Rikors ippreżentat fit-8 ta' Awwissu 2012 - Harper Hygienics vs UASI - Clinique Laboratories (CLEANIC Kindii)
(Kawża T-364/12)
Lingwa tar-rikors: il-Pollakk
Partijiet
Rikorrenti: Harper Hygienics S.A. (Varsavja, il-Polonja) (rappreżentant: R. Rumpel, konsulent legali)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord tal-Appell: Clinique Laboratories LLC (New York, l-Istati Uniti tal-Amerka)
Talbiet
tannulla d-deċiżjoni tat-Tieni Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni), tas-17 ta' Mejju 2012 (Każ R 1135/2011-2), li permezz tagħha ġiet miċħuda l-applikazzjoni għat-trade mark Komunitarja "CLEANIC Kindii" għal prodotti fil-klassijiet 3, 5 u 16;
tibdel id-deċiżjoni kkontestata b'tali mod li t-trade mark tiġi rreġistrata fir-rigward tal-prodotti u tas-servizzi kollha indikati fl-applikazzjoni;
tikkundanna lill-konvenut għall-ispejjeż.
Motivi u argumenti prinċipali
Applikanti għat-trade mark Komunitarja: ir-rikorrenti
Trade mark Komunitarja kkonċernata: it-trade mark figurattiva li tinkludi l-element verbali "CLEANIC Kindii" għal prodotti fil-klassijiet 3, 5 u 16
Proprjetarju tat-trade mark jew tas-sinjal invokat insostenn tal-oppożizzjoni: il-parti l-oħra quddiem il-Bord tal-Appell
Trade mark jew sinjal invokat: trade mark Komunitarja Nru 54 429 għal prodotti fil-klassijiet 3, 14, 25 u 42, trade mark Komunitarja Nru 2 294 429 għal prodotti fil-klassijiet 35 u 42 u trade mark nazzjonali (Pollakka) Nru 51 732 għal prodotti fil-klassijiet 3 u 5
Deċiżjoni tad-Diviżjoni tal-Oppożizzjoni: oppożizzjoni milqugħa
Deċiżjoni tal-Bord tal-Appell: appell miċħud
Motivi invokati: ksur tal-Artikolu 8(1)(b) tar-Regolament Nru 207/2009 , sa fejn ġie kkonstatat li t-trade mark jixxiebhu u li hemm probabbiltà ta' konfużjoni min-naħa tal-pubbliku, u ksur tal-Artikolu 8(5) tal-istess regolament
____________1 - Regolament tal-Kunsill (KE) Nru 207/2009, tas-26 ta' Frar 2009, dwar it-trade mark Komunitarja (ĠU L 78, p. 1).