Caingean arna tabhairt an 20 Márta 2024 – LU v BEI
(Cás T-160/24)
Teanga an cháis: an Béarla
Páirtithe
Iarratasóir: LU (ionadaí: B. Maréchal, Dlíodóir)
Cosantóir: an Banc Eorpach Infheistíochta
An t-ordú atá á lorg
Iarrann an t-iarratasóir ar an gCúirt Ghinearálta:
cinneadh Uachtarán an BEI an 21 Nollaig 2023 (‘an cinneadh atá faoi chonspóid’), lena bhformhuinítear conclúidí na tuarascála deiridh de Phainéal um Dínit san Ionad Oibre de chuid BEI an 22 Márta 2023 a chur ar neamhní;
tuarascáil deiridh de Phainéal um Dínit san Ionad Oibre de chuid BEI an 22 Márta 2023 (‘an tuarascáil deiridh’) a chur ar neamhní;
úsáid an iarratasóra den nós imeachta maidir leis an Dínit san Ionad Oibre a dhearbhú mar úsáid dhlisteanach agus ní mailíseach;
imeachtaí araíonachta arna dtionscnamh i gcoinne an iarratasóra ag Uachtarán BEI an 8 Eanáir 2021 a chur ar neamhní;
cúiteamh a dheonú i leith an damáiste mhorálta a d’fhulaing an t-iarratasóir arbh ionann é agus suim EUR 150 000;
cúiteamh a dheonú i leith an damáiste ábhartha a d’fhulaing an t-iarratasóir arbh ionann é agus suim EUR 200 000, suim arna ríomh ar bhonn sealadach;
cúiteamh a dheonú i leith na dtáillí dlí arna dtabhú ag an iarratasóir maidir leis an iarratas atá ann faoi láthair do EUR 35 000 (lena n-áirítear CBL).
Saincheisteanna dlí agus príomhargóintí
Mar thaca lena chaingean, maíonn an t-iarratasóir ceithre shaincheist dlí.
An chéad saincheist dlí lena n-éilítear neamhdhleathacht an chinnidh atá faoi chonspóid agus na tuarascála deiridh tar éis neamh-inghlacthacht ghearán an iarratasóra arna taisceadh faoi Bheartas BEI Dínit Ghrúpa san Ionad Oibre do chiapadh síceolaíoch líomhnaithe (‘an gearán’) agus gníomhartha agus/nó neamhghníomhartha an chosantóra a bhaineann le tionscnamh míchuí, leanúnachas reáchtáil an nós imeachta maidir leis an Dínit san Ionad Oibre, ag breithniú ar:
an diúltú neamhdhleathach measúnú a dhéanamh agus anailís a bhfuil údar cuí leis ar inghlacthacht an ghearáin a thabhairt;
an neamhghníomh lochtach breithniú agus athmheasúnú a dhéanamh in anailís cuí-réasúnaithe agus a bhfuil údar cuí leis ar inghlacthacht an ghearáin.
An dara saincheist dlí lena n-éilítear an t-iompar míchuí don nós imeachta maidir leis an Dínit san Ionad Oibre de shárú ar an gceart chun cosanta agus an ceart chun dea-riaracháin, agus prionsabal na comhréireachta, ag breithniú ar:
an mhainneachtain imeachtaí a sheoladh i gcomhréir prionsabail na neamhchlaontachta agus an neamhspleáchais de shárú ar cheart an iarratasóra chun triail chóir;
earráidí agus mainneachtain i gcur chun feidhme bhreithiúnas an 2 Feabhra 2022, LU v BEI (T 536/20, nár foilsíodh, EU:T:2022:40) lena ndéantar difear do rialtacht an nós imeachta maidir leis an Dínit san Ionad Oibre agus do chearta an iarratasóra;
an choimhlint leasa comhaltaí éagsúla don oifig Foirne.
An tríú saincheist dlí lena n-éilítear neamhdhleathacht na cinntí atá faoi chonspóid sa mhéid nár admhaíodh an ciapadh morálta líomhnaithe ag an iarratasóir, ag breithniú ar:
measúnú ar líomhaintí ciaptha;
an mí-úsáid líomhnaithe don nós imeachta, mar a chinntear i gcaibidil 5 don chinneadh atá faoi chonspóid.
An ceathrú saincheist dlí lena n-éilítear dliteanas an chosantóra i leith damáistí morálta agus ábhartha a d’fhulaing an t-iarratasóir mar thoradh ar na cinntí atá faoi chonspóid agus na sáruithe a bhaineann lena chearta bunúsacha.
____________