Digriet tal-Qorti Ġenerali tal-10 ta’ April 2024 – Biogen Netherlands vs Il-Kummissjoni
(Kawża T-279/22) 1
(“Rikors għal annullament – Saħħa pubblika – Prodotti mediċinali għall-użu mill-bniedem – Deċiżjoni li jiġi awtorizzat it-tqegħid fis-suq tad-Dimethyl fumarate Mylan - dimetilfumarat – Tħassir tad-deċiżjoni kkontestata – Għajbien tal-iskop tat-tilwima – Ma hemmx lok li tingħata deċiżjoni”)
Lingwa tal-kawża: l-Ingliż
Partijiet
Rikorrent: Biogen Netherlands BV (Amsterdam, il-Pajjiżi l-Baxxi) (rappreżentant: C. Schoonderbeek, avukati)
Konvenut: Il-Kummissjoni Ewropea (rappreżentanti: K. Mifsud-Bonnici, A. Sipos u E. Mathieu, aġenti)
Intervenjent insostenn tal-kovenut: Mylan Ireland Ltd (Dublin, l-Irlanda) (rappreżentant: C. Dekoninck, avukat)
Suġġett
Permezz tar-rikors tagħha bbażat fuq l-Artikolu 263 TFUE, ir-rikorrenti titlob l-annullament tad-Deċiżjoni ta’ Implimentazzjoni tal-Kummissjoni C(2022) 3252 final tat-13 ta’ Mejju 2022 li tawtorizza t-tqegħid fis-suq taħt ir-Regolament (KE) Nru 726/2004 tal-Parlament Ewropew u tal-Kunsill tad-Dimethyl Fumarate Mylan – dimethyl fumarate bħala prodott mediċinali għall-użu mill-bniedem.
Dispożittiv
Ma għadx hemmx lok li tingħata deċiżjoni dwar ir-rikors.
Biogen Netherlands BV u l-Kummissjoni Ewropea għandhom ibatu l-ispejjeż rispettivi tagħhom, inklużi dawk relatati mal-proċeduri għal miżuri provviżorji u mat-talba għal intervent ta’ Mylan Ireland Ltd.
Mylan Ireland Ltd għandha tbati l-ispejjeż rispettivi tagħha relatati mat-talba għal intervent.
____________
1 ĠU C 284, 25.7.2022.