Caingean arna tabhairt an 23 Eanáir 2024 – Laboratorio SYS v EUIPO – Dr. Babor (sYs)

(Cás T-39/24)

Teanga inar taisceadh an t-iarratas: an Béarla

Páirtithe

Iarratasóir: Laboratorio SYS, SL (Torrent, an Spáinn) (ionadaí: N. Fernández Fernández Pacheco, Dlíodóir)

Cosantóir: Oifig Maoine Intleachtúla an Aontais Eorpaigh (EUIPO)

Páirtí eile sna himeachtaí os comhair an Bhoird Achomhairc: Dr. Babor GmbH & Co. KG (Aachen, an Ghearmáin)

Sonraí na n-imeachtaí os comhair EUIPO

Dílseánach an trádmhairc atá faoi cheist: Páirtí eile os comhair an Bhoird Achomhairc

Trádmharc atá faoi cheist: Iarratas ar fhocalmharc an Aontais Eorpaigh ‘sYs’ – Trádmharc de chuid an Aontais Eorpaigh Uimh. 17 480 005

Nós imeachta os comhair EUIPO: Imeachtaí maidir le cealú

Cinneadh atá faoi cheist: Cinneadh ón gcéad Bhord Achomhairc de EUIPO an 22 Samhain 2023 i gCás R 2462/2022-1

An t-ordú atá á lorg

Iarrann an t-iarratasóir ar an gCúirt Ghinearálta:

an cinneadh atá faoi chonspóid a chur ar neamhní;

a ordú do EUIPO clárú Thrádmharc de chuid an Aontais Eorpaigh Uimh. 17 480 005 a dhiúltú;

a ordú don idiragraí agus don chosantóir, i gcás inarb infheidhme, costais na n-imeachtaí os comhair EUIPO agus os comhair na Cúirte Ginearálta a íoc.

Saincheist dlí arna maíomh

Sárú ar Airteagal 60(1)(a) i gcomhar le hAirteagal 8(1)(b) de Rialachán (AE) 2017/1001 ó Pharlaimint na hEorpa agus ón gComhairle.

____________