Digriet tal-Qorti Ġenerali (L-Ewwel Awla) tal‑10 ta’ Settembru 2021 – Kühne vs Il-Parlament
(Kawża T‑691/20)
“Rikors għal annullament – Servizz pubbliku – Uffiċjali – Skema ta’ mobbiltà – Talba dwar l-obbligu ta’ mobbiltà – Att li ma jistax jiġi kkontestat – Inammissibbiltà”
1. Rikorsi tal-uffiċjali – Rikors ippreżentat kontra d-deċiżjoni ta’ ċaħda tal-ilment – Ammissibbiltà – Obbligu li tingħata deċiżjoni fuq it-talbiet imressqa kontra d-deċiżjoni li tiċħad l-ilment – Konklużjonijiet nieqsa minn kontenut awtonomu jew deċiżjoni purament konfermattiva – Assenza
(Regoli tal-Persunal, Artikoli 90 u 91)
(ara l-punti 21, 22)
2. Rikorsi tal-uffiċjali – Att li jikkawża preġudizzju – Kunċett – Nota tal-amministrazzjoni li tinforma lill-persuna kkonċernata bl-intenzjoni tagħha li tipproċedi, fil-futur, għall-assenjazzjoni mill-ġdid tagħha – Esklużjoni
(Regolamenti tal-Persunal, Artikolu 90(2) u Artikolu 91(1))
(ara l-punti 25-28, 33-35, 38)
Suġġett
| Talba bbażata fuq l-Artikolu 270 TFUE u intiża għall-annullament tal-ittra tal-Parlament tas‑17 ta’ April 2020, ikkompletata fil‑21 ta’ April ta’ wara, li tiċħad it-talba tar-rikorrenti dwar l-applikazzjoni tar-regoli dwar il-mobbiltà. |
Dispożittiv
1) | | Ir-rikors huwa miċħud bħala inammissibbli. |
2) | | Verena Kühn hija kkundannata għall-ispejjeż |