Sentenza tal-Qorti Ġenerali tat-12 ta’ Diċembru 2014 – Crown Equipment (Suzhou) u Crown Gabelstapler vs Il-Kunsill
(Kawża T-643/11)1
(“Dumping – Importazzjonijiet ta’ pallet trucks tal-idejn u l-partijiet essenzjali tagħhom li joriġinaw miċ-Ċina – Eżami mill-ġdid – Artikolu 11(2) tar-Regolament (KE) Nru°1225/2009 – Drittijiet tad-difiża – Żball ta’ fatt – żball manifest ta’ evalwazzjoni – Obbligu ta’ motivazzjoni”)
Lingwa tal-kawża: l-Ingliż
Partijiet
Rikorrenti: Crown Equipment (Suzhou) Co. Ltd (Suzhou, iċ-Ċina); u Crown Gabelstapler GmbH & Co. KG (Roding, il-Ġermanja) (rappreżentanti: K. Neuhaus, H. J. Freund u B. Ecker, avukati)
Konvenut: Il-Kunsill tal-Unjoni Ewropea (rappreżentanti: J. P. Hix, aġent, assistit inizjalment minn G. Berrisch u A. Polcyn, sussegwentement minn A. Polcyn u D. Geradin, avukati)
Parti konvenuta in sostenn tal-partijiet konvenuti: Il-Kummissjoni Ewropea (rappreżentanti: J. F. Brakeland, M. França u A. Stobiecka Kuik, aġenti)
Suġġett
Annullament parzjali tar-Regolament ta’ Implimentazzjoni tal-Kunsill (UE) Nru 1008/2011, tal-10 ta’ Ottubru 2011, li jimponi dazju anti-dumping definittiv fuq importazzjonijiet ta’ pallet trucks tal-idejn u l-partijiet essenzjali tagħhom li joriġinaw mir-Repubblika Popolari taċ-Ċina kif estiż għal importazzjonijiet ta’ pallet trucks tal-idejn u l-partijiet essenzjali tiegħu mibgħutin mit-Tajlandja, sew jekk iddikjarati li joriġinaw mit-Tajlandja u sew jekk le, wara reviżjoni tal-iskadenza skont l-Artikolu 11(2) tar-Regolament (KE) Nru 1225/2009 (ĠU L 268, p. 1) safejn dan jinċidi fuq ir-rikorrenti.DispożittivIr-rikors huwa miċħud.Crown Equipment (Suzhou) Co. Ltd u Crown Gabelstapler GmbH & Co. KG għandhom ibatu, minbarra l-ispejjeż proprji tagħhom, erba’ minn ħamsa tal-ispejjeż sostnuti mill-Kunsill tal-Unjoni Ewropea.Il-Kunsill għandu jbati wieħed minn ħamsa tal-ispejjeż proprji tiegħu.Il-Kummissjoni Ewropea għandha tbati l-ispejjeż proprji tagħha.