Digriet tal-Qorti Ġenerali (It-Tieni Awla) tas-6 ta’ Mejju 2014 — Unión de Almacenistas de Hierros de España vs Il-Kummissjoni
(Kawża T‑419/13)
“Aċċess għal dokumenti — Regolament (KE) Nru 1049/2001 — Dokumenti li jikkonċernaw żewġ proċeduri Spanjoli fil-qasam tal-kompetizzjoni — Rifjut impliċitu ta’ aċċess — Deċiżjoni espliċita adottata wara l-preżentata tar-rikors — Ma hemmx lok li tingħata deċiżjoni”
1. Rikors għal annullament — Atti li jistgħu jiġu kkontestati — Kunċett — Atti li jipproduċu effetti legali vinkolanti — Silenzju jew nuqqas ta’ azzjoni minn istituzzjoni — Xebh ma’ deċiżjoni impliċita ta’ ċaħda — Esklużjoni — Limiti — Assenza ta’ risposta għal talba konfermattiva fit-terminu mogħti (Artikolu 263 TFUE; Regolament tal-Parlament Ewropew u tal-Kunsill Nru 1049/2001, Artikolu 8(2) u (3)) (ara l-punti 21, 24)
2. Rikors għal annullament — Persuni fiżiċi jew ġuridiċi — Interess ġuridiku — Rikors indirizzat kontra deċiżjoni impliċita ta’ ċaħda tal-Kummissjoni fir-rigward ta’ talba ta’ aċċess għad-dokumenti — Deċiżjoni li fil-mori tal-kawża ġiet issostitwita minn deċiżjoni espliċita — Tmiem tal-interess ġuridiku (Artikolu 263 TFUE; Regolament tal-Parlament Ewropew u tal-Kunsill Nru 1049/2001, Artikolu 8(3)) (ara l-punti 28, 29, 32)
Suġġett
| Talba għal annullament tad-deċiżjoni impliċita tal-Kummissjoni li tirrifjuta li tagħti lir-rikorrenti l-aċċess għal ċerti dokumenti dwar il-korrispondnza skambjata bejn il-Kummissjoni u l-Comisión Nacional de la Competencia (CNC, kummissjoni nazzjonali tal-kompetizzjoni Spanjola), fir-rigward ta’ żewġ proċeduri nazzjonali mressqa minn din tal-aħħar. |
Dispożittiv
1) | | Ma hemmx iżjed lok li tingħata deċiżjoni fuq ir-rikors. |
2) | | Ma hemmx iżjed lok li tingħata deċiżjoni fuq it-talbiet għal intervent. |
3) | | Il-Kummissjoni Ewropea hija kkundannata tbati l-ispejjeż tagħha kif ukoll dawk tal-Unión de Almacenistas de Hierros de España. |
4) | | Ir-Repubblika Federali tal-Ġermanja u r-Renju ta’ Spanja għandhom ibatu l-ispejjeż rispettivi tagħhom. |