúnta atá freagrach as dlíthe cosanta tomhaltóirí a fhorfheidhmiú (IO 2009 L 337, lch. 11).