Achomharc arna thabhairt an 16 Aibreán 2024 ag Igor Shuvalov i gcoinne bhreithiúnas na Cúirte Ginearálta (an Chéad Dlísheomra) a fógraíodh an 7 Feabhra 2024 i gCás T-289/22, Shuvalov v an Chomhairle
(Cás = "n" "Case" IF = "o" "Joined Cases" C-271/24 P)
Teanga an cháis: an Spáinnis
Páirtithe
Achomharcóir: Igor Shuvalov (ionadaithe: J. L. Iriarte Ángel, F. Rodríguez González, L. Rodríguez Jiménez agus L. M. García López, abogados)
Páirtí eile sna himeachtaí: Comhairle an Aontais Eorpaigh
An t-ordú atá á lorg
Iarrann an t-achomharcóir ar an gCúirt:
An breithiúnas ón gCúirt Ghinearálta (an Chéad Dlísheomra) an 7 Feabhra 2024 i gCás T-289/22 a chur ar ceal.
Breithiúnas críochnaitheach a thabhairt sa chás tríd an ordú atá á lorg ag an iarratasóir, atá ina achomharcóir anois, a dheonú sna himeachtaí ag an gcéad chéim; is é sin le rá, go neamhneofaí
ar an gcéad dul síos, Cinneadh (CBES) 2022/265 ón gComhairle an 23 Feabhra 2022 lena leasaítear Cinneadh 2014/145/CBES maidir le bearta sriantacha i ndáil le gníomhaíochtaí a bhaineann an bonn d’iomláine chríochach, de cheannasacht agus de neamhspleáchas na hÚcráine 1 agus Rialachán Cur Chun Feidhme (AE) 2022/260 ón gComhairle an 23 Feabhra 2022 lena gcuirtear chun feidhme Rialachán (AE) Uimh. 269/2014 maidir le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin. 2
ar an dara dul síos, Cinneadh (CBES) 2022/1530 ón gComhairle an 14 Meán Fómhair 2022 lena leasaítear Cinneadh 2014/145/CBES 1 agus Rialachán Cur Chun Feidhme (AE) 2022/1529 ón gComhairle an 14 Meán Fómhair 2022 lena gcuirtear chun feidhme Rialachán (AE) Uimh. 269/2014; 2 agus,
ar an tríú dul síos, Cinneadh (CBES) 2023/572 ón gComhairle an 13 Márta 2023 lena leasaítear Cinneadh 2014/145/CBES 1 agus Rialachán Cur Chun Feidhme (AE) 2023/571 ón gComhairle an 13 Márta 2023 lena gcuirtear chun feidhme Rialachán (AE) Uimh. 269/2014, 2
A mhéid a dhéantar difear don achomharcóir leis na dlíthe sin.
Dá bhrí sin, Cinneadh 2014/145/CBES agus Rialachán (AE) 269/2014 a chur ar neamhní a mhéid a dhéantar tagairt nó dochar don achomharcóir leo.
A ordú don Chomhairle costais an dá shraith imeachtaí a íoc.
Forais achomhairc agus príomhargóintí
Mar thaca lena chaingean, maíonn an t-achomharc sé fhoras achomhairc:
An chéad fhoras achomhairc: earráid dlí trí chinneadh go mícheart sa bhreithiúnas nach ndearna an Chomhairle earráid mheasúnaithe, rud a chinn an Chúirt Ghinearálta de bhun shaobhadh follasach ar na fíorais.
An dara foras achomhairc: earráid dlí trí chinneadh go mícheart sa bhreithiúnas gur chomhlíon an Chomhairle a hoibleagáid cúiseanna a lua.
An triú foras achomhairc: earráid dlí trí chinneadh go mícheart sa bhreithiúnas nach sáraítear leis na rialacha faoi chonspóid an ceart bunúsach maidir leis an tsaoirse chun tuairimí a nochtadh.
An ceathrú foras achomhairc: earráid dlí trí chinneadh go mícheart sa bhreithiúnas nár sáraíodh leis na rialacha faoi chonspóid ceart maoine an achomharcóra i bhfianaise phrionsabal na comhréireachta.
An cúigiú foras achomhairc: earráid dlí trí chinneadh go mícheart sa bhreithiúnas nach raibh aon sárú ar phrionsabal na córa comhionainne.
An séú foras achomhairc: earráid dlí trí chinneadh go mícheart sa bhreithiúnas gur tugadh urraim do cheart an achomharcóra chun cosaint bhreithiúnach éifeachtach a fháil agus nach raibh aon mhí-úsáid cumhachtaí ann.
____________
1 IO 2022, L 42 I, lch. 98.
1 IO 2022, L 42 I, lch. 3.
1 Cinneadh (CBES) 2022/1530 ón gComhairle an 14 Meán Fómhair 2022 lena leasaítear Cinneadh (AE) Uimh. 2014/145/CBES maidir le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO 2022, L 239, lch. 149).
1 Rialachán Cur Chun Feidhme (AE) 2022/1529 ón gComhairle an 14 Meán Fómhair 2022 lena gcuirtear chun feidhme Rialachán (AE) Uimh. 269/2014 maidir le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO 2022, L 239, lch. 1).
1 Cinneadh (CBES) 2023/572 ón gComhairle 13 Márta 2023 lena leasaítear Cinneadh (AE) Uimh. 2014/145/CBES maidir le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO 2023, L 75 I, lch. 134).
1 Rialachán Cur Chun Feidhme (AE) 2023/571 ón gComhairle an 13 Márta 2023 lena gcuirtear chun feidhme Rialachán (AE) Uimh. 269/2014 maidir le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin (IO 2023, L 75 I, lch. 1).