Rikors ippreżentat fil-5 ta' Novembru 2012 - Nestlé Unternehmungen Deutschland vs UASI - Lotte (LOTTE)
(Kawża T-483/12)
Lingwa tar-rikors: il-Ġermaniż
Partijiet
Rikorrenti: Nestlé Unternehmungen Deutschland GmbH (Frankfurt am Main, il-Ġermanja) (rappreżentant: A. Jaeger-Lenz, avukat)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord tal-Appell: Lotte Co. Ltd (Tokjo, il-Ġappun)
Talbiet
tannulla d-deċiżjoni tar-Raba' Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tat-3 ta' Settembru 2012 fil-Każ R 2103/2010-4;
tikkundanna lill-konvenut għall-ispejjeż.
Motivi u argumenti prinċipali
Applikant għat-trade mark Komunitarja: Lotte Co. Ltd
Trade mark Komunitarja kkonċernata: it-trade mark figurattiva li tinkludi l-element verbali "LOTTE" u dehra ta' koala f'siġra li qiegħda żżomm koala żgħir, għal prodotti fil-klassi 30 - Applikazzjoni għal trade mark Komunitarja Nru 6 158 463
Proprjetarju tat-trade mark jew tas-sinjal invokat insostenn tal-oppożizzjoni: ir-rikorrenti
Trade mark jew sinjal invokat: it-trade marks figurattivi nazzjonali li jinkludu l-elementi verbali "KOALA BÄREN" u "KOALA" u dehra ta' koala li qiegħda żżomm koala żgħir, għal prodotti fil-klassi 30
Deċiżjoni tad-Diviżjoni tal-Oppożizzjoni: oppożizzjoni milqugħa
Deċiżjoni tal-Bord tal-Appell: appell milqugħ u d-deċiżjoni tad-Diviżjoni tal-Oppożozzjoni annullata
Motivi invokati: ksur tal-Artikolu 42(2) u (3) tar-Regolament Nru 207/2009, tar-Regola 22(2) tar-Regolament Nru 2868/95 u tal-Artikolu 15(1) tar-Regolament Nru 207/2009
____________