Rikors ippreżentat fid-19 ta' Novembru 2009 - Stelzer vs Il-Kummissjoni
(Kawża T-467/09)
Lingwa tal-kawża: Il-Ġermaniż
Partijiet
Rikorrent: Dierk Stelzer (Berlin, il-Ġermanja) (rappreżentant: F. Weiland, avukat)
Konvenuta: Il-Kummissjoni tal-Komunitajiet Ewropej
Talbiet tar-rikorrent
tannulla d-deċiżjonijiet ta' ċaħda tad-Direttorat Ġenerali tal-Ambjent tal-Kummissjoni tas-6 ta' Awwissu 2009 u tas-Segretarjat Ġenerali tal-Kummissjoni tad-29 ta' Ottubru 2009 (li għandha tiġi kkunsidrata bħala tad-29 ta' Settembru 2009);
tikkundanna lill-konvenuta tbati l-ispejjeż tar-rikorrent.
Motivi u argumenti prinċipali
Ir-rikorrent jikkontesta b'mod partikolari d-deċiżjoni tal-Kummissjoni tad-29 ta' Ottubru 2009, li permezz tagħha ġiet miċħuda parzjalment it-talba ta' konferma tiegħu dwar l-aċċess għall-istudju ta' kompatibbiltà sabiex id-dritt nazzjonali jiġi adattat għad-Direttiva 2003/35/KE
1.
Insostenn tar-rikors tiegħu, ir-rikorrent isostni li m'hemmx lok għall-motivi msemmija mill-konvenuta sabiex tirrifjuta l-aċċess għad-dokumenti mitluba, jiġifieri l-ħarsien tal-iskop tal-ispezzjonijiet (it-tielet inċiż tal-Artikolu 4(2) tar-Regolament Nru 1049/2001
2) u l-ħarsien tal-proċess tat-teħid ta' deċiżjonijiet (Artikolu 4(3) tar-Regolament Nru 1049/2001). Huwa jsostni wkoll li, skont l-Artikolu 4(6) tar-Regolament Nru 1049/2001, ġie rrifjutat b'mod żbaljat l-aċċess għad-dokument mitlub. Barra minn hekk, hemm interess pubbliku sabiex jiġi żvelat l-istudju li sar. Fl-aħħar nett, ir-rikorrent jallega ksur tal-obbligu ta' motivazzjoni min-naħa tal-konvenuta.