Digriet tal-Qorti Ġenerali tas-16 ta’ Ottubru 2014 – Chatazithoma vs Il-Kummissjoni u Il-BĊE
(Kawża T-329/13) 1
(“Rikors għal annullament – Programm ta’ sostenn għall-istabbiltà ta’ Ċipru – Dikjarazzjoni tal-grupp tal-euro dwar ir-ristrutturazzjoni tas-settur bankarju f’Ċipru – Isem żbaljat tal-konvenuta fir-rikors – Inammissibbiltà”)
Lingwa tal-kawża: il-Grieg
Partijiet
Rikorrenti: Petros Chatzithoma (Makedonitissa, Ċipru) u Elenitsa Chatzithoma (Makedonitissa) (rappreżentanti: E. Efstathiou, K. Efstathiou u K. Liasidou, avukati)
Konvenuti: Il-Kummissjoni Ewropea (rappreżentanti: B. Smulders, J. P. Keppenne u M. Konstantinidis, aġenti) u l-Bank Ċentrali Ewropew (BĊE) (rappreżentanti: A. Sáinz de Vicuña Barroso, N. Lenihan u F. Athanasiou, aġenti, assistiti minn W. Bussian, W. Devroe u D. Arts, avukati)SuġġettTalba għall-annullament tad-dikjarazzjoni tal-grupp tal-euro tal-25 ta’ Marzu 2013 dwar, b’mod partikolari, ir-ristrutturazzjoni tas-settur bankarju f’Ċipru.Dispożittiv1) Ir-rikors huwa miċħud bħala inammissibbli.2) Petros Chatzithoma u Elenitsa Chatzithoma għandhom ibatu, minbarra l-ispejjeż tagħhom, dawk esposti mill-Kummissjoni Ewropea u mill-Bank Ċentrali Ewropew (BĊE).