Iarraidh ar réamhrialú ó Oberlandesgericht Köln (an Ghearmáin) a taisceadh an 4 Iúil 2023 - Dlíodóir is Nótaire v Uachtarán de Oberlandesgerichts Hamm
(Cás C-408/23, Anwaltsnotarin)
Teanga an cháis: an Ghearmáinis
An chúirt a rinne an tarchur
Oberlandesgericht Köln
Páirtithe sna príomhimeachtaí
Iarratasóirí: Dlíodóir is Nótaire
Cosantóir: Uachtarán de Oberlandesgerichts Hamm
Na ceisteanna a tharhchuirtear
An gcaithfear Airteagal 21 den Chairt um Chearta Bunúsacha an Aontais Eorpaigh agus Airteagal 6(1) de Threoir 2000/78/CE1 a léiriú sa chaoi go gcuirtear cosc leo ar reachtaíocht náisiúnta lena n-ordaítear go héigeantach nach bhféadfaí duine a bhfuil 60 bliain d’aois slán aige nó aici nuair atá an spriocdháta d’iarratais istigh i ndáil le post mar nótaire in ann a cheapadh den chéad uair ar phost mar Anwaltsnotar (dlíodóir is nótaire), cé go mbeidh roinnt post fós ar fáil toisc nach bhfuil aon iarratasóir níos óige atá oiriúnach ann san Amtsgericht (an chúirt dúiche áitiúil) ina raibh an nós imeachta um iarratais ar bun agus nach gceadaítear d’iarratasóirí i gcúirteanna dúiche áitiúla eile iarratas a dhéanamh?
An gcaithfear freagra dearfach a thabhairt ar Cheist 1 má táthar ag súil leis nach mbeifear, sa bhliain dar gcionn arís, in ann roinnt post fógartha mar Anwaltsnotar sa chúirt dúiche áitiúil chéanna a líonadh le hiarratasóirí oiriúnacha faoi 60 bliain d’aois?
An gcaithfear freagra dearfach a thabhairt ar Cheist 1 ar aon chaoi toisc go bhfuiltear ag súil leis freisin nach mbeifear in ann arís agus arís eile, i gcúirteanna dúiche áitiúla eile lasmuigh de limistéir uirbeacha, gach post fógartha mar Anwaltsnotar a líonadh le hiarratasóirí oiriúnacha faoi 60 bliain d’aois?
An é nach bhfuil sárú ar Airteagal 21 den Chairt um Chearta Bunúsacha an Aontais Eorpaigh ná Airteagal 6(1) de Threoir 2000/78 ann i gcás go bhfuil soláthar seirbhísí nótaire i gcúirt dúiche áitiúil á áirithiú, cé nach bhfuil an post mar Anwaltsnotar tugtha d’iarratasóir atá níos mó ná 60 bliain d’aois mar gheall ar a aois nó a haois amháin agus go bhfuil roinnt post fós ar fáil?
____________
1 Treoir 2000/78/EG ón gComhairle an 27 Samhain 2000 lena mbunaítear creat ginearálta le haghaidh na córa comhionainne san fhostaíocht agus sa tslí bheatha (IO 2000 L 303, lch. 16).