Rikors ippreżentat fl-1 ta’ Novembru 2016 – Pilla vs Il-Kummissjoni u EACEA

(Kawża T-784/16)

Lingwa tal-kawża: it-Taljan

Partijiet

Rikorrent: Rinaldo Pilla (Venafro, l-Italja) (rappreżentant: A. Silvestri, avukat)

Konvenuti: Il-Kummissjoni Ewropea, L-Aġenzija Eżekuttiva għall-Edukazzjoni, l-Awdjoviżiv u l-Kultura

Talbiet tar-rikorrenti

Sospensjoni minn qabel tal-għażla pendenti, annullament fl-intier tagħha tal-miżura ta’ eskluzjoni ta’ Rinaldo Pilla, bid-data tat-2 ta’ Settembru 2016, tal-Kummissjoni Ewropea – Direttorat Ġenerali għall-edukazzjoni u kultura, Ref. Ares 2016 4930111, mill-parteċipazzjoni fil-proġett ta’ finanzjament, għall-ksur gravi tal-liġi, u, f’nuqqas ta’ dan l-annullament tal-għażla fl-intier tagħha billi illeġittima għal żball ta’ liġi.

Fil-possibbiltà miċħuda ta’ nuqqas ta’ dikjarazzjoni ta’ kapaċità tal-kandidat Rinaldo Pilla, tikkundanna l-konvenuti għal kumpens ta’ danni favur ir-rikorrent minħabba telf ta’ opportunità li ġej mill-esklużjoni mhux ġustifikata u immotivata mill-proġett ta’ finanzjament Ewropew, preliminarjament għal EUR 1,050.000 u sussidjarjament għal EUR 400,000.

Motivi u argumenti prinċipali

Dan ir-rikors imur kontra l-miżura ta’ esklużjoni tar-rikorrent mill-għażla għall-parteċipazzjoni fil-finanzjament Ewropew [Call for proposals EAC/S05/2016, Support for a preparatory action to create an EU Festival Award and an EU Festival Label in the field of Culture: EFFE (Europe for Festivals – Festivals for Europe)].

Insostenn tar-rikors tiegħu, ir-rikorrent jinvoka żewġ motivi.

L-ewwel motiv ibbażat fuq ksur gravi tal-liġi relatata mat-Titlu I tal-Anness għar-Rakkomandazzjoni 2003/361/KE tal-Kummissjoni Ewropea tas-6 ta’ Mejju 2013, kif ukoll tal-punt 28 tal-Artikolu 2 tar-Regolament (UE) Nru 1303/2013 tal-Parlament Ewropew u tal-Kunsill, tas-17 ta’ Diċembru 2013, li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament tal-Kunsill (KE) Nru 1083/2006 (ĠU 2013 L 347 p. 320) u l-Previżjoni tal-Kunsill, tas-17 ta’ Diċembru 2013, kif ukoll tal-Artikolu 1 paragrafu 821 tal-Liġi ta’ Stabbiltà 2016.

Insostenn tal-ewwel motiv tar-rikors ir-rikorrent jargumenta li l-professjonist liberu, anki mhux irreġistrat ma’ assoċjazzjoni professjonali, huma ekwiparat għall-intrapriża indipendentement mill-forma legali koperta, għall-finijiet tal-aċċess għall-fondi strutturali. Il-professjonisti liberi jistgħu jaċċedu għall-fondi għar-riċerka xjentifika u l-innovazzjoni kulturali u l-innovazzjoni industrijali. Il-miżura kkontestata, ir-rikorrent isostni, ma ħaditx inkunsiderazzjoni li l-Liġi tal-Istabbiltà 2016, li tittrasponi Rakkomandazzjoni Ewropea tal-2013, iċċarat definitivament li l-professjonisti huma ekwiparati għall-intrapriża. Ir-rikorrent, professjonista liberu, għandu jiġi kkunsidrat kandidat kapaċi inkwantu professjonist liberu proprjetarju tal-Partit IVA.

It-tieni motiv li jallega l-mistoqsija tal-kumpens għad-dannu.

Wieħed jargumenta f’dan ir-rigward li l-esklużjoni tar-rikorrent mill-għażla ddeterminat dannu gravi lill-istess inkwantu ma jistax iqiegħed lilu nnifsu fid-dubju li n-nuqqas ta’ inklużjoni fl-għażla tal-proġett “VENAFRO EUROPEAN FESTIVAL OF LITERATURE” jġib miegħu telf evidenti tal-għażla li l-valutazzjoni tiegħu għandha sseħħ fuq bażijiet ekwitabbli filwaqt li tittieħed inkunsiderazzjoni n-natura u l-entità tal-istess proġett u l-valutazzjoni tiegħu, preliminarjament, tista’ tkun ekwiparata mal-valur tal-istess finanzjament.

____________