Digriet tal-Qorti Ġenerali tal-10 ta’ Ottubru 2023 – Les Mousquetaires u ITM Entreprises vs Il-Kummissjoni
(Kawża T-539/19) 1
(“Kompetizzjoni – Akkordji – Deċiżjoni tal-Kummissjoni li tordna spezzjoni – Irtirar tal-att ikkontestat – Tmiem tal-iskop tat-tilwima – Ma hemmx lok li tingħata deċiżjoni”)
Lingwa tal-kawża: il-Franċiż
Partijiet
Rikorrenti: Les Mousquetaires (Pariġi, Franza), ITM Entreprises (Pariġi) (rappreżentanti: N. Jalabert-Doury, K. Mebarek u B. Chemama, avukati)
Konvenut: Il-Kummissjoni Ewropea (rappreżentanti: P. Berghe u I. Rogalski, aġenti)
Intervenjent insostenn tal-konvenut: Il-Kunsill tal-Unjoni Ewropea (rappreżentanti: O. Segnana u A.-L. Meyer, aġenti)
Suġġett
Permezz tar-rikors tagħhom abbażi tal-Artikolu 263 TFUE, ir-rikorrenti jitolbu l-annullament, l-ewwel nett, tad-Deċiżjoni tal-Kunsill C(2019) 3762 finali, tat-13 ta’ Mejju 2019, li tordna lil Mousquetaires kif ukoll lill-kumpanniji kollha direttament jew indirettament ikkontrollati minnhom li jissuġġettaw ruħhom għal spezzjoni konformement mal-Artikolu 20(1) u (4) tar-Regolament tal-Kunsill (KE) Nru 1/2003 (AT.40466 – Tute 1) u, it-tieni nett, ta’ diversi deċiżjonijiet adottati mill-Kummissjoni Ewropea, waħda minnhom fit-18 ta’ Ġunju 2019, intiżi biex titwettaq l-ispezzjoni.
Dispożittiv
Ma hemmx iktar lok li tingħata deċiżjoni.
Il-Kummissjoni Ewropea għandha tbati l-ispejjeż tagħha stess kif ukoll l-ispejjeż ta’ Les Mousquetaires u ta’ ITM Entreprises.
Il-Kunsill tal-Unjoni Ewropea għandu jbati l-ispejjeż tiegħu stess.
____________
1 ĠU C 328, 30.9.2019.